雖然我也幫了少少手，但親人要連踩三日，最後整埋飛線駁燈，模型才大功告成。搞呢哋小飾品，分分鐘可以冇咗半條人命呢!
由於近日較忙的關係，小妹今次都係寫番哋輕鬆小品吧。身為一名頹教徒，我向來都不迷信塔羅牌、星座等東西，只會當係笑話咁睇。但美國哥倫比亞大學的研究卻發現: 在1985至2013年期間，於New York-Presbyterian Hospital/CUMC就醫的一百七十多萬名病人，其中罹患的1688單病例，都可按其出生月份來作出歸類。即不同月份出世的人，會傾向患上不同種類的疾病:
(Photo source: www.marieclaire.com)
小妹第一時間查下12月(即我的誕生月份)，卻覺得不準確。圖文說我會容易有bruising, 但我瘀傷的頻率，遠比身體的其他敏感徵狀少。而表面上最健康的5月及7月寶寶，他們究竟是天生就冇乜病痛，還是病症較雜所以不能歸類? 這就不得而知了!
反之，如果我用小心心眼的角度看，這個研究，有可能是鼓吹某些月份出生的人，多去看醫生，和多使用保健產品。外國的媒體研究過，最多富人的星座為水瓶座，而最少創業者的星座則為巨蟹座。驟眼看，一些較易盛産"有錢佬"的月份，其綜合病症亦會更多。他們除了克服"先天的病痛"外，還能同時努力賺錢，真的"精神可嘉"! 一眾私營醫療機構，當然要更落力為他們"服務"了=)
相信大家對照這幅圖後，第一個反應都是一笑置之。然而，即使我們不會主動付錢去算命占卜，迷信的概念，仍是會對我們產生潛移默化的影響。單以星座為例，要搲錢的途徑已經有好多:
1. 將明星與星座匹對
無論一個幾唔信星座的人，只要人哋同佢講其星座的正面特質，他心底都會立刻對號入座的。雜誌的專欄，亦愛將不同的名人臉孔配上其星座，令該星座的讀者看到内容時，不自覺將該明星的迷人之處，也套到自己身上。久而久之，讀者便有更大的動機，去留意該明星的新聞、電影或唱片。
2. 將商品與星座配搭
某些首飾、服裝公司等，會將其產品market為適合不同的星座人士。而特定的物料或配撘，亦可成為當事人的"吉祥物"，令他的工作/財運/愛情/健康，發展更如意。
3. 激起人們的好奇心，促進消費行為
我們日常接觸到的星座資訊，多是大包圍的分析。求知慾強的人、或不認同其"太陽星座"特質的人，都可以用多些錢及時間，對這範疇無止境地深究下去。月亮星座，上昇星座，星軌移動...總之乜都撈埋一份，講到你滿意為止!
畢竟，星座學說已有過千年的歷史，而其衍生的產業，亦為不少人帶來職位及收入。大家對各類風水、相學有甚麼看法? 迷信心理，是否影響了人們的消費行徑? 歡迎在此分享一下=)
P.S. 在池兄上篇blog文内提及的board game聚會，暫時已有狸貓太子兄、Peter Pan兄及醉心兄報名。如大家有興趣的話，請發電郵向我報名: cherry.neverland@gmail.com
多謝哂^^
Bruising唔使睇醫生喎，你應慳番唔少醫藥費：）
回覆刪除阿Sue，我個出生月份多窮人嘛(其實主要是被我一人拉底個mean,呵呵),所以藥廠都費時market我=)
刪除我見到有高達!!!! 另, 我猜友人也是一名老師.
回覆刪除星座我不信, 但用黎溝女是十分有用!
理得佢真定假, 有用就得, 你咩星座呢?
呵呵70後兄見到Gundam真眼利!但我家人並非教育界的。如果做老師要砌呢哋模型既話，佢一定快過林x思爆粗囉=)
刪除我自小已覺女仔學星座是為了八卦、男仔學星座是為了追女，所以我便更不信了。為免被定型，我都係唔喺度講自己幾月幾號生日啦=)
9月的我, 原來是多病一族, 真係唔講唔知, 哈哈
回覆刪除迷信呢d野, 在人類既歷史, 以前有, 現在有, 將來都應該會一直有
刪除呵呵Joseph兄不會信這些偽科學吧!BTW, 9月-10月最多人出世(因計番十月懷胎，BB多是在12月這個festive season被conceive的)，所以藥廠一定會sell爆你哋=)
刪除迷信呢個行業真係養肥咗唔少人。
刪除我以前有個小學同學，她有十幾個兄弟姊妹(同一母親生)，她的父親就是做風水佬的~
搞得掂星座，何止搲銀，過去呢樣係「國師」級的專業。
回覆刪除池兄所言甚是!其實依家搞得掂星座既"專家"，都可以靠上電視、出書、辦講座等賺大錢了。天下的"大師"們，皆是如此搲銀=)
刪除The model cafe looks great!
回覆刪除Thanks Keith=)
刪除Agree迷信的東西養活了很多人。
回覆刪除大抵是因為人不接受生命及事物的隨機性, 一遇到不幸的事就賴環境、賴命水等, 才衍生了如此多不客觀不科學的「知識」。
非常認同R兄的一番話!除了不接受生命及事物的隨機性外, 有些人根本成世都不想付出。不論是財富/事業/健康/愛情，有哪一樣是不作任何努力，就能垂手可得的?
刪除以為靠迷信偏方就能成功的人，未免太天真了嗎?
香港學生鍾意睇星座, 因為我女以前讀書時都有買星座書, 但我就好少睇, 只睇中國十二生肖運程書, 因為是由古時傳落, 而聽得媽媽由小時講生肖性格和運氣多, 但只用來參考, 唔會100%信 !
回覆刪除呵呵謝謝Lisa的分享!我都估到妳較喜歡看中國的風水命理=)
刪除比起星座，我覺得風水反而仲多哋参考價值。山、水的不同格局，真係會激起一個人的心理反射。
以深井為例，點解佢對山面海，哋單位都賣得唔貴?皆因佢多山但不茂密、有海但方位不好看。睇到的人，都唔會覺得太旺。
除此以外, 環境科學能影響健康和精神, 進一步影響日常表現, 形成所謂的「運」也是有可能的。
刪除R兄所言甚是，具奇特之處的居住地，其環境科學是有可能影響一個人的行為及思緒的。
刪除日常工作中，我去過大量的住宅。最講究風水的，便是一些上了岸的生意人。就如我入過半山愛x大廈内的兩個單位，一入門就見到過百條大錦鯉在魚缸游來游去，相信是主人想作辟邪之用。
噢當然，太迷信仍是不好的。風水係幫到某些人心安理得，但人生的成就，主力還是靠自己吧=)
刪除其實妳份工係咪煙幕？
刪除成日上人地屋企昅野，cherry姐實際上係AA睇樓/風水婆嗎？{(-_-)}
嘩乜Sue咁睇得起我呀?
刪除AA/風水婆比我現時做的人工高好多喎~但我都係鐘意自己本行多哋=)
就如風水書, 也有一樣的參考價值 !
回覆刪除Lisa説得對呢，但參考之餘，絕不要迷信。未來還是要靠自己的呢=)
刪除玄學是有其用處，
回覆刪除但用家迷信，每事問，阻止不了，
有運，但不努力，乜都係假
謝謝Scott兄的留言!個人覺得，玄學佛家都蘊含導人向善、叫人唔好太執著的哲理。當信徒硬要鑽牛角尖問到底，便早已違反此教的精神，亦難以得到真正的答案。
刪除一世流流長，點都會有行大運的時機。如何把握，便看個人造化了。
嘿嘿...
回覆刪除紫微斗數, 風水飛星, 掌面相等我都學過下架!
http://magician__yang.mysinablog.com/index.php?op=ArticleListing&postCategoryId=144098
嘩魔術師兄實在太堅!你幾時開班為我們一眾blog友睇相呀XDD
刪除等我好好刨下你link内的文章先=)
千祈唔好留言, 我已經dump哂成個blog搬緊了!
刪除//魔術師兄實在太堅
刪除過獎,我的能力圈比偶像博客、價值大師等人可能大少少咁啫!
放心呢，我就心領神會、不留言吧=)
刪除認真一問，魔術師兄可推薦屋宅的風水書俾我看嗎?初楷亦可，我只是參考一下。因為我實在上得太多單位，有時睇多哋都好!thank you~
你也太謙了吧!叻咁多，仲話"少少"=)
刪除其實大多人都不會特別留意風水，通常生活過得正正常常的懶豬，有空會寧願睡覺也不看這些呢。
"其實魔術師係故意唔揀有露台同工作平台的屋，多隻香爐多隻鬼，實用性唔大（起碼魔術師一個人住，唔會晾衣服在外，更唔會懶中剷咁走出露台嘆紅酒伸懶腰遠晀無敵海景有lifestyle），做清潔先係最煩。"
刪除呢句串到我應一應啊!每星期齋洗一次露台，都已經攰到扒地了~
刪除//屋宅的風水書俾我看嗎
睇蔣匡文系列喇, 一啲都唔academic.
//每星期齋洗一次露台，都已經攰到扒地了~
有親戚叫我請鐘點,但我又唔慣自己做大少咁坐係梳化望住人做嘢.
謝謝魔術師兄推薦!買本刨下先=)
刪除其實請鐘點都可以既，唔好當人地係工人咁點就OK! 我見過有人養唔起賓賓，請個家務助理，都要人地稱呼自己為Madam~
用迷信來解釋現象唔使花太多口水, 反而講道理就難以服人了
回覆刪除謝謝塘人兄留言!用迷信途徑的話，人家還會當係大師拜呢=)
刪除作者已經移除這則留言。
回覆刪除星座作爲參考有時都有點樂趣，但不會太認真。好野 ! Peak Season 加油 :)
回覆刪除謝謝Michael兄的留言及支持!有時面對新認識的朋友，用星座作破冰題目也不錯呢=)
刪除你佈置、裝修新居時也加油呢!也可在blog上post相update大家=)
要明年先入伙，有排等 :D
刪除Michael兄是買了樓花?咁真係唔駛咁快諗裝修住，抖下先都得啦=)
刪除哇! 蛋糕店看起來有溫馨感，會想走進去~。
回覆刪除對於風水，我覺得是古人將累積的經驗包裝成各種模型，猜測或許這樣會使聽的人比較容易了解、甚至是方便使用與查詢。比方說像是居住的房子，裡頭的格局、擺設、環境(光線、空氣、水、聲音等)都會影響到人的感受，可是如果要逐一說明為什麼，會太麻煩了，所以就整理出一套可以讓人可以聽懂的方式來~~
以上，純屬個人猜測。
謝謝Yanwei兄的鼓勵!這個蛋糕店作品，算是比我以前的美勞作品好一些了=)
刪除你的解釋很詳盡呢!環境的和諧一致性，對生活的滿足感有很大幫助。
刪除我信基督教的，並以此為内心成長的模範。但面對外界，我亦樂於用理性思維，多了解不同的學說。我覺得包容及理解心，比起排他性的宗教行為，令社會更樂融融呢。
Oh, I have none!
回覆刪除Michael兄咁勁~快哋寫番個養生blog吧=)
刪除作者已經移除這則留言。
回覆刪除作者已經移除這則留言。
刪除Hey 狗股兄~我FB好似冇收過你的msg喎...而且我唔覺有add過你?
刪除穩陣起見，你可在70後兄的新blog post内留言。佢先至係搞手嘛!或者你send email問我都得: cherry.neverland@gmail.com
作者已經移除這則留言。
刪除