2016年7月20日 星期三

寫blog與偏見 // 美劇<單身漢>與選擇偏誤

小妹寫blog近大半年,雖然一直腐碌,但有幸向各位blog友學習投資哲學及心得,確實是最大的收穫。而小妹的頹文,亦貫徹了"識睇一定睇留言"的精神。感激各路blog友及讀者的無私分享!

相信寫開blog的朋友,網上的形象,都可能與現實中有出入。醉心兄周不時笑我言詞鋒利,惟小妹自問真人一哋都唔串。未親眼見過我的,對我的第一印象,自然是限於網絡的言行。





講起偏見,原來小妹上一篇文提及的"偽中産",已有FB友人發現、並自行對號入座。據一名前同事透露,他將我的文章與留言cap圖,分享到舊公司的WhatsApp group内。由於我無公佈個人的持股與資產分配,所以佢想插都冇位入,只能拋下一句: "Cherry開blog, 梗係為咗識男仔啦!"

小妹今次冇發嬲,反而覺得幾有趣。分析別人對自己的偏見,也是學習的過程。我相信此位FB友人,根本就沒認真看過我blog内任何的文章或留言。與其花時間咀嚼文字或click頁内的網誌聯結,倒不如速覽留言找破綻吧。

他既非局内人,應看不明跟"大師"有關的東西。但從留言者的稱呼,他可輕易知道是男士還是女士。當男士數量較多的時候,他便可歸論為"Cherry寫blog是為了識男仔"; 當女士數量較多的時候,他便可歸論為"Cherry寫blog是為了和其他女士傾八卦"。

FB友人對我的批評,正是"確認偏誤"(confirmation bias)的體現。他所搜集的資訊方向,是為了確認他對我的成見。當他執著於找我的話柄時,是不會看到整個大環境的: 這個blog sphere内,根本是長期男多女少。因此,任何人的blog内,男性留言者都是多於女性留言者的。

大家自寫blog後,試過被大家誤會或被偏見影響嗎? 歡迎在此分享一下=)


----------------------------------------------


不少討論成功人士習慣的文章,都會提到有錢人很少看電視的。但小妹因親人之便,家中安裝了過百個電視台及電影頻道。既然可免費任睇,真的没有不做"劇透"的理由。

但小妹近期也節制了,只在每天約一時的家務時間,才看八卦節目。最近追緊的,便是Star World播放的<The Bachelor>第二十季。



<The Bachelor>(下譯: "單身漢",其實我更想用其諧音"笨柒啦")是一套戀愛約會的真人show, 男主角是單身男士,而十幾至二十名的女參賽者,則千方百計爭奪男主角的"芳心"。在每一集内,男主角都會向合"資格"的女士派發玫瑰。而没有收到玫瑰的淘汰者,便需立即打包回家。




當然,像這種真人show,始終有虛假的成分。雖然各人都七情上面,但言句卻異常暢順,就像是預先安排過的一樣。無論男主角條件有多"筍",要十多位女士同時對他有"愛"的感覺,是機率頗低的事。所以,各位女參賽者的"爭寵"心態,應是為了"攞冠軍"多於愛上男方。

小妹最喜歡看人性弱點。如我所料,這種劇情多看幾集,除了女士的競爭白熱化外,男主角亦愈來愈迷惑。由於每集都需淘汰女士,在最開頭,他仍能篩走較不養眼的參賽者。但到了後期,他便開始三思兩意,多按當時的心情迫住做淘汰决定。




根據此series過往十多年的"戰績",最後所謂的"勝利者",很少和男主角保持長久的戀愛關係。但即使如此,男主角與"女勝利者",都没懷疑過拍攝時期的感情付出。即使浪費了時間與精力,人的本性,就是不想在鎂光燈前承認自己的過錯。

"支持選擇偏誤"(choice-supportive bias),意指人們在回憶自己做過的選擇時,傾向認為是明智的。這種偏見,正正啟動了自我的保護機制。即使心底内,自己早已覺得有問題,但為了面子及其他誘因,我們都會合理化一直以來的選擇。

為何我們當中,有人在事業、投資、感情等的抉擇上,刻意放大option A的好處,而貶低option B的可行性? 因為這個option B, 他可能從未試過、甚至是未來一輩子也不會試。

大家如何在人生抉擇上,減少偏見對自己的影響,歡迎在此分享一下=)

44 則留言:

  1. 美劇長期占據家中的電視,港劇只限於新聞時事。好像離題了-)
    BTW, Cherry小妺一直中英文行文流暢,贊-)

    回覆刪除
    回覆
    1. 謝zero 2best兄留言,呵呵絕不離題,我都睇好多美劇, 華納電視、Fox及HBO等也有留意。個人較喜歡英雄片,而查案罪犯片則冇追開。

      呵呵我從未用過英文寫blog,你何以知道我中英皆流暢呢?=)

      刪除
    2. 中文有夾雜部分頗學術性英文,可見一斑-)

      刪除
    3. 呵呵Zero 2best兄過獎了,我這種又中又英的,其實是亂拋書包而已~

      但我寫哋英文,係仲串過中文的。我在海外bloggers的文章内留言時,佢哋都冇乜人想覆我=P

      刪除
  2. 你個FB friend都弗弗地,寫blog收唔到兵架!要收兵,梗係走去搞社混喇!

    回覆刪除
    回覆
    1. 呵呵魔術師兄,正因為這些人弗弗地,有時俾到我靈感及笑料,所以我Facebook同Instagram都有follow佢她~

      收兵之事,我冇心亦冇力呢,更何況社混哋兵,根本就唔多掂(睇游小三就知)~

      刪除
    2. 呵呵冇研究呢,我嗰IG只得個榖~開account的目的,是為了follow Victoria Secret哋models同Gigi Hadid ^^|

      刪除
  3. 咁鍾意對號入座就對吧,連同此篇

    回覆刪除
    回覆
    1. 塘人兄講得啱,
      我哋文好歡迎有心人士對號入座的=)

      刪除
  4. choice-supportive bias,冇錯,所以大師們每次揀完垃圾股,明知唔對路,都要諗一大堆藉口將自己的選揀合理化。

    回覆刪除
    回覆
    1. 池兄所言甚是!
      明明自己搞錯仲要狂合理化,兼累埋班信徒。所以我都好怕睇嗰哋~連續寫N篇文來support自己買某個股的做法。你自己buy, 唔代表人哋都buy!

      刪除
  5. //只能拋下一句: "Cherry開blog, 梗係為咗識男仔啦!"

    春花姐友人頗有三姑六婆之風。:P

    回覆刪除
    回覆
    1. 呵呵Wanderer弟,這些只是FB的hi bye friend, 不能說是真正的朋友吧=)

      一般公司的WhatsApp group内也會有上司,咁此"朋友"為了娱樂大家,擺我上抬都唔出奇既~

      刪除
  6. 我現實朋友無咩人知我打blog,費事有d野想打既時候疾住疾住。

    回覆刪除
    回覆
    1. 你呢哋咪醒目囉~
      我已洗濕咗個頭,轉番匿名會好奇怪呢...

      刪除
  7. 乜你每日做咁耐家務?
    留底weekend清哂去嘛~

    回覆刪除
    回覆
    1. 阿Sue,
      唉算了吧,我不想再提了...

      刪除
  8. 什麼人都會有,最緊要自己的問心無愧!

    加油Cherry!

    回覆刪除
    回覆
    1. 謝謝80後兄的鼓勵!放心我今次無嬲,純粹覺得有趣而已。

      你及其他blog友氣度都很大,我要多向你們學習呢=) 大家共勉之!

      刪除
    2. 呵呵放心一定會的=)

      另我們blog group昨晚又有聚會,如80後兄你有興趣,也可考慮向70後兄報名呢(你寫夠50篇文了?)~

      刪除
  9. 好多人都有呢種毛病,就係自己做乜都有道理,人地做乜都錯,就算買埋同一隻股票,自己既買入理由都充份過人,識埋同一個朋友,自己就真心,人地就有目的……不過唔好話人,有時自己不自覺都會咁諗,最好解決方法就係唔好理人,做好自己!

    回覆刪除
    回覆
    1. 呵謝謝森而兄突出了盲點!我們批評別人的時候,自己一不小心,也會持有偏見而不自知。

      同意做好自身便OK,係龍定係蟲,時間自然會證明一切的了=)

      刪除
  10. 對號入座, 都已經見証係某一些很有地位的投資blog人身上, 平時不停寫個股, 近幾篇突然開火發洩... :)

    回覆刪除
    回覆
    1. 呵呵我知你講邊個,但為保小命,我都係唔喺度開名啦;)

      很多時候,一個人的氣度,都是與其江湖地位成反比的。

      刪除
    2. 呵呵。重大發現,懸案解開。

      刪除
    3. 呵呵池兄,期待你的解碼分享!

      其實WhatsApp group的"Blog友智囊團"都串連咗唔少資料,人肉搜索都做埋,大家不妨再對照下=P

      刪除
  11. 我尋日都有諗過好唔好響自己FB SHARE自己BLOGSPOT, 如果SHARE的話,當然多點朋友看到自己的分享,是好事,但SHARE的話,之後寫的東西一定無咁放,因為都怕有些題材,朋友會對號入座或產生誤會

    回覆刪除
    回覆
    1. Heiman妳言之有理!保持匿名,真的有很多好處呢。當然,我並非公眾人士,影響力亦有限。別人愛怎樣想便隨他們吧,我也就見步行步吧=)

      刪除
  12. Cherry 勁, 連俾人針對都connect back to Behavior economic!

    回覆刪除
    回覆
    1. 呵呵R兄你過獎了,如果我唔亂拋下書包,呢篇野就變了純喺度呻的廢嗡文了=)

      刪除
  13. 哈哈,我就係例外回覆妳嘅女子啦。
    一場遊戲,無謂動氣~

    回覆刪除
    回覆
    1. 呵呵謝謝Grace妳的好意呢!我也是得啖笑而已,絕對不會上心呢。佢成日俾到我靈感和笑料,多謝佢也來唔切呀~

      刪除
  14. 寫BLOG 係會識到男仔/女仔0既...
    講緊XANGA 年代, 個個中學生都有一個XANGA.

    BLOGSPOT 就未聽過喇...

    拿, 我除左初戀, 全部都唔係現實世界識0既.

    不過, 你班FRD咁留意你, 一定有過折...

    回覆刪除
    回覆
    1. 呵呵70後兄經驗豐富,但我已過了在上網識異性的年紀了,你都係將你的心得留底和囝囡分享吧=P

      話明係舊同事,以前有過折並不出奇吧,但我真係冇印象、亦冇興趣。

      刪除
  15. Bachelor 真係估唔到會搞0甘多個seasons,
    以前0係澳洲冇野睇,
    都覺得幾過癮

    至於偏見,真係聽下就算
    自己想點就點啦,關0的口痕友咩事先?

    回覆刪除
    回覆
    1. 呵呵Scott兄都係單身男,下次season 21記住報名参加下~上電視後和大家down聲喎=)

      有哋偏見真係好搞笑,完全反映到一個人的性格卑劣。我見過一些最cheap的,就是阿媽带阿女去女廁,指住清潔工對囡囡講:"你唔讀好書,第時大過就做清潔㗎啦!"

      刪除
  16. //醉心兄周不時笑我言詞鋒利//

    旁觀者清!

    回覆刪除
    回覆
    1. 呵呵醉心兄,咁我呢種"言詞鋒利",係哋令大家會心微笑既"串嘴talk"黎啫=)

      刪除
  17. I have never watched any Bachelor shows...Can't bother to see ladies crying in the episodes ~ sounds quite cruel right?

    回覆刪除
    回覆
    1. Keith兄,我反而覺得那些只是crocodile tears ~ 就算係真喊,也多是出於唔忿氣而已。

      如果哋女仔集集都嘻皮笑臉、一副唔care既樣,你估套野仲有人睇?

      刪除
  18. 我Follow Cherry的Blog主要是要看高手的留言(例如Lisa姐)。

    回覆刪除
    回覆
    1. 狗股兄言之有理!我開blog也是為了看各路高手的留言呢=P

      刪除