2018年11月23日 星期五

Trust Preferred優先股的清單

BCS.PRD將於十二月被贖,一眾散戶又要面對reinvestment risk: 閒置出來的資金,可再買入哪一隻唔扣稅的特別股?除了抄考風兄的持股外,如想分散多幾隻,又有什麼可選擇呢?


蔡醫師稍前有一篇文章,名為”尋找「不扣稅」優先股名單”(https://shawntsai.blogspot.com/2018/06/blog-post_15.html?m=1),內容極為詳盡。蔡醫師建議持ETD勝於優先股,因ETD只能遞延派息,而沒有賴帳這個選項。


然而,作為一個Interactive Brokers的用戶,持有ETD最大的麻煩是:IB常對此貨品的派息胡亂扣稅。我以前持能源公司的baby bonds時,也深受其害。如不想特意致電IB客服claim回扣稅,我認為較簡單的做法是:持有不扣30% withholding tax的Trust Preferreds,而且選cumulative性質的,便不怕少收利息了。

-----------------------------------------------------------


以下這篇Seeking Alpha的文章,詳述了Trust Preferreds的性質及利弊: https://seekingalpha.com/instablog/434935-south-gent/4738546-trust-preferred-securities




只要在QuantumOnline.com登記,便可獲得現時市場上的Trust Preferreds清單。懶人包一下,我在下面post出所有相關股份:








簡單來說,Trust Preferreds也可分為定息及浮息產品:


Fixed rate:

  • ASRVP, BANFP, DDT, DKT, DXB, HE.PRU, ISF, MER.PRK, OSBCP(10元par value), BPOPM(逐月派息), BPOPN(逐月派息)


Floating rate:

  • ALLY.PRA


特別股的市場,可謂五花八門。之前,我還以爲所有優先股都是每3個月派一次息。但BPOPM與BPOPN這兩檔產品,卻像CEF般逐月派息,能有助減低reinvestment risks。另外,除了常見的25元par value外,也有OSBCP這種面值為10元的優先股。


現價below par的選擇,有BPOPM與DXB,但這兩隻短期內也不會被call。Slightly above par的,就有DKT丶ISF及BPOPN,約收兩次息便值回票價。


除了太低息(6厘以下)外,還有哪些Trust Preferreds揀唔過?咪就係哋用OTOTC場外交易,或延遲派息(suspended)的優先股囉!上列的清單中,我也沒包含這些體質較差的個股。




本文只是粗略的介紹,購買特別股前,我們應留意其企業經營丶派息紀錄丶贖回日期,和看一下prospectus。然而,在眾多特別股之中,大家較喜歡優先股/ETD,還是兩者也持有?歡迎留言分享意見:)

-----------------------------------------------------------


P.S 近日中港美大市陰霾未散,我也未敢對active stocks摸底。然而,我很歡迎網友們(如Edward兄)繼續留言討論股市,不論牛熊趨勢,也是值得學習的!

2018年11月8日 星期四

任何仁 V.S. 煤氣人

近期,消防署推出的藍色吉祥物 —— “任何仁”大受好評。他的出現,除了引起大眾對緊急救護的興趣外,更吸引了另外一隻藍色生物的注意,佢就係煤氣公司推出的公仔 —— ”百變小伙子”。




為顯得親切,我在本文內會將佢改名為”煤氣人”。


“任何仁”自面世後,忙於周圍教人急救丶疏散逃生及接受訪問。可是冤家路窄,正當“任何仁”覺得自己獨一無二的時候,在一次滅火行動中,他遇上了和自己個樣有99%似的”煤氣人”。




在某個煤氣爐失事起火的家庭中:


任何仁(喪咳):嘩好鬼大煙呀!而且周圍好熱...我再流大汗嘅話,又會突點,同突埋隻Rolex出來㗎啦。


雖然雙眼被蒙,但”任何仁”憑其神奇的第六感,迅速摸到一個滅火筒。正當他想噴向煤氣爐之際,一隻又一隻的藍色小精靈彈了出來。


任何仁(一臉鄙夷):你班矮冬瓜乜水嚟㗎?仲乜抄我個靚樣?

煤氣人:邊得閒抄你啊?我有著衫㗎。而且,你睇番煤氣公司個FB page,我係十月中出世的。而你就10月31日先出現,究竟誰才是老翻呢?




任何仁(擦臉書中):邊個出現先,都唔太緊要啦! 反正我依家咁受歡迎。你就無陰公哋囉......鎖匙扣只賣20蚊一個,但煤氣公司幫你出咗兩丶三次FB posts,都仲係賣剩蔗!

煤氣人(神氣):你咁講就太短視啦!你代表的是公共機構,而我代表的是上市公司。你知唔知?我繁殖能力好強㗎,一年後可以翻多10個%!喺逆市期間,我同我的兩個比卡超朋友,幫咗唔少人度過難關㗎!


任何仁(搔搔頭):乜你咁productive㗎?咁我每次救火時,咪捉極你都唔夠?我都要努力生多幾個仔先!

煤氣人(挺胸收腹):算吧啦你!你生極都唔夠我多㗎啦。況且,香港地不少股民以儲我為榮,佢哋話要靠我哋紅利退休呢。


任何仁:你的價值,只在於拯救人的荷包;而我的價值,則在於拯救人的生命。我令更多市民對急救有熱誠,為香港帶來intangible assets。所以話,你嘅名譽比不上我呢。

煤氣人(語帶歧視):你的名譽才是比不上我呢!你知唔知~ 有些網友專程為我開網誌,每篇文都係寫來讚我㗎。直到依家為止,有冇粉絲為你開過blog?


任何仁(神情暗淡):咁又...

煤氣人(大師mode):咪係囉!雖然你大隻過我,但論身份論地位,你都係small potato。以後,你要跟我學下嘢,討好班股民啦...


在“任何仁”與”煤氣人”交談其間,屋外的市民一直呆等。他們只是奇怪:為何哋火咁耐都唔熄?而煤氣爐前,則有堆Smurfs繼續自言自語......


(以上內容純屬虛構。如有雷同,實屬無可能!)


-----------------------------------------------------------


唔知大家有否這樣諗過:某哋卡通人物嘅造型,個樣真係X到連你都覺得自己畫得靚過佢。只可惜,創意產業跟商業世界一樣,付出跟結果不一定成正比。有些公仔個樣求求其其,但遍遍老少咸宜大受歡迎;有些卡通設計精美嚴謹,但動畫電影周邊產品全部都拍烏蠅。


在近期較暗淡的市況下,如果每遍文都講支持位丶搏反彈之類的東西,相信只會令人更沒心機看下去。雖然我的blog向來都無乜迥響,但在非常時期轉寫cult文,說不定能帶來新氣氛呢。


你鐘意”任何仁”定”煤氣人”多哋?你身邊又有其忠粉(傻粉)嗎?歡迎留言分享一下:)