2016年6月23日 星期四

令人不想辭職的"One More Year"情意結

日常生活中,我們可能都有某程度的拖延症(procrastination)。但當自己已達財務自由,仍勉強做一份不喜歡的工作,那又是甚麼心態呢?

近日,小妹看到一個海外blogger的分享(www.retirementinvestingtoday.com), 這位40多歲的英籍blogger "RIT",自稱屬國内收入頭5%的員工。他的NAV達一百多萬英鎊,預期可於數個月内辭職退休。他打算用五十多萬歐元在地中海某小國置業,再配架二手車周圍兜,便可和太太度過美好的餘生了。

讀者的留言中,很多人都關注blogger會否真的如期辭職。他們提出的"one more year",意即在財務自由後,當事人仍返多一、兩年工,收多哋錢都好嘛!

會否有"one more year"這個情意結,與當事人的價值觀有很大關係。如對事業名利看得較淡的,便可能一獲得財務自由後,便頭也不回地離開職場。又或者,如當事人的家庭羈絆少,那一賺夠便衝往地中海過exotic的新生活,那也是正常的。這種率性而為,單是想想也令人羨慕啊!

相反,愛猶豫和自主感不強的人,便很可能在財務自由後,仍然營營役役繼續去上班。如非出於工作的熱愛,那當事人的"one year more",便可能是基於社會的期望或家人的壓力。其實"one year more"本身並無分對錯,關鍵是在於當事人有沒有掌握命運的决心。

除了事業外,"one more year"這種情意結,也應用在人生的其他範疇上。如用得負面的話,這不但令人過得拖泥帶水,更嚴重的,它只是一個籍口,容讓自己無限補時去放棄重要的抉擇。

不適合的工作嘛~俾多一年期限自己吧,可能公司的環境及待遇都會變好呢!
不適合的家庭嘛~俾多一年期限自己吧,可能居住的環境及親人都會變好呢!
不適合的感情嘛~俾多一年期限自己吧,可能伴侶的性格及相處都會變好呢!
....................

適度的拖延症,能給我們考慮與權衡的空間。但自控能力低的"one more year", "two more years", "three more years"...只會逐步消耗自己的人生,白活一場。

話時話,看過這位"RIT"的博客後,小妹覺得在blog内提及自己的資產變化,是正常不過的事。但假如blog内99.9%的文章,全都只是講個人的身家升值及退休憧憬,咁就有點自戀和自我中心了。好似全世界都要圍住自己轉咁,就連讀者的留言,都迫住要跟自己的portfolio有關,唔悶既咩~?

這類咁強調"My Own Money"的blog, 我間唔中都會看下當學野。但如要我經常睇這些的話,我寧願日日睇屋企那個Movie Movie台好了(内含大量較重口味的歐洲獨立電影)。

大家試過有拖延症的行為嗎?當你達到財務自由後,又會有"one more year"的想法嗎?歡迎在此分享一下=)

56 則留言:

  1. 嗰blogger移居去地中海呢哋地方~
    好可能會有第二春喎!

    回覆刪除
    回覆
    1. 嘩阿Sue,乜妳睇得人性咁黑暗啊~
      但此blogger曾說過自己與妻子是各自財政獨立,連"entertainment/fun money"也是100%分開的~咁就算各有各玩,都唔出奇既=/

      刪除
  2. cherry也喜歡另類電影 (independent, 文藝, 荷里活黑白電影)? 老電影是我的最愛娛樂呢

    回覆刪除
    回覆
    1. Joseph兄~其實我睇戲都幾雜的,老牌黑白電影中,我較喜歡Clark Gable、Ingrid Bergman等。佢哋輪廓好靚,真係唔靠化妝都得,只係私生活較亂啫(狂結婚離婚)。

      獨立電影我也看,但看得太多會唔舒服。所以間中也睇哋commercial的中和一下(如華納電視台的DC英雄劇集、卡通片等)。

      咁你又鐘意咩電影呢?~

      刪除
    2. Ingrid Bergman 身型比較'大份', 不是我喜歡的類型.:)

      我都係咩電影都會睇, 純商業的荷里活都ok. 有時, 有一些本港電影都ok.

      刪除
    3. 呵呵,我睇Casablanca時只覺Ingrid樣子楚楚可憐,冇留意她身型是否"大份"~ Grace Kelly及Audrey Hepburn應比她更靚,可惜一個嫁太快(電影產量少哋),一個老太快(抽煙抽得兇)。

      因家人工作之便,我多在屋企電視台免費load電影睇的~就係咁變成宅女了=)

      刪除
    4. 免費load電影..是不是'小米盒子'?

      刪除
    5. 噢不是"小米盒"~我家人在收費電視台做既,因員工福利,所以可在家免費load節目...

      如果係睇開波的fans,呢樣福利真係發達囉^_^||

      刪除
    6. 哇, 呢樣野係著數! 原來在收費電視台做, 是有此福利的.

      刪除
    7. 呵呵都係的~之前我家人話考慮轉政府工時,我都狂遊說佢,叫佢唔好離開電視台=P

      刪除
  3. 回本文主題, 其實, 即使有財務自由, 我也想像不到我會唔工作, 日日飲茶睇新聞過日子.. 但有了財務自由, 應該會嘗試去完成自己的dream. 這個dream, 應該會努力在人生的下半場花數十年去完成, 所以先希望在人生上半場利用投資打好財政基礎先.

    回覆刪除
    回覆
    1. 我覺得在財務自由後,能做自己喜歡的事業及達成夢想,都是有意義的人生。我文中提及的"one more year",是指那些唔知自己想掂、不能坐言起行的人呢。

      男士的黃金時期可以很長,你本來諗的人生下半場,可能只是中場而已=)

      刪除
  4. 哈哈,身邊有呢種人,有的話打算賣左層樓移居泰國,有的話要隱居台灣二線城市退休,講左咁耐,個個都仲返緊工。

    回覆刪除
    回覆
    1. 呵呵池兄見多識廣,你見過呢類"偽財務自由追求者"的次數,肯定多不勝數啦=)

      台灣、泰國是不少港人心水的"移民勝地",但講到佢地當中幾多人有心融入當地社會,答案就見仁見智了!

      刪除
  5. 有第一次就會有第二次,有第二次就會有第三次,如此類推

    回覆刪除
    回覆
    1. 塘人兄所言甚是!呢類不願意踏出status quo的人,一世都會重覆自己實際上不喜歡的生活。

      刪除
  6. 我想我也會有這種病,但原因是財務自由與否是基於假設,你假設你現有的資產及資產管理的能力足以應付餘生的生活。但任何假設也是有誤差的,因此再營營役役多一兩年,safety margin更高才正式開展人生第二旅途,未必不是上策。

    回覆刪除
    回覆
    1. 謝謝R兄的回覆!為了預高safety margin而延長工作期,也是穩陣之舉,所以我也覺得營營役役多一兩年,是没分對錯的。

      怕就怕哋冇乜意志力的人,成日話想退休移民,點知最後仍是選擇在原地工作至65歲。花了大輩子去追求一個冇决心實現的夢想,就比較諷刺了~

      刪除
    2. 如果有能力移民者在原地工作至65歲, 真是一大悲劇。

      即使不移民, 提早退休也有助於跳出香港荒謬的受僱環境, 提升自己存活的意義啊!

      刪除
    3. 同意R兄所言,除非本身對工作好有熱誠、喜歡貢獻社群,否則在被人狂猝的環境做到65歲,真係人到癲!

      但移民的地方,不少港人都有哋白鴿眼,如歐美澳較"高尚",而亞洲國家則比較...~

      刪除
  7. I think you should concentrate on ur own portfolio,there's no need to bother with other people's NAV

    回覆刪除
    回覆
    1. 謝謝Keith的留言!放心我會專注番喺個人的財富增值上。當然,其他bloggers的好分享,我也會多參考學習的=)

      刪除
  8. It's alright ~ just sounds like u are a bit jealous of the blogger's one-million-pound net worth;)

    回覆刪除
    回覆
    1. 吓,1mil英鎊的淨身家都好妒忌?我們本地blog界好多人的志向都遠大過佢喎..

      而且英國脱歐在即,pound跌至85年以來的歷史低位,我估此blogger現時的NAV,應最少縮左一成~

      刪除
    2. if his NAV doesn't include his UK residence, then he may use his property to hedge against the loss of his cash/stock portfolio.

      刪除
    3. 請問是Keith兄嗎~?你不小心按了"匿名"制?

      身家淨值,是否應包括自住物業,是較具爭議性的topic。但我翻查此位blogger的文章,他應是樓市淡友,多年一直在倫敦租樓住。所以他計的NAV,是沒有任何物業的。

      刪除
    4. 另Brexit及pound貶值,應對他現時的portfolio總值有影響。

      如UK脱歐後的發展不順,也難保他在歐洲其他國内退休生活時,有機會遇上其他Europeans較不友善的對待,這不得不防呢!

      刪除
  9. 其實拖延症咪又即係無限補時囉! 人總要搵藉口俾自己。

    回覆刪除
    回覆
    1. 呵呵魔術師兄説得對~唔知用pxxxxxxxe睇video load得有問題時,又可否"無限補時"睇番夠本呢? XDD

      Btw, 大師新一篇講消防,惹來大堆匿名批評~究竟咩事?

      刪除
    2. //大師新一篇講消防

      係偶像博客...

      俾人話佢外行人扮行內人囉, 叫佢講返投資好過...不過佢在投資界好似都唔係「行內人」吧?

      刪除
    3. 作者已經移除這則留言。

      刪除
    4. 下?什麼狀況?救火的水也要抽?

      刪除
    5. 呵呵我成日混淆"偶像博客"和"價值大師"~反正都是要加引號的=)

      "扮行内人"...不如來過mash up吧,下次講下"financial engineering",夠哂多元化!

      刪除
    6. "救火的水也要抽?"
      留言的相信有消防員、警察及他們的家屬。其實寫得呢篇文,就係俾機會他們去匿名留言,藉此發泄一肚怨氣!

      刪除
    7. //下?什麼狀況?救火的水也要抽?

      咪就係偶像博客話自己做開工程,同消防打過唔少交道,話消防審批嚴謹,佢接觸嘅都係好官。都是佢一貫的正能量風格。

      刪除
    8. 難怪有人留言問這個是否維穩post啦..仲話有好多傳媒想轉載佢篇文~其實哋記者想用佢文章搞gimmick、引起noise而已,唔通因為篇文"真理愈辯愈明"咩?

      刪除
    9. 最硬膠的就係佢不停機械式copy and paste 「留言時不妨留個名字,方便交流。」.
      人地唔留名,即係無意同佢長期交流.佢覆就覆,唔覆就唔覆,依家全部都係和稀泥,完全睇唔到佢人性化的一面,反而更顯得佢只係將自己個blog當成係sales portal咁.

      刪除
    10. 呵呵今晚我和醉心兄、太子兄搞咗個"非牟利的board game飯局"。傾計時,我們也有討論過留言機制與大師的sales portal, 可惜内容太18+禁,唔出得街XDD

      亦因此,整個飯局都是"零得着、零收獲、零學習"呢=)

      刪除
  10. 小別勝新婚,久別會身痕。(我老作)。有啲人退咗休,同忙碌分隔太耐真係會周身唔聚財。要定期re balance吓。

    回覆刪除
    回覆
    1. 呵呵Michael兄的金句,似Apply落感情到多哋喎!

      同意人生的rebalancing也很重要。過度工作或過度休息,都是浪費時間的舉動!生活的範疇平衡得好,嗰人自然老得冇咁快=)

      刪除
  11. 人總是害怕改變,
    怕轉變帶來的不穩定性,
    以及生活的改變 要心態上適應

    回覆刪除
    回覆
    1. 謝謝Scott兄的留言!很多人成日把口講話要點change,但時機來的時候,又裹足不前唔敢把握。不懂適應危險,本身便最危險呢!

      刪除
  12. 留唔留低,主要睇下自己鍾唔鍾意份工,公司入面多唔多朋友,有冇工作目標未達成。

    回覆刪除
    回覆
    1. 同意森而兄所言!但你的雙龍閃玩得咁勁,實好玩過原本的工作呢=)

      如果早日財務自由,便可更多選擇,陪下家庭小孩又可,轉下工作行業也可~大家都努力加油呢!

      刪除
  13. 本人簡直病情嚴重!尤其讀書與轉工方面,要真的自行反思才得。

    回覆刪除
    回覆
    1. 吓Zero 2best兄言之甚重!你先relax下吧,不要給自己過多壓力。

      但我印象中,你的小孩學業頗為繁重。所以,你和家人都多平衡下,生活其他的範疇也很重要的。祝好運=)

      刪除
    2. Cherry 小妺,多謝祝福!

      的確,香港小朋友填鴨式教育係頭痛問題。以前自己小時候都無壓力,又是這樣過來了 。

      反而因為自己又要準備考專業試,自己讀書緊要dd-)

      刪除
    3. zero2best兄加油呢!不論學業還是工作,香港地都係要求當事人一直考試考牌的。有時給人的壓力真的頗大,但我們盡了全力便可,畢竟不可能取悦全世界呢。

      祝福你及小孩都前程似錦,努力有好回報=)

      刪除
  14. 財務自由是一個很好的狀態,可讓人去做一些對自己來說更有「意義的工作」

    回覆刪除
    回覆
    1. 謝謝Michael兄的留言!同意財政獨立,人格才能獨立。有時間、金錢上的自由,生活固然更多選擇=) 我們大家共勉之呢!

      刪除
  15. 哈哈, 我都怕我一年又一年....點知繼續炒旦.

    照計, CHERRY 你自由都要慢慢來, 不能一下了推哂所有學生唔理吧.

    回覆刪除
    回覆
    1. 哈哈謝70後兄留言!你做緊既炒旦,相信好多港人想做一世,唔捨得退休XDD

      放心我都喜歡現時的工作,生活亦無特別壓力。好的家庭,我會keep住合作;而較過份的,我也不會tolerate的。

      刪除
    2. 呵呵點同呢,你有囝囡呢兩個甜蜜的負擔嘛,所以不能話quit就quit吧~

      我喺FB睇到iMoney講一對夫婦(Cass & Warren)齊齊辭職湊仔,我都忍唔住留言回應:

      "就算他們做全職父母,也不宜離開職場太耐~

      小朋友見唔到父母為前途拼搏、努力,對他們長大後的工作ethnics會有影響(可能做咗哋一畢業就想立即"偽財務自由"的人...)"

      刪除