2018年11月8日 星期四

任何仁 V.S. 煤氣人

近期,消防署推出的藍色吉祥物 —— “任何仁”大受好評。他的出現,除了引起大眾對緊急救護的興趣外,更吸引了另外一隻藍色生物的注意,佢就係煤氣公司推出的公仔 —— ”百變小伙子”。




為顯得親切,我在本文內會將佢改名為”煤氣人”。


“任何仁”自面世後,忙於周圍教人急救丶疏散逃生及接受訪問。可是冤家路窄,正當“任何仁”覺得自己獨一無二的時候,在一次滅火行動中,他遇上了和自己個樣有99%似的”煤氣人”。




在某個煤氣爐失事起火的家庭中:


任何仁(喪咳):嘩好鬼大煙呀!而且周圍好熱...我再流大汗嘅話,又會突點,同突埋隻Rolex出來㗎啦。


雖然雙眼被蒙,但”任何仁”憑其神奇的第六感,迅速摸到一個滅火筒。正當他想噴向煤氣爐之際,一隻又一隻的藍色小精靈彈了出來。


任何仁(一臉鄙夷):你班矮冬瓜乜水嚟㗎?仲乜抄我個靚樣?

煤氣人:邊得閒抄你啊?我有著衫㗎。而且,你睇番煤氣公司個FB page,我係十月中出世的。而你就10月31日先出現,究竟誰才是老翻呢?




任何仁(擦臉書中):邊個出現先,都唔太緊要啦! 反正我依家咁受歡迎。你就無陰公哋囉......鎖匙扣只賣20蚊一個,但煤氣公司幫你出咗兩丶三次FB posts,都仲係賣剩蔗!

煤氣人(神氣):你咁講就太短視啦!你代表的是公共機構,而我代表的是上市公司。你知唔知?我繁殖能力好強㗎,一年後可以翻多10個%!喺逆市期間,我同我的兩個比卡超朋友,幫咗唔少人度過難關㗎!


任何仁(搔搔頭):乜你咁productive㗎?咁我每次救火時,咪捉極你都唔夠?我都要努力生多幾個仔先!

煤氣人(挺胸收腹):算吧啦你!你生極都唔夠我多㗎啦。況且,香港地不少股民以儲我為榮,佢哋話要靠我哋紅利退休呢。


任何仁:你的價值,只在於拯救人的荷包;而我的價值,則在於拯救人的生命。我令更多市民對急救有熱誠,為香港帶來intangible assets。所以話,你嘅名譽比不上我呢。

煤氣人(語帶歧視):你的名譽才是比不上我呢!你知唔知~ 有些網友專程為我開網誌,每篇文都係寫來讚我㗎。直到依家為止,有冇粉絲為你開過blog?


任何仁(神情暗淡):咁又...

煤氣人(大師mode):咪係囉!雖然你大隻過我,但論身份論地位,你都係small potato。以後,你要跟我學下嘢,討好班股民啦...


在“任何仁”與”煤氣人”交談其間,屋外的市民一直呆等。他們只是奇怪:為何哋火咁耐都唔熄?而煤氣爐前,則有堆Smurfs繼續自言自語......


(以上內容純屬虛構。如有雷同,實屬無可能!)


-----------------------------------------------------------


唔知大家有否這樣諗過:某哋卡通人物嘅造型,個樣真係X到連你都覺得自己畫得靚過佢。只可惜,創意產業跟商業世界一樣,付出跟結果不一定成正比。有些公仔個樣求求其其,但遍遍老少咸宜大受歡迎;有些卡通設計精美嚴謹,但動畫電影周邊產品全部都拍烏蠅。


在近期較暗淡的市況下,如果每遍文都講支持位丶搏反彈之類的東西,相信只會令人更沒心機看下去。雖然我的blog向來都無乜迥響,但在非常時期轉寫cult文,說不定能帶來新氣氛呢。


你鐘意”任何仁”定”煤氣人”多哋?你身邊又有其忠粉(傻粉)嗎?歡迎留言分享一下:)

37 則留言:

  1. 比卡超朋友···哈哈哈哈笑咗。在我眼中, 呢兩隻野一個抄Smurfy, 另一個就抄透明人, 香港好少原創卡通呢。

    回覆刪除
    回覆
    1. Haha Sammy,熊市中真係唔少人只hold兩電一煤㗎😂

      “香港好少原創卡通”
      本地發揮創意的土壤始終不足,創作人購思了一個卡通後,又要諗如何cater to potential clients。比起荷里活丶日本等大市場,香港地的接觸面太細了。

      刪除
  2. 哈哈,春花姐呢篇文可以拎嚟做煤氣股東之間傳閱既潮文。

    任何人雖然樣衰,但幸好消防署個FB既公關做得好,識得自嘲,挽回不少面子既。

    今年繼續儲煤氣,目標又係1萬股。

    回覆刪除
    回覆
    1. 哈謝謝Ryan兄支持!煤氣忠粉無處不在,佢哋可能覺得我呢篇文係醜化緊三號仔🤣

      認同消防署的PR技巧出色,吉祥物最緊要係入屋,個樣kai哋都冇所謂~

      祝你儲一萬股煤氣的目標早日達成,大家都努力呢👍

      刪除
  3. 花姐寫潮文有一手,可以考拍段片上YOUTUBE。
    煤氣公司公關部可能會冠名贊助!

    回覆刪除
    回覆
    1. 哈哈三人兄太睇得起我了!我寫的潮文邊夠你搞笑呢😁

      “煤氣公司公關部可能會冠名贊助”
      香港地咁多煤粉,一齊合資幫煤氣公司拍埋片丶拍微電影都得!

      刪除
  4. Cherry 師姐個 BLOG 點會無乜迴響? 呢到係好多 blogger 既聚腳地。

    回覆刪除
    回覆
    1. 二當家兄太過獎了!很多blog友都比我更受歡迎呢。但寫短文算是我的pastime,無論多唔多hit rate/留言,我也希望自己能堅持下去。

      刪除
    2. 剛剛才發現二當家兄也有寫blog,我真是大鄕里!已把你的link加在我的blog list上,以後請繼續多指教呢👍

      刪除
  5. 百變小伙子已經出了好多年了, 且有個girlfriend叫天兒:

    https://www.towngas.com/getmedia/906c2cbb-1334-4c6b-b914-61997a323aa1/20100722-pressrelease_lowcarbonlivingphotocontest_c.pdf.aspx?ext=.pdf

    你文中提到他10月中出世, 其實只是他的Halloween造型在這時期面世。

    Towngas Top Fan

    回覆刪除
    回覆
    1. 謝謝你的糾正!身為Top Fan, 你對媒氣公司的認識多好多👍

      刪除
  6. 哈哈哈哈,Cherry,看標題起初我還以為你想講「任何仁」都想買煤氣 XD

    回覆刪除
    回覆
    1. 哈哈福祿兄,這也有可能呢!”任何仁”都想體驗下每年繁殖多10%,究竟係咩滋味🤣

      刪除
  7. 回覆
    1. 謝謝亂博姊的支持👍 可能妳的孩子也會喜歡這個煤氣公仔!

      刪除
  8. 第1次留意呢2隻公仔,thanks for sharing

    回覆刪除
    回覆
    1. You are welcome Edward兄👍 “任何仁”上哂新聞,反而煤氣隻公仔就幾乎zero publicity~

      近日道指反彈得唔錯,惟不少個股仍是lower highs丶lower lows,所以學你話寨,暫時不要持active stock為妙呢。

      刪除
    2. 看來不只港股,美股也有踏入熊市的風險,道指及納指似頭肩頂派發型態。和2015年那次有點分別,2015年納指俾起最近幾個月強得多。聯儲局收水係其一。最近美股食品股較強,與港維他奶異曲同工之妙,資金流入防守板塊。看來7,8字頭年份是甚麼10年循環周期大頂的說法有點準確性。

      刪除
    3. 謝謝Edward兄的詳細詮釋👍 令人獲益良多呢。

      “最近美股食品股較強”
      近日consumer staples明顯強過consumer discretionary。以XLP:XLY的relative strength來看,也是上升中。

      “美股也有踏入熊市的風險”
      近日美市受貿易戰丶強美元丶關稅丶勞工成本增加(因失業率降低)等不利因素影響,股票的拋售壓力只會繼續增加。而且標準普爾500指數的reported earnings,又將預期每股跌多九元。在這樣的陰霾籠罩下,我個人就唔建議咁快摸底。

      刪除
  9. 城門塘水都俾被春花姊抽乾了,哈哈。
    話時話,任何仁造型真係好騎呢,但愈騎呢愈紅。

    回覆刪除
    回覆
    1. 哈哈追風兄過奬了,感謝你支持呢😁

      你的網誌咁hit,我想幫你設計番個主題公仔——“任何風”。樣貌大概係”蛋黃哥“同”任何仁”的混合體: 😂

      https://www.google.com.hk/search?q=%E8%9B%8B%E9%BB%83%E5%93%A5&rlz=1CDGOYI_enHK768HK768&hl=en-US&prmd=ivn&source=lnms&tbm=isch&sa=X&ved=0ahUKEwjvlZCT_cjeAhVFybwKHXwuD-kQ_AUIEigB&biw=320&bih=452&dpr=2#imgrc=uF4RO976aOwecM


      刪除
    2. 任何風個造型好似幾得喎,哈哈。
      可惜我愈寫愈HEA,話時話好似成個月無出過文了...

      刪除
    3. 呢個造型有寓意㗎~N個坐在機車上的”任何風”,會做守護神,保佑風兄以後駕車不會再遇到變態佬/變態婆!

      風兄寫blog隨心便可,千祈唔好覺得有壓力要定期寫~而且,你近日忙於休養,及車禍事件的調解,要多休息呢!或者你之後有心情的話,也可撰文敘述此事,相信眾網友會人肉起底,等件三寶以後不敢再亂揸車!

      刪除
  10. 煤氣人咁似2014年套電影「玩轉腦朋友」的阿愁?

    回覆刪除
    回覆
    1. 嘿嘿~其實好多公仔外型都係抄來抄去,物有相似不出奇呢!

      “煤氣人”的原型,應是我們開煤氣爐見到的藍色火,但出嚟個樣就整到似鬼火多哋😂

      刪除
  11. 近期多左好多人講任何仁, 我真係唔知係咩. 多謝cherry妹搞笑地介紹一下.

    回覆刪除
    回覆
    1. You are welcome Joseph兄!你寫俄妹故事的話,肯定比我呢哋頹文吸引吸引 XD

      刪除
  12. Cherry說故事的能力好強,我笑爆了咀。希望有續集。最近我老公迷上了跳躍生命線,之後就愛屋及烏中意埋任何仁了。任何仁的爆紅,劇集威力應記一功。

    回覆刪除
    回覆
    1. 感謝懶懶蟲妳的支持!有時見市況太悶,我會轉下channel嗡故仔,有人看便好了😃

      有意義的劇集真值得看,跳躍生命線也有別於一般TBB劇。可惜我和我先生都晏放工,如在mytvsuper追看劇集,又有勁多廣告...所以我們近年較多看Netflix及NOW台。

      如我文采好的話,任何仁也可出多些番外篇啊~例如救哋因唔誤信財演買販售機丶而情緒激動的苦主。救護故仔寫也寫不完呢👍

      刪除
  13. 不如搵哂成班阿’仁’一齊比拼:XDD

    任何仁 VS. 陳奐仁 VS. 李家仁 VS. AV仁

    回覆刪除
    回覆
    1. 呵呵~咁我落重注買AV 仁贏,因佢有成班囡囡幫手🤣

      刪除
  14. Cherry 姐,隻BCS 係唔係被 call 咗?

    https://www.preferredstockchannel.com/symbol/bcs.prd/

    回覆刪除
    回覆
    1. Yes, they will be redeemed in Dec:

      https://home.barclays/content/dam/home-barclays/documents/investor-relations/IRNewsPresentations/2018News/Redemption-Notice-of-8-125-Non-Cumulative-Callable-Dollar-Preference-Shares-Series-5.pdf

      刪除
    2. Thanks! The information on preferred shares is not transparent at all and lacks coverage.

      刪除