2016年8月25日 星期四

不要對人家的錢財太認真

自70兄的報導出街後,各路網民的迴嚮十分熱烈。除了部分留言是讚賞之外,東網的FB專頁及香討區,都充斥着各種難聽的說話。

"為何21歲就畢業? 03年市道咁差仲創業? 做咩老闆一個月賺十幾萬? 身家是否從遺產而來?..."諗到咁多可能性,有時真的不得不佩服網民的創新思維。近期中期業績倒退74%的TBB,不妨揾呢班網民幫手度下橋吧!

海外博客www.1500days.com就製造了一幅好正的圖,串盡一班網絡酸民(trolls)。明明是一位跟自己不相干的新聞人士,他的成功都可以軒起多種負面反應,真是神奇。


如果要為上圖加備註,我會補充少少香港版酸民的特徵:

1.他們查家宅般起人哋的身家,但自己的"網上身家"卻老吹得過份。

2.人家的成功只是一剎那的光輝,而自己付出的卻是持之以恒的努力。

3.他們容許自己批評別人,但卻不容許別人彈劾番自己。

4.他們對人家的資產數字極度敏感,成日想找bugs,但對自己的投資成效,就唔記得咩位數啦...



人家只是上鏡頭分享經驗,又不是搞propaganda去傳教或收信徒。那麼花大量時間、精神去研究人家故事的真偽,對自己又有何益處? 你串到人家少咗塊肉,唔通自己就會多番舊肉? 你"證實"到別人的資産應該係少哋,難道自己的户口就會多咗個零? 如果酸民覺得zero-sum game可以應用在此的話,那就太天真了。

我此文題目中的"不認真",不是指懷疑人家財産的真實性,而是指不要對別人的經歴太上心。每人的人生軌迹都不一样。畢竟,豐盛的生活,比豐盛的荷包更為重要。酸民們,get a life please!

大家又見過那些討厭的網絡行徑?歡迎在此分享一下呢=)

53 則留言:

  1. Cherry 網聚後變咗, 以前串人的口氣不見了 :)
    有人成日亂把自己個套生活方式, 父母知識水平, 硬套在人地父母身上, 又說呢樣個樣是假, 自己俾人說返轉頭就是錯 ?

    回覆刪除
    回覆
    1. 謝謝Lisa妳的留言!有些網民真係雙重標準得恐怖,自己成功就是理所當然,但對外就憎人富貴厭人貧。咁樣人格分裂法,唔辛苦的嗎?

      Btw我又唔太覺自己網聚後有特别改變,仍然繼續串班演員喎^^|

      刪除
  2. 我都係21歲大學畢業。都唔明點解依家的怪獸幼稚園係都要收「大仔」(一月出生的港孩)。

    回覆刪除
    回覆
    1. 魔術師兄所言有理~依家哋幼稚園真係斗到冇野好鬥。我仲記得講"赢在射精前"嗰位屯門港媽,bravo!

      刪除
    2. 七十兄又真係叻, one man band 做到十幾萬月入。

      刪除
    3. 嗯咁他的行業比較特别,winner takes all 呀嘛~

      刪除
  3. 嚴格來說,70後兄個專訪有兩處敗筆。
    第一處係條標題,用「隱形富豪」明顯不貼切,讓人先入為主,最後發現題不對文。當然那是編輯的問題,不是記者所能控制。
    第二處仍然係條題,「股票」、「食息」,亦令人先入為主,以為「資產」、「財務自由」都是源於投資。
    70後兄自己在blog裡就說得很清楚,其真正財富,「並非來自投機投資,而是來自工作。」
    但沒有看過70後兄個blog的讀者,就會很容易被兩次先入為主所誤導,以為唔駛do靠投資就可達致財務自由,最後發現與先入為主的預期反差很大。

    回覆刪除
    回覆
    1. 個標題要eye catching嘛

      刪除
    2. 謝謝池兄的詳細分析!你身為行内人,捉傳媒文章的bugs尤其在行=)

      讀者冇建立critical mind的話,真係好容易被人地牽住鼻子走。人地鬧,跟住自己又鬧埋一份,可以完全没有理由的呢,港豬就是這樣鍊成的。

      刪除
    3. 呵呵,Michael兄的"職業病"又發作?^^

      刪除
    4. 無,不過記者都有苦處。70後兄的經歷固然會引到一大班人葡萄,但如果記者唔加少少gimmick,就無咁多noise了。

      刪除
    5. 你都講得啱呢,今時今日的年輕記者,要揾食也不算太容易。如果多哋noise可以幫到廣告收入,間接benefit到記者也不錯呢!

      刪除
    6. 所以最初唔知可以問乜,因為答案只有四字。
      努力工作。

      刪除
    7. 努力工作,幾乎是所有成果的先决條件。

      成世人流流長,如果連花少少時間捱都唔想的話,那便惟有靠父幹了。

      刪除
  4. 幅圖好正!!! 制圖者應有PSYCHOLOGY 底子.

    佢地D反應比我想像中無咁激烈呢~~~!

    (對付過街老鼠終極方法,就係唔理佢LAW)

    回覆刪除
    回覆
    1. 哈哈70兄EQ高,班過街老鼠真係唔使理佢哋。你望多佢兩眼,佢仲以為自己好charm!

      佢哋的反應都係三分鐘熱度,日日都揾人鬧,有時鬧過邊個都唔記得~

      刪除
  5. 呵呵,下次春花姐受採訪的話唔知會點樣呢XD

    回覆刪除
    回覆
    1. 哈塘人兄,乜有報導是我適合受訪的嗎?
      而且我對上鏡也没興趣呢=)

      刪除
  6. “I’ve heard Warren say a half dozen times, ‘It’s not greed that drives the world, but envy.'” – Charlie Munger

    他也說了一句很有警醒作用的話
    "Envy is a really stupid sin because it’s the only one you could never possibly have any fun at. There’s a lot of pain and no fun. Why would you want to get on that trolley?"

    回覆刪除
    回覆
    1. 謝早月兄的分享!

      Proverbs 14:30

      A tranquil heart gives life to the flesh, but envy makes the bones rot.

      刪除
  7. 努力找人錯處不如去搵下有乜值得學習,咁樣先會進步啊。

    回覆刪除
    回覆
    1. 同意自由夢兄的見解!律人以嚴、待己以宽,正是長遠退步的主因。

      刪除
  8. 回覆
    1. 同意Michael兄所言!網上討論區常充斥着呢種人,真污染他人眼球。

      刪除
  9. 妒忌人地真係好哂時間...

    回覆刪除
    回覆
    1. Re: Sue
      Kill time有好多方法,但哂時間又賠心情的,就真係揾自己笨囉!

      Re: Steven
      我也同意呢~

      刪除
  10. 料俾左傳媒, 自己就控制不了。

    所以要悶聲發大財...

    回覆刪除
    回覆
    1. 謝R兄留言!咁我哋又真係控制唔到報導内容呢。但善意的分享都OK既,有時幾悶聲,都會被其他人八到的嘛。

      刪除
  11. 哈哈...葡萄的人一直都在, 有時候看一些新聞, 看到很多留言比內文更精彩和爆笑。

    其實葡萄是人的天性,總會在的。

    回覆刪除
    回覆
    1. 謝謝80後兄的留言!我也覺香港人壓力大,妒忌一些比自己環境好的,大有人在。

      葡萄雖說是人類天性,但懂得好好管理個人情緒的話,生活便不會受影響了~

      刪除
  12. 70後的故事,40歲未夠,一個平凡人到這層次,對好多人來說可能太震撼,把普通人拋離太遠比下去,所以就有極多葡萄友。有錢真係要低調D比較好,香港人鍾意聽人仆街故事多過欣賞人地成功往事分享。若果報導係壹週執筆,咁就大鑊好多。

    回覆刪除
    回覆
    1. 謝謝R兄的詳細分享!網民們有這種負面的反應,也早在70兄的預料之内。其實最緊要係當事人唔放喺心度,我哋旁觀者都係不平則鳴,才多講兩句而已。

      本地真係有不少缺德的週刊及網媒,但以我們一眾blog友的智慧,應不會接受這種機構訪問吧=)

      刪除
  13. 鍵盤戰士最叻咪打字,根本無需理由佢地

    回覆刪除
    回覆
    1. 哈哈言兄,
      喺鍵盤世界做勇士,
      現實世界做番佝偻~
      也是一種境界呢。

      刪除
  14. 憎人富貴厭人窮,
    跟紅頂白,網絡世界一樣是

    0甘多0既推算, 只為合理化自己的理論,
    “意外之財, 撞棍0者, 佢件蛋散冇料到”

    回覆刪除
    回覆
    1. 非常認同Scott兄的話,網絡也是現實世界的縮影,真係咩人都有。

      剛才70兄在WhatsApp group内提及,香討又有新tread講佢,不過今次就係攻擊人哋個頭髮...依家哋網民已經反智到離哂谱!

      刪除
    2. 網民不嬲都反智,
      一下衝動, 有咩講唔出,
      不過佢個頭髮都有0的阿叔feel 了,
      唔好打我。。呵呵

      刪除
    3. 哈哈Scott兄你同70兄同届,你話佢似阿叔,咁即刻你自己都...=P

      刪除
    4. 好明顯我都係大叔啦

      刪除
    5. Scott兄,我咁係唔敢串你啦~
      其實每個人都會老,盡量養生及stay young咪得囉=)

      刪除
  15. 好耐以前都會去討論區留言,但通常好快就變成不同立場對戰局面,後來有人同我講:有咩好討論,對方可能只係個小學生。一言驚醒,決定以後唔去討論區。

    回覆刪除
    回覆
    1. 森而兄的分享很有道理!持續而無謂的謾罵,真的極浪費時間,又無得著。

      我以前也花過精力喺討論區度,但後來自己開blog算係忙左少少,就戒咗玩討論區的習慣了=P

      刪除
  16. 他們容許自己批評別人,但卻不容許別人彈劾番自己-----呀, 同香港某班本土派分子一樣. 自己惡晒大晒.

    回覆刪除
    回覆
    1. 哈哈Joseph兄的一番話又突出了盲腸,我又要招徠一班政棍小演員做我故事下的主角了=)

      刪除
  17. 睇討論區打發下時間唔錯,認真討論用blogger吧... (不過blogger都有小學雞 XD)

    回覆刪除
    回覆
    1. 哈哈醉心兄所言甚是,你不妨用心理學理論介紹下哋"小學雞"的bloggers?(可能有埋我份)XDD

      刪除
  18. 每人的人生軌迹都不一样。畢竟,豐盛的生活,比豐盛的荷包更為重要。

    很認同。人生不應只追求金錢上的回報,每個人的目標都不一樣,要學懂尊重別人的分享,欣賞別人值得學習的地方,真心希望香港少一些負能量,多一些正能量。

    回覆刪除
    回覆
    1. 謝謝Starman兄的留言!香港地反智既人實在太多,生活充斥着負能量,自然就工作、財政、健康及關係上都不太順利。即使不認同别人的分享,亦不用百般刁難吧。有這種loser mentality的人,相信人生亦難完滿。

      刪除
  19. 其實那些網民全是玻璃心啦, 佢話人就得, 人地話佢就啦啦聲對號入座起晒鋼

    回覆刪除
    回覆
    1. 認同Heiman妳的所言!好多網民都係唔受得批評的。我的blog亦試過被人留言挑機,但吃得鹹便抵得渴,只要是理性辯論,我一概都歡迎的。

      刪除
  20. 其實多D人氣都好, 有心人睇到就應該知到個人財務的重要. 早月訂下目標!

    回覆刪除
    回覆
    1. 同意人氣高些,也有其好處呢。能鼓勵更多人親身實行財務目標,那也是造福人群!

      刪除