2017年7月31日 星期一

Gotham 2: 財務大師之Homecoming



場内漆黑一片, 各交易員的電腦上,浮現了這串字......

「你哋想無事出返去, 就要答啱三條問題。」


(謎語1) SuperMaster最喜歡的是:
a) 投資
b) 賺錢
c) 開班

大家回答後, 場内有三分之一的電腦死機。

(謎語2) 大師有什麼售後服務:
a) 網上互動問冧把服務
b) 10小時私人諮詢服務
c) 二上兩者皆是

場内另外三分之一的電腦, 也死了機。

(謎語3) 大師最憎别人批評他的:
a) 無限補時論
b) 愈跌愈買論
c) 價值回歸論

場内剩底嘅三分之一電腦, 都死埋機。Riddler向Joker偷笑道: 「最尾嗰題, 要同時 press A, B, C㗎。 」

一班罪犯開心到笑不攏嘴, 趁依家交易所大亂時, Penguin市長拎出份“澄清報告”, 想發俾全球各地交易所, 送Gotham一程。

「本市長注意到一班財務罪犯, 於xxxx年x月x日, 關於入侵Gotham交易所財務表現和公司企業管冶的行為。

本市長正就此事徵求法律意見, 並保留對罪犯採取法律行動之罐利。

本市長亦確認, 並不知悉任何必須公佈以避免Gotham證券出現虛假市場情侶的資料。

建議各股來及潛在投資者, 在Gotham交易所買賣時予以警惕。 

在按“send”掣之際, 一隻蝙蝠鏢飛插向Penguin的手掌中間。“Ouch!!!” 他尖叫, “But why?”
-----------------------------------------------------------
(追溯至數天前)

退役後的SuperMaster, 喺學校教緊(好悶嘅)財自課程。有一次上故事堂, 大師在圖書館找了很久, 但架上只有“教條派”的書目。走到最尾一欄, 大師見到《Becoming Buffet》與《Becoming Master》兩本書, 便挑了後者。

「同學仔, 我哋今日欣賞下大師嘅育成。」大師入到班房, 以抑揚頓挫的聲音讀起:

「要做一個成功大師, 便要摒棄任何“工資奴隸”的思想。一般的“工資奴隸”, 每天7am便要起床, 隨便吃個早餐出門口, 7:30趕上地鐵列車, 7:45......相反, 成功的大師, 9am施施然起床, 9:15梳洗完畢, 9:20開始吃all-day breakfast, 9:30等開市......」

大師心想: 本書咁鬼長, 幾時先嗡完? 他在掀下一頁前, 順勢用手指夾多兩頁。

「老師, 你skip咗中間嗰兩版喎!」...「求求其其, 唔怪得嚟咗呢度教。」...「連份頽工都打唔好, 仲衰過哋“工資奴隸”, 向校長port佢先。」...同學們的分議聲此起彼落。
-----------------------------------------------------------

「我以前開班收生, 收到間學校上埋市; 依家屈住教班濕九學生, 真係慘情!」

當天下班後, 大師在天台一邊飲酒, 一邊篤佢部Nokia 3360(其實大師好high tech, 用此手機只為防彈)。他向來有用A.I.技術暗地track佢班舊將, 本來事不關己, 都唔想再理佢哋。但今日被學生凌辱一事, 令他萌生回Gotham的念頭。

得知前下屬要搞“大茶飯”, 大師擔心自己返歸後冇肉食, 就決定借力打力。

於是, 大師揾番Batman嗰號碼, 將他下屬的個人資料、所在地及行動代號, 全部發送出去。在發出匿名SMS前, 大師不忘加多句: “Send from my iphone”
-----------------------------------------------------------
(返回Gotham交易所現場)

當大師見到Batman同舊下屬混戰時, 便偷偷混進會場, hack入交易所的核心系統, 盗取各項企業資訊、及股票期權產品的數據。

Joker認出大師, 不禁大叫: 「SuperMaster, 你快哋救我, 我唔想返去Arkham坐監啊!」

大師聳聳肩, 抛了一句: 「你哋只係我以前的僱傭兵, 身為“工資奴隸”, 有乜資格叫我救你呢?」
-----------------------------------------------------------

SuperMaster走佬時, 在直升機播番一首佢既飲歌:《你開班嗎》
(改編自陳冠希的《你快樂嗎》)

“明天教甚麼 如果你去學 聆聽我貼士也不錯
你也未曾遇過 永遠未停下來的我 要嘅學生不算多

明天上甚麼 怎麼開班不可 其實我收錢最清楚
我太大情大性 誰亦覺得還不錯 大概天天戀上我”



PS: 近期多了一些强調“工資奴隸”的漫畫(如下圖), 但人地正經打份工, 又對社會有貢獻, 即使薪水不算太高, 點都好過quit咗正職的“(無牌)開班人士”吧!




2017年7月15日 星期六

Stock Selling: That's The Question (2)

近日港美股市皆旺, 我就講沽貨, 真夠哂黑人憎XD 但既然上次洗濕咗個頭, 今日就體育阿Q精神寫埋佢啦。

William O' Neil提及的selling rules, 橫跨“牛三尾聲”、“頹勢初現”和“跌破支持位”3個階段, 但這幾個stages, 可以接連發生, 散户連喘氣的機會都無。所以我亦綜合文章, 只撰最詳盡的5個作介紹。其他的, 煩請大家參閲全書。

-----------------------------------------------------------
6. Stock Splits

一隻股票如在分拆後的頭1-2週, 就升逾25-50%, 就是售出的訊號。

例子: 呢隻ANY自7月12日分拆以來, 股價在一星期内, 由3蚊零升至最高6.2幾, 升幅近100%。可惜一剎那不代表永恆, 依家跌番去4.38元。



7. Selling On The Way Down From The Top

如在股票上升期完結前, 未趕得切賣貨, 就在first breakdown後, 看看有冇反彈位可走人。

例子: 呢個case好難揾, 惟有用GS。它自三月頭開始, 已愈來愈多陰燭, 未能延續之前的price rally。所以“紅色堆”中的黑點, 已是走貨的訊號。 (註: 小妹之前買GS蝕錢, 就係因為太遲沽貨。)




8. Increase In Consecutive Down Days

一周内太多日升, 唔得; 而一周内太多日跌, 亦唔得。(所以我有時都好憎做間尺黨XD)

但見到“每跌4/5日,才升2/3日”之類的模式, 就知唔慌好嘢。

例子: 可參考番上述GS技術圖的三月表現。


9. 200-Day Moving Average Line

某些個股的現價, 比較200天平均移動線, 高逾70%-100%, 散户便可考慮沽貨。(惟作者甚少用此條件賣股)

例子: 現時太多老美股狂牛, 求其揾隻都有。NVDA的SMA更是升近3倍(42.74164.95)。然而, 僅以此條件沽貨, 就如單看高P/E而賣股一樣, 將來多數會後悔。




10. Upper Channel Line

如股價升得太急, 突破了上軌道線的正常位, 散户便可考慮在此climax top先行獲利。

例子: JD自今年初升至五月,upper channel line本來一直正常。但5月8日的一個big surge, 突破了上軌道線, 此股其後走勢便開始動盪。


(嗰兩條藍色uptrend lines喺我畫嘅, 大家唔准笑XD)

-----------------------------------------------------------
寫考慮賣股的訊號, 唔代表我係末日博士, 而我亦唔鍾意唱衰個市。事實上, 我組合内40%多為現金(連人民幣定期), 負債亦不多。萬一熊市前走唔哂貨, 我衰極都仲可玩“價值回歸”(即坐貨)。但對有margin/玩derivatives的散户來説, 掌握時機的迫切性便更高。不論牛熊, 都諗住“無限補時”, 或“只買不賣”的, 長遠只會拉低absolute return。

可能有人對技術分析嗤之以鼻, 但對我以言, 只要賺到錢, 理得佢用把間尺(度圖), 定係用放大鏡(睇年報)。不同人有不同的方法, 美股隊長本新書亦提及: 他身邊有朋友用一招“cup and handle”, 多年累積的回報, 足以買一層幾百呎的港樓。

技術圖表面看似lagged data。但一枝可靠的温度計, 即使顯示的是幾秒前的體温, 亦足以協助病人盡快求醫。相反, 在technicals發出由牛轉熊的訊號時, Wall Street竟然仲可以對企業的earnings, 整埋哋rosy forecasts。你信得太遲, 分分鐘等於沽貨太遲。

我雖常沽早咗股票(笑), 但比起賺少哋, 我更害怕的是: 高估自己坐足牛三的能力。

-----------------------------------------------------------
P.S. (1)近日看到風兄的分享, 除了難過就是無奈。人生無常, 衷心祝福他與家人最好的✨

(2)原來我之前篇“Gotham”故仔爛尾, 下次補返個(衰)結局先。

2017年7月7日 星期五

To Sell Or Not To Sell (1)

本來用幾粒鐘打的長氣文, 竟然㩒錯制冇save到, 咁我惟有“良心發現”, 打番篇濃縮版, 希望方便大家參考William O' Neil的selling rules。今次先打5個points, 下次打埋另外一半:

1. Heaviest Daily Volume

自advance stage開始, 個股某天突然出現一年內最大的成交。

例子: PG在2016年, 一直處於上升期, 至10月時出現逾400mil的巨額成交後, 便展開downtrend。

2. Largest Daily Price Run-Up

個股自踏入advance stage, 連升多個月後, 某天突然出現頗大的升幅%, 多於以前任何一天的增幅。

例子: Baba自年初進入advance stage, 一直升至6月初, 便出現一支頗長的陽燭。其後Baba價格開始回調, 用日線圖看會更清楚。
 

3. Climax Top Activity

如個股連續2-3個星期急升(weekly chart), 或“每8日升7日”/“每10日升8日”(daily chart), 便屬於climax top。

例子: 雖然Tsla並非最佳例子(話哂關GS事), 但它在6月初出現“每10日升8日”的現象, 而跌嗰日的成交(紅色棍)又特别大, 這已值得散户留意。

4. Signs Of Distribution

以前blog文提過: 股價無實際升幅, 而成交量又愈來愈少的個股, 便是大户散貨的表現。

例子: 我年初以11X元買入MCO, 因見它近月價格微升+成交陰跌, 便在12X元賣走。昨天看到“Moody’s Corporation Director Darrell Duffie Sells Shares”的消息, 剛好可置身事外, 考慮幾時再入貨。

5. Exhaustion Gap

個股在advance stage的第12-18個星期内, 突然出現頗大的上升裂口, 這往往是缺乏demand的跡象。然而, exhaustion gap有時屬短期現象, 如跌價後有承托及rising demand, 不久後便可reverse番做uptrend。


大家一般在什麼時候考慮沽貨?不妨留言分享一下:)