理財騙局

早前Cable TV提及Mary戶口因渣打理財經理多次無理交易而蝕近千八萬的慘況後，網上有不同媒體與市民的意見分享。不過最到肉的，我認為是Ivan Li的帖子所言：

https://www.facebook.com/100094557627557/posts/pfbid02jqR5jCQE2RZF4kR7G6QCCbCLke1TkjpYYsXQaQqj58UuEoFTBjiLw49vKaejUwLFl/?d=n

世上真係無免費午餐～既然連身邊親人都唔會咁關心自己，陌生人突然對自己噓寒問暖，基本上都係非奸即盜。

帖子中第13點的「Stay invested，就唔會有錢俾人呃」真係至理良言。手頭上沒特別spare cash、資金鎖住晒，就自然沒機會被人騙走。據聞大劉在08年風暴時因低價購入美債已大賺近500億，難怪近年投資恆大蝕錢都恍如散子。不過如果一直stay invested 在優良的股債上，就未必有多餘資金投資在高風險產品上。

身為小巿民，我的做法當然市井得多：預扣每月生活開支後 ~ 每逢工作戶口一儲夠八千港元，我便匯入IB。(i.e. 債券最低的購入單位是1000美金內) ～只要儲定足夠的near-cash assets作應急之需，個人活期戶口絕不需擁太多現錢。

不過Ivan提及訂閱patreon後即使發覺唔啱睇，每月也只是蝕$100嘅講法，我個人就唔太同意 ～ 因為讀者好可能會跟隨patreon的投資建議而購入產品。假如買入/賣出時間與smart money動向有差別的話，最後都可能會蝕錢。不過任何個人戶口操作的投資風險，當然應由自己一人承擔。

世上並無免費午餐，只有機會出現相對不平衡的互動關係。如果自己不想成為被騙的一方，便切忌貪心、偷懶、自大或天真。現時咁多網騙、電話詐騙同KK園，就連弄得如幻似真的假銀行月結單都隨處可收到，真係疏忽少少都唔得！