財演怪叔叔(上)

在一個月黑風高的晚上, (童年版的)Cherry和朋友趁萬聖節出外玩“trick and treat”。由於Cherry一邊走一邊玩Pokemon Go, 所以𢭃的糖果比同伴少大截。走啊走的, Cherry見到隻“夢夢”, 就兜咗入公園, 漸漸和友人失散了。

她忙着收復小精靈, 渾然不知自己踩進了某位叔叔的地盤。叔叔突地閃到Cherry面前,揮動身上佩置的攝影機, 掃跌了她的南瓜糖盒, 東西散倒一地。

Cherry立即俯身, 想執回瑞士糖和白兔糖。誰知叔叔腿一伸, 踩碎所有的糖果。

Cherry(嚇得大哭):  嗚哇...你個怪叔叔、壞叔叔! 快哋賠番哋糖俾我!!
叔叔:  小妹妹, 你嗰哋cheap嘢嚟咋。見識過靚野未?

叔叔翻開身上的百寶袋, 内裏好像有無數的玩具、金錢、手帕、藥物......叔叔最後拿出了Royce' 及 agnès b 牌子的朱古力。

Cherry(雙眼發光):  哋包裝好靚啊, 多謝叔叔!
叔叔(把手抽開):  小妹妹, 未咁快有得食住,呢個世界要等價交換的。
Cherry:  咁我用自己捉的Pokomon怪獸同你交換, 好嗎?
叔叔:  哼, 這太簡單了吧? 要食靚朱古力, 小妹妹你要出汗出力㗎。

叔叔隨即在袋中, 抽出一份“女子裝修團隊參加表格”。

叔叔:  妹妹, 我投資好叻㗎。但同你講股票、收租, 你又唔會明嘅。不如我同你講下裝修?
Cherry:  裝修? 即係執靚間屋?
叔叔:  Bingo! 叔叔的裝修生意好勁㗎。嗱...你係女仔, 係咪好鐘意公主theme既睡房?
Cherry(猛點頭):  對呢, 我要Disney princess。

叔叔在袋中抽出iPad Air, 打開“裝修版圖”這個文件夾, 顯示多張兒童睡房的設計圖: 白雪公主的牆紙、睡公主的書桌、灰姑娘的上下格床.....最後一段是video, 睡房關上燈後, 天花板映着冰雪女皇的幻影圖案, 能360度地旋轉。

Cherry看得如痴如醉、留哂口水, 但手指一不小心, 便碰到營幕上另一個icon, 開啟了一個名為“兒童不宜”的圖片庫。檔案打開後, 她看到一張張不堪入目的照片: 放在陜窄廁格上的單人床鋪、安裝了四個太空床位的房間、用一紙薄牆隔開的廚廁......

Cherry(咤異):  叔叔, 這...這才是你真正做緊的裝修嗎?
叔叔(大怒):  當然唔係! 細路仔多事幹!!

他粗暴地拿回iPad Air, 睥着呢位𡃁妹, 想着下一步如何是好。

-----------------------------------------------------------

P.S. 小妹仍未擬好下集的結局, 如大家有任何建議和想法, 請不吝在此分享。謝謝呢:)