2019年8月23日 星期五

十皮都唔駛嘅MBA課程

近日我的親人報讀野雞大學的MBA課程,學費為數萬元港幣,約半年內讀完。其實,在學位量化寬鬆下的社會,愈來愈多的MBA/EMBA課程,只係為開而開,兼俾人為讀而讀。所以,全中文版的課程丶甚至是無考試(只需做projects)的形式,已趨常見。呢類俾$就買到的證書,我稱之為“MK化的MBA課程”。


我親人第一次上堂,已感受到MK的氣息。有些同學的衣著是比較潮,髪尾又乾又開叉(這是經常染髮的後遺症)。和分組的同學吃飯時,我親人也聽到不少較特別的職業,如freelance會計師丶美容院合伙人丶收數公司老闆等。其中收數佬嗰位,更上過蘋果動新聞,他把自己的受訪片段發給所有同學觀看。

課程剛開始,上堂內容圍繞公司融資丶股權收益丶企業上市等範疇。即使是“野雞”證書,都唔代表嗰導師會hea教。只要你有心學,點都會有些得著。尤其是:在我們身邊,未必每個人都有明顯的學術才華。但儘管一個人讀書唔叻,都唔代表佢唔想進修。這些“MK化的MBA課程”,正好切合市場的這個缺口

你可能會問:「咁嘅MBA,讀出嚟都冇認受性,咁點解仲要讀?」理由好簡單:(一)呢類課程易入易出,基本上你full attendance就可拎到張cert;(二)有哋人真心只想用錢買張沙紙。就如上述提到的美容院/收數公司波士,佢哋都係想畢業後,掛番自己張燙金cert喺公司牆上面啫。佢哋本身做咗咁耐生意,唔通仲expect喺學店學到最重要嘅嘢
-----------------------------------------------------------

早前看到一名金融KOL,在其FB page這樣自嘲:自己的配偶名校出身丶住開中西區,但婚後卻隨自己搬咗去元天屯。雖然佢只是講笑,但我有時都會覺得:一個blue blood出身嘅人,論靈活性丶處事柔靭度等,有時真係比不上哋MKMK女。

背景及學歷中上的人,最容易被哋無謂的ego限住。尤其在成為專業人士後,佢哋會覺得自己一定要住某些區域丶仔女將來一定要上某哋學校etc。一定一定一定......生活不能有妥協丶人生也不能有隨序漸進。

近日大眾留意多咗的E-kids Tommy仔,雖然佢算係no stake in education(會考1分),但人到中年,佢都搞掂哂四仔主義,真心撈得好過唔少同齡人。

當然,MK出身的人,成功及摸索的道路,一開頭往往是比較崎嶇。但我覺得他們有自身的優勢,也不用太妄自菲薄。例如他們性格較外向丶容易認識新朋友,初入行不如嘗試要跑數的sales類工作,付出多收入也多。再者,他們多擅長打扮丶異性緣也不俗,那麼職業導向便可更具針對性,美容業丶健身室等強調外觀的行業,很可能係佢哋杯茶。青少年時期MK下唔緊要,只要不學壞丶再加上持續進修,他們說不定能發掘人生的其他機會呢。

其實,我絕對認同教育的重要性,尤其自己都算係受惠者。但做咗咁多年人,也應該知道street smart好過book smart。你撈得掂,冇人會再care你嘅出身;反之,你就算強調自己係X大出身丶講到四十幾歲,都冇人會show你。
-----------------------------------------------------------

“用錢買學歷”,大家又有什麼看法?不妨留言分享意見:)

58 則留言:

  1. 妳親戚撰得呢個course···可能佢都係mk仔 / mk女��

    回覆刪除
    回覆
    1. 哈我親戚簡直是MK之光 ~ 佢細個時好仰慕”天若有情”的劉華,所以大個後染金髮兼學電單車。

      但唔知係咪身形過重,佢有次從電單車翻側後跌落地整傷腳,在醫院休養咗一排,兼忘了交稅,最後俾稅局追罰款😂

      刪除
  2. 我細個曾做過一排MK仔, 日日吃喝玩樂, 生活表面上好Happy, 但實際上心靈幾空虛。後來家父患病入院,我先識得醒覺。除咗擔起長兄既責任, 我仲邊返工邊讀part-time degree。

    辛苦多年後, 現在總算有事業有家庭。路雖然是歧嶇, 但幸好自己當年冇磋砣太多歲月, 同身邊有人願意俾機會我去進步。

    回覆刪除
    回覆
    1. 同埋我唔覺得住開港島九龍既人, 搬去新界有咩問題。

      我雖然MK過, 但中學假假地都係地區名校。當年讀到書兼做左專業人士的舊同學, 近年結婚的竟有幾個講明只肯住港島區, 買唔起都要租。我自知自己能力,所以幾年前結婚時, 和另一半夾首期買大西北的樓。雖然不是什麼靚地方, 但總算是自己地方。

      同意哋冇謂既ego真係累死人, 做人能伸能屈才是皇道。

      刪除
    2. 謝謝Ming你的詳細分享👍 你是過來人,講嘅嘢比我更具說服力。

      “我仲邊返工邊讀part-time degree。”
      我以前在office工作時,也有同事半工讀。廿零歲時咁做還好,但年紀稍大兼有咗家庭,精力便不夠用呢。

      你現在苦盡甘來,可先休息一陣子丶好好享受成果👍

      刪除
    3. “搬去新界有咩問題。”
      同意住邊區都冇問題,只要是自己辛苦經營的家庭,便值得滿足及自豪👍

      但我也會理解:點解咁多專業人士想住港島。因交通上真的便利很多,慳番嘅時間又可作睡眠休息之用,對salary men來說是吸引的。之不過,對大部分小市民來說,長期租樓真的很難儲錢。即使你願意加租,但業主一收樓,你便要安排搬樓。尤其專業人士工作本身已繁忙,每次搬家的transaction cost都頗大。

      如執意要住港島的話,不妨先考慮單橦/洋樓。早兩三個月前,我見有連登仔分享一個鰂魚涌的近四百呎單位,上車價剛好6 mil。即使不想自住,也可入住先再做雙租族,起碼可對冲未來樓市的潛在升幅。

      但anyway,買樓好定租樓好,又是偽命題。正常的社會(如德國),應該無論買樓定租樓,也具友善的用家主導市場,可惜香港這方面做得好差。

      刪除
  3. 現在這個年代, 真心想學習的話, 用錢買當然可以(有一些人是付出了錢, 自然比心機讀, 所以這用錢去買學位的動機也不是壞事), 即使不用錢, 網上學習的渠道也多. 所以真的沒有不學習的理由. 我主張人要終生學習.

    不過, 講真, 學歷可代表的東西愈來愈少. 學歷高人品也可以很差. MK仔也可以很明白事理, 行得正, 企得正.

    回覆刪除
    回覆
    1. 謝謝Joseph兄的分享,同意不論資質高低,終身學習也是正確的態度。就算不是書本上的知識,生活技能與軟實力的培養亦十分有幫助。

      “學歷高人品也可以很差”
      幾乎每個國家都有道德崩壞的高官,完全置百姓的生活在水深火熱之中。

      刪除
  4. 我認為學習的動機很重要,好多社會上的成功人士都冇大學畢業。如果沙紙可令人感覺你更好,利好做生意/求職,那bill gates提早退學更是另一層次

    回覆刪除
    回覆
    1. 謝謝Michael兄的分享!但我相信在香港,你撰得讀大學的話,就最好grad埋去,畢竟香港的科創風氣遠不及歐美。

      Bill Gates同Mark Zuckerberg即使提早退學,都係贏得哈佛的入場卷先😂

      刪除
  5. 太太當年讀母語大學MBA廿幾幻學費。現在應該要三十幾四十幻吧。幾幻學費的,究竟係邊間呢?

    其實有個MBA學位,也不見到識做生意及識得管理。不過,無論學習動機係炫耀下,定真係想學,讀多個學位也是好事。

    至於居住地區論英雄的膚淺概念,其實得啖笑。住九龍站也不見得有米,月光族去租也可以吧。就算租屯門,也有財自KOL。非黑即白,有何意義。

    回覆刪除
    回覆
    1. 三兄太太讀的是名校MBA,收費當然有番咁上下。我親人讀的是野雞大學,學費就...嘿嘿🤡

      同意學習是好事情。相比哋唔駛考試的短course,一般要考試兼長讀的課程,自己會較上心和容易識到新朋友。

      居住地區真係得啖笑~我工作上見過唔少隱形富豪,表面生活同實際財力根本是兩回事。

      刪除
  6. 其實我都有啲興趣讀下呢類,當年自己張cert係千辛萬苦又做project又考試幾年咁讀返來,無壓力下讀書係咩玩法?
    雖然知識可以自學,但真金白銀俾出去,點都會認真上足堂,原埋同俾貴錢參加出邊健身院會勤力啲,去多幾次健身一樣。但同時又免除了考試做project肥佬嘅壓力,諗落又幾爽。

    回覆刪除
    回覆
    1. 風兄是master嘅dean list,讀呢哋MK course絕對浪費你才華呢~你做導師教班MK仔固定收益,學費要收勁哋約$6000*8 (貴過L Sir)😂👍

      但我身邊有人報MBA / EMBA,暗啞底係為咗識朋友甚至另一半,希望佢地求仁得仁🤡

      刪除
    2. 春花姐真識講笑,MK仔識我係老鼠:D
      不過真係好多人讀MBA/EMBA係為咗識人。

      刪除
    3. 哈哈係你太謙啫!但人年紀愈大,真心朋友係愈難識。通常報個要考試的正規master/diploma,大家有學術上交流,會容易哋保持聯繫~

      刪除
  7. 人不MK枉少年~~細個嗰陣柒下撞下板,跌跌撞撞發掘自己的道路,總好過成世做乖乖仔乖乖女,乜都唔敢試!!

    回覆刪除
    回覆
    1. 哈你又講得啱,後生時MK過又真係幾好玩。,

      可惜我細個時冇$,貧窮限制了我的想像力,想去多轉旺中/唱下K都付擔唔起。

      刪除
  8. 四十歲,仲要強調自己邊間大學畢業我係覺得相當悲哀的,好似果個人的人生最高峰就係大學果幾年,然後就無乜其他嘢好介紹自己了。

    本來諗過呢D 叫"master"算唔算令學歷進一步貶值(你知我知,讀果個同見到張cert 果個都知呢種master 同 Mphil 的含金量有差別)。但再諗下,其實讀得呢D 都唔會真係拎張cert出黎搵工,某程度黎讀就係發行少少紀念鈔唔會造成貨幣貶值咁呢。

    回覆刪除
    回覆
    1. Thanks for your sharing! 除非你係學術界,否則工作咗咁多年,冇人會再問你邊間institution畢業😂

      本港MPhil唔少內地學生爭㗎。但最奇怪的是,我見過有內地學生在國內大學讀完master,如升不到phd,就過來申請香港的MPhil🧐


      刪除
  9. 讀書是無錯,欣賞文中親戚的毅力。個人認為除了為考取某煩專業資格外,無太大需要讀學位或master,反而培養學習動機更重要,學海無涯,終生學習是無錯架!

    回覆刪除
    回覆
    1. 謝謝你的支持!只要是有心讀的,不論什麼年紀/學院,總會有所得益。

      人生流流長 ~ 如其靠學校個招牌,不如自己做品牌。

      刪除
  10. Cherry,你親戚以前是MK,宜家讀呢個課程只是為興趣吧!

    回覆刪除
    回覆
    1. 哈哈yes,真係for興趣。佢年紀不細丶已上岸,依家都係想補番下學歷咁。

      刪除
  11. No stake is education ....😂😂 呵呵笑咗

    咁tommy仔又算幾成功,因為ekids另外嗰兩位成員....真係少哋人知佢地叫乜名😂

    回覆刪除
    回覆
    1. 係喎,我都唔知另外兩個叫咩名呢😂

      好多明星都財來自有方,即使不是特別紅的,衣食住行各方面仍好過不少中產。

      刪除
  12. 平平地拎番個DOCTOR,等人人都叫我做DR XXXX!
    另一末日博士~

    回覆刪除
    回覆
    1. 哈哈你已是博士啦|

      Dr. Plankon 完勝 XX. Ng

      刪除
  13. IF you can't beat them, join them!

    以上是我跟太太討論讀書考CERT文化既結果(不論大人考MASTER, 定係小朋友考興趣班既CERT)。我跟太太均討厭以上考CERT文化,奈何當你搵工/升職時又或者小朋友搵學校時, 人地第一樣就係睇你既 CV, CERT 既野有多無壞。有時如果無果張 CERT, 連入場既機會都無。

    要反抗呢個制度/文化唔係唔得, 但你要非常優秀, 優秀到有能力創造出自己既空間。正所謂「你以為你暱嚮度就搵你唔到咩?無用呀!好似你啲咁出色嘅男人,無論嚮咩地方,都好似漆黑中嘅螢火蟲一樣,咁鮮明,咁出眾!」XP

    回覆刪除
    回覆
    1. 謝謝二兄的搞笑分享XD 同意cert真係有多無壞,起碼呃多個interview機會都好啊!就好似做finance呢行,就算CFA/FRM並非必需,也很多從業員每年課金去考。

      “你以為你暱嚮度就搵你唔到咩?...咁出眾!”
      阿師兄你好似最尾打漏咗一句🤣


      刪除
  14. 一分錢一分貨,平平地的MBA,買回來也不過是呃人兼呃自己。

    而有些免費的教育,原來又是最貴的教育。例如,MK大半世,老左無人無物,開飯都成問題,方明白少壯不努力,老大徒傷悲。

    又例如,挨過藤條炆豬肉,先知原來真係好痛,挨過彈珠爆眼,終生殘廢方來後悔。

    又又例如,集體做錯事,搞集體歧視,搞人多暴政,搞得人人敬而遠之,生意水靜鵝飛,成功攬炒,然後,就沒有然後,方知香港樂土非必然。

    回覆刪除
    回覆
    1. 咁小市民俾錢呃個MK證書,點都好過某哋膠官咁有米都仲要呃小市民~

      刪除
  15. 我也正在找平+快的MBA, 請問可告知是那間大學嗎?
    可PM (zerohk9@gmail.com)
    Thanks!

    回覆刪除
    回覆
    1. 花師姐, 順便PM 可以嘛?
      vicemaster2nd@gmail.com

      刪除
    2. 麻煩也給我有關資料可以嗎? 謝謝!
      ewdl18@gmail.com

      刪除
    3. 有無相關資料可以email參考參考?
      dominiquelee123@hotmail.com
      Thx

      刪除
    4. 可以也email我麻? thanks
      dominiquelee123@hotmail.com

      刪除
    5. 可以也email我麻? thanks
      dominiquelee123@hotmail.com

      刪除
    6. 可以也email我麻? thanks
      fannychan627@gmail.com

      刪除
  16. 回覆
    1. 你也好好加油呢!我這個廢中近月也考慮緊去進修😅

      刪除
    2. Cherry 可以考慮下做兼職升學顧問:)

      刪除
    3. 哈哈可能要跑數?😁 但謝謝你的好建議!

      刪除
  17. 菲律賓大學嗎
    無大學學位可否直入mba
    移民用🤭

    回覆刪除
  18. Cherry 第一次留言啦我喺風兄嗰本書,認識你
    其實我都有興趣讀返個MBA
    因為少時不努力而家做嘅工作裏面係一間大公司,因為工作經驗先至做到主管
    其實好多時都需要一份證書去證明自己嘅能力現今社會就是這樣

    回覆刪除
  19. 方便嘅話可唔可以email畀我 MK MBA
    Samsamkan2014@gmail.com

    回覆刪除
  20. 可以提供呢個MK MBA課程呢?
    我電郵是tkpbest@gmail.com
    Many thanks

    回覆刪除
  21. 唔好意思... 我需要一個咁樣嘅 MBA,請問可唔可以幫忙比資料我? matthewcheung930@gmail.com

    回覆刪除
  22. 我都想了解下,唔該晒!

    cyc_lee@hotmail.com

    回覆刪除