小妹有睇開海外bloggers的分享，其中一位名為"FI Fighter"的美國亞裔人士，本來在Bay Area做工程師。今年，他於31歲之齡提早退休，並來港定居在親人家。
在他的分享中(www.fifighter.com/post-fi/2016/07/my-simple-beautiful-life/)，香港的衣食住行方便，非常適合退休人士。簡單地在家吃一餐、出街搭程車，都只是各花$0.5美金而已(真係咁平?)。咁樣，佢其他的空閑時間，又用來做咩呢?
他為了操練自己的廣東話，日日都會煲TVB的劇集，還看得津津有味! 雖然他也承認這種生活有點單調(mundane)，但跟以前忙碌的三藩市打工生涯比起來，現在的日子，才是他真正嚮往的。
時間多得過份，他可以每日去做幾粒鐘gym，目標是消除脂肪及減低長遠的健康開支。夜晚他回家休息，便直接躺在房間地上的床鋪。
驟眼看，此位"FI Fighter"的生活物質和享受，簡直與一般港人眼中的"廢青"冇乜分別。消費少、電視多，惟一是做運動較為積極，亦有頻密更新blog文。比起那些死砌數字要向財自踏進一大步的港人來説，他的生活成本咁低，豈不是跟拿綜援差不多?
然而，這就是人家喜歡的人生。身為旁觀者，又有咩資格定義這是"廢"還是"不廢"呢? 很多幻想移民海外的港人，到了外國，也只會搞小圈子、不肯虛心學習當地的文化。這種井底之蛙般的港豬移民，在外國人眼中，其實也是另一種"廢青"、"廢中"而已...
話時話，當我將此"FI Fighter"的link跟其他本地blog友分享時，70兄即評價他的樣貌似南亞人，未必受香港女士歡迎。但計我話，如他以唔鹹唔淡的廣東話做賣點，又向"陳冠希"方向發展的話，話唔定生活會變得異常"充實"呢!
大家理想中的退休生活，是想每天做什麼呢? 歡迎在此分享一下=)
想每天都能服侍親人
回覆刪除Steven兄很有孝心呢!其實從另一個角度看，有很多事情，都是財自前也可輕易做到的。
刪除人生中真正的奢侈品，往往是金錢買不到的呢。
財務自由依D概念似足我舊公司講既"夢想"，大概係一種共同願景，有D貌似成功到達左既人想幫其他人到達，我第一次聽覺得有點怪，竟然有個話自己發左達既人周圍教人發達既方法(當然要收錢)。如果你有條發達formula，你會唔會周圍同人分享兼收錢？
刪除Steven兄突出了盲點!用分享及免費的方式和別人交流投資經驗，十分正常。但一班聲稱已"上岸"的大師，仍要像水蛭般汲取小市民的血汗錢。最後誰能更快財自，不言而喻了吧!
刪除有一位自稱成功的80後年輕人，就是quit了萬多元的正職，走去做全職投資者及開投資班。佢極睇淡樓市，講到一買樓就連續幾廿年都冇得創業咁。
真正自由以後，我也想做多哋動物義工呢～
回覆刪除我也知妳喜歡小動物，但長期在外餵哺流浪貓狗、捉牠們看醫生，身心消耗是很大的，所以我也非常敬佩一眾義工們。
刪除//定居在親人家
回覆刪除寄人籬下式財務自由？
呵呵池兄突出了盲點，呢位blog主真係冇乜講過喎~我看佢的profile資料，只係得他以前的"美國威水史"...
刪除白人咩婸先喻香呀！
回覆刪除帶個南亞咁樣，比阿媽見到，真係嬲死。
70兄既留言係特登打錯字的? =P
刪除個阿媽見到，可能會叫他漂白皮膚、gel個撒亞人頭~點都要扮下typical既ABC樣，方便show off!
我堅係打錯字發現唔到。白人洋腸先吃香。
刪除嘩70兄你唔attentive to details的程度，簡直係~
刪除如果你是打工人士，真係要日日带定枝Vaseline番office(不解釋)
各人選擇不同，
回覆刪除用其他國家的生活方式去對比，
基本上，打工時代只有營營役役，
享受不了生活的樂趣。
自然對那地方沒有好感，
謝謝Scott兄的留言!相信好多人都係做嗰行，厭嗰行; 住嗰度，厭嗰度。
刪除所以當財務上較自由時，想轉去其他地方重獲新生，也是能理解的~
does this guy pay rent to his relatives while staying at their place？
回覆刪除Keith兄，這一點我真係唔清楚了~
刪除需要人肉搜索一下他的網誌嗎?
財務自由如果是被動收入大過生活支出，把生活支出降低可能是加快達到的另一方法。
回覆刪除只是我們各人的習慣和條件不同，你可以粗茶淡飯，但另一半和父母子女呢？
我沒話了，現先準備落三號就回公司了...
謝謝Nelson兄的詳細分享!同意要達至財自，多是從增加收入或減少支出等方面入手。但太過苦行僧的退休生活，相信冇人想過吧?
刪除此FI Fighter在blog内説自己是single, 那沒有妻子/兒女，消費自然較少了。
祝你今天下午順利回到公司，希望不塞車吧!
退左休, 一係勁廢, 一係勁積極, 都是個人選擇而已。
回覆刪除我會選擇一時勁廢, 一時積極D, 平衡返個生活(幻想中)。
呵呵R兄的分享很有趣，其實我也喜歡一時頹廢、一時積極的生活，有時(在自己調控下)大起大落一點的生活，才更能令人體驗到人生=)
刪除我個人對財自既定義唔係呢款. 要自住物業, 平時生活低調, 但不失熱情, 維持自己既興趣等, 仲要保持對社會既貢獻.
回覆刪除Joseph兄是比較aspirational既人，對財自的身心要求，當然不會低。尤其像你這種早休後仍要深入認識各國美女的男士，財自後的"玩樂基金"是不可或缺的=)
刪除www.fifighter.com/finance/stock-investing-thoughts/2016/07/saying-what-needs-to-be-said/
回覆刪除2012 Bay Area Real Estate(300% of leveraged returns)
刪除2015 Gold and Silver Mining Stocks(400-500% returns)
咁睇黎佢都有自己的發跡史(真假我唔深究了)~而且他不追求細水長流的compounded growth，而是exponential式的"quantum leaps"~
惟他的NAV約700000 USD, 如選擇在香港買層中细價樓，就分分鐘冇乜$剩。
心態決定境界，好似佢咁簡單既生活，只要解決到住既問題的確唔難達成目標，不過我會嫌dry左d。
回覆刪除言兄講得好啱~在香港的"衣食住行"，解决咗自住之後，其他野都可豐儉由人呢。
刪除佢呢哋dry生活，可能只係頹一排，之後就會揾哋野搞(開班?)~
積極一面講，30歲就有0.7mil美金，都算係識得慳家儲錢投資之道。但加州居住環景比香港好，要「避走香港」，好大機會係貪住人屋企够平，同埋响美國媾唔到女啦！一見個樣就知想行cheap版陳冠蕉條雜食路線啦……
回覆刪除有可能。
刪除香港比烏克蘭居住環境好，如避走烏克蘭，亦同此理。
刪除呵呵，Leo兄的解釋都幾惹趣=) 如此blogger在bay area的物業繼續出租，而自己則在港長居親人處，真係賺"差價"都賺到笑!
刪除"一見個樣就知想行cheap版陳冠蕉條雜食路線啦……"
刪除呢方面就不知道了。但見他在blog内爆粗鬧那些質疑他的讀者(www.fifighter.com/finance/stock-investing-thoughts/2016/07/saying-what-needs-to-be-said/) 語調拔扈，
而且言句不通，這種鬧人方法可謂跟EDC同出一轍呢!
呵呵，70兄靚抽! 要刻意避走他處才有異性緣，相信無人敢喺大家面前認。
刪除不覺得有什麼可以學習的地方。
回覆刪除呵呵狗股兄，yes真的没特別東西可學~大家笑下就好了=)
刪除我夢想可成爲一個音樂家，但退休後與三五知己玩下音樂，做下運動，陪下太太及家人已經很夠。
回覆刪除另外 Cherry blog font size 比較細，我每次都要放大黎睇 ^^"
呵呵，Michael兄是好好先生，早休生活，也是以陪伴家人伴侶為主呢=)
刪除抱歉麻煩了你要放大font size來看，我也奇怪為何今次圖上下的文字，調較多次仍有差別!我下次直接用laptop而非手機upload,希望可解決到問題呢!
可以用HTML調較。
刪除謝謝R兄的意見，我以後會留意番的!
刪除我有位朋友仔早年炒股達致財務自由，又有自住物業，每天訓到下午3,4點，再到屋企附近行下，食下野便過一天，我問他會否覺得很悶，但他覺得很享受這個生活模式呢
回覆刪除謝謝Heiman妳的分享!人各有志，如果你朋友真心喜歡現時的生活模式，那他的財務自由便是有意義的(對他而言)。
刪除但我相信這裏的blog友一般要求都較高，純粹一層自住樓加粗茶淡飯的洗費，看來不能滿足大家的身心需求呢。
理想的退休生活裡，就是能繼續做退休前的事！ ^^
回覆刪除謝謝Yanwei兄的分享!開心的生活可以很簡單。跟生命中其他範疇比起來，財自往往只是其次~
刪除