2016年8月10日 星期三

玻璃心的投資態度

近日熱播奧運,小妹除了每晚錄影7小時的直播外(第二天倒帶睇番),亦有留意相關的新聞。而我上周日在"巴士的報"的Facebook報導内,曾留言批評中國游泳選手孫楊。此留言惹來60多個回覆,自己被人批評就預咗。但令我詫異的是,大家的紛爭,又關係到留言者是藍C還是黃C。




在網絡世界中,說過甚麼,隨時都有被翻舊帳的可能。如果少少抨擊就打擊到自己的話,那麼這種玻璃心,是很難適應到現實生活的挑戰的。最近看到blog界的百態,更覺持玻璃心投資的人,可謂比比皆是。以下為我的小小分享:

1. 問number死不罷休者
這一個現象,在Starman兄的blog屢見不鮮。Starman兄提供的照片及資料,已方便讀者自行搜索找到星加坡REIT的資料。即使連Google也懶得做的人,也可輕易在blog文的留言中找到明顯線索。另,那些問PB轉介的讀者,他們當中有多少人的流動資產真的合資格,可謂天曉得了! 恐怕有些港民,只是人問佢又問,怕蝕底而已。

2. 輸打贏要的散户
經常打電話上財經節目的散户,很多都是這類人。他們懶得自己做功課,只想靠別人的幫助來走捷徑。投資獲利了,他們會看成是個人的努力及智慧; 投資失敗了,他們就立即翻舊帳,將人家"當年"給的建議列舉出來。自己蝕錢,完全是這堆"昏庸專家"的錯。

3. 死唔認衰的self rationalizer
幾乎每一位投資者,都會經歷過買蟹貨的階段。選擇及時止蝕,還是無限補時,本來只是個人的選擇。但搞笑的是,有些人接受不了自己買錯股票的現實,還要接二連三、長篇大論地向別人解釋。人家的批評,他們是完全聽不入耳的,取以代之的是教化一番。畢竟,在"愚公填山"的過程中,有多幾位信徒幫自己填埋一份也好嘛!

4. 永遠只問不做的伸手黨
這些人,大多都是精神上的理想家,但永遠欠缺行動做實證。他們問了一題、接住再追問多幾題,就以為自己掌握了一門新知識,非常成功了。但要他們親身實行時,他們永遠有籍口去procrastinate。可能,有時問題問得太多了,他們也分不清楚,哪些是問過的? 哪些是未問過的?...

身為一個投資經驗稚嫩的人,小妹從沒值得自豪的地方。開始寫blog,正正開拓了向大家學習的平台。我寫文章,是為了表達所想,而非取悦別人。因此,我也歡迎討論及批評。若果抱著一觸即碎的玻璃心,我倒不如把此blog關掉吧。

小妹出身普通,素來欣賞自食其力、好學不倦的人士。畢竟,不辛苦哪得世間財呢? 因此,我亦討厭那些財演、政演、和歧視窮人的偽中産。我的改篇小說,正正是為他們而設的(當然比魔兄的原創小說差很遠了)。儘管我的力量再小,也希望看此blog的各位,將來千萬、千萬不要成為這三類人的其中一種。

投資路上,大家最常見過哪種玻璃心行為?歡迎在此分享一下=)





35 則留言:

  1. 我係玻璃心,雖然我無跟別人,但我好想翻某些人舊帳,問佢當初講過持有既股票,點解到現在隻字不提,當然佢絕對無必要提供買入價、比例、買左幾多等等有力既證明比人參考,因為依D係"私隱",所以我係輸打既玻璃心。

    回覆刪除
    回覆
    1. 謝謝Steven兄的分享!我覺得你只是想尋根究底而已。對住哋"串串哄"的人,想對他翻舊帳,也是人之常情呢。

      自己感覺舒服,是最緊要的。令自己有hard feeling的人,我連1mm玻璃都費時碎俾佢!

      刪除
    2. 自己感覺舒服,是最緊要的。令自己有hard feeling的人,我連1mm玻璃都費時碎俾佢!>>現實中,我想唔理某些偽人,但佢反而會變得更高調,令我更有HARD FEELING。講得岩,對住這些人,更不值得為他碎玻璃!

      刪除
    3. 謝謝Heiman妳的分享!我相信妳講的這種小人,office真係大把。盡量調節好自己心態便可,不須為他們哂時間心力呢。

      其實開blog也是一個好途徑,可以串下哋生活百態,令自己hyper哋!

      刪除
    4. 好似你咁串人、愈串愈起勁^_^

      刪除
    5. 少少串啫,老少咸宜的=)

      刪除
  2. //千萬、千萬不要成為這三類人的其中一種。
    講左四類喎,即係邊類可以做?呵呵。

    回覆刪除
    回覆
    1. 呵呵池兄,係我講得唔清楚,這三類人是指"那些財演、政演、和歧視窮人的偽中産"~

      我哋短篇小說專門串佢地的。

      刪除
    2. 原來如此。三類人之中,池某接觸得最多的竟然係政演,亦是最可惡的一類。

      刪除
    3. 呵呵池兄,每個政演都是口蜜腹劍的,可惜佢哋演技太好,呃到不少愚民。

      刪除
  3. 現實生活, 以前, 都唔少人:"車, 佢好叻咩?!"

    但當矩離越遠, 我望都望唔到佢地了...(可能BLOCK 左我~)

    回覆刪除
    回覆
    1. 呵呵,70兄的NAV咁高,呢班酸民,連你的車尾燈都睇唔到啦(跟著佢哋賴自己天生對腳短,跑得慢)

      刪除
    2. 佢地唔係網民, 係我/我老婆生活上遇到的勉強叫做朋友0既人.

      不過"自己天生對腳短,跑得慢" 呢句好抵死~

      刪除
    3. 哈哈,以你及你太太的成就,身邊多舊同學/朋友眼紅你們,也是意料中事吧~

      佢哋生得短既地方,可能唔止對腳...=P

      刪除
  4. 點解d字細隻左既? 大返少少好睇d。
    依家黃C成日話大陸人玻璃心,但佢地何嘗唔係,只係不斷放大壞既地方,大陸有d地方成功既時候就不斷自欺欺人拒絕接受,咪又係玻璃心既一種表現。

    回覆刪除
    回覆
    1. 謝謝賢兄的分享!Sorry我今次已用laptop上載~我呢個電腦dummy要努力哋改善問題!

      一個奧運,已突顯哂不同背景、利益人士的自私虛假一面。對住這批"偽人",真係費時哂gas同佢哋辯論,當反面教材算了!

      刪除
  5. //他們永遠有籍口去procrastinate。

    我仲以為係prostate

    回覆刪除
    回覆
    1. 呵呵魔兄,可以寫番篇"有青的五十道prostate procrastination"~

      刪除
  6. 塘人就衰啲,會周不時在臉書上向玻璃心展現自己最型嘅一面,搞到佢哋覺得塘人在對住他們放屁XD

    回覆刪除
    回覆
    1. 塘人兄做得好好就真!你的親友咁衰,抵佢地俾你串的!就等佢地既玻璃心碎足一世吧~

      刪除
  7. Maybe there should be a book called "the Unintelligent Investors" for them:)

    回覆刪除
    回覆
    1. Keith兄,咁即係要將Benjamin Graham哋terms轉哂做antonyms?難度咁高你自己做吧=P

      刪除
  8. Blog界高手林立,對於初級投資者真係好多嘢學,好多嘢想問,但最好係睇完覺得有用既,講返句多謝分享,然後再自行揾方法去了解更多,唔係下下要人喂埋你食!

    回覆刪除
    回覆
    1. 森而兄真係講得好啱!你最近幾個月,也一直用心鍛鍊衍生工具的技巧,努力是大家有目共睹的。這也證明了,任何事都要親身摸索和實践才有得着。至於伸手dummies, 咪要人地幫佢去銀行開埋投資户口囉!

      刪除
  9. 其實做財演冇問題, 都係一份工作. 最難頂係講一堆毫無邏輯說話, 仲要站在高地, 擺出教化世人既態度.

    回覆刪除
    回覆
    1. Joseph兄講得啱,財演也是一份工作,職業 無分貴賤呢=P

      我覺得某哋大師,當正自己神人咁,信徒要崇拜佢才能普渡永生。呃人呃到連自己都呃埋,我呢種凡人真係識條鐵=)

      刪除
  10. Cherry都是愛運動之人, 其實我都喜歡看奧運, 但因工作關係, 今件奧運都是看新聞為多。 

    回覆刪除
    回覆
    1. 謝謝80後兄的留言!呵呵我的outlook都呃到人係運動型的,但我都係鐘意睇多過做=)

      節目太長,我會飛带到自己最感興趣的項目。奧運也蘊含產品商機,你可能又發掘到潛力股!

      刪除
  11. 沒有他們的玻璃心, 豈能襯托出我們的鑽石腦?

    回覆刪除
    回覆
    1. 呵呵R兄的回應真係又串又惹笑=P

      我雖没有鑽石腦,但最少有塑膠心,任跌唔嬲唔會爛=)

      刪除
  12. 確實有這些人, 我個朋友成日問攞號碼, 我買咩通知佢, 令我都有壓力!

    回覆刪除
    回覆
    1. 相信隨曲兄的同事及親友,都有唔少呢種人。成日追你攞number, 赢錢就當係自己既功勞,thank you都冇聲。一蝕錢,就立即向你連環發炮~呢種朋友要盡快止蝕呢!

      刪除
  13. 問tips贏左最多多謝一聲,輸左就lai你,人生百態,亦看得出一個人的品格高度

    回覆刪除
    回覆
    1. 作者已經移除這則留言。

      刪除
    2. Michael兄所言甚是!一個投資蝕錢、只懂賴落別人度的散户,相信他生活的其他範疇,也是抱着不肯自我反省的態度。失敗的人生,是不無原因的。

      刪除