2016年12月28日 星期三

(惡搞)Hit rate股價圖

自從Keith兄在前文表明關心我的hit rate後, 小妹都忍唔住cap了些瀏覽量的圖表, 向大家自嘲一番:

自2015年10月上市以來, 本人的“股價”有幸節節上升(過一陣子)。但今年年中後, 價格便逐步滑落, 可謂後繼不勁。然而, 從十一月尾開始, hit rate看似重拾升軌。我也妄想本blog的走勢, 可追得上近日的美股牛市, 在2017年初做番一次春江鴨:)


以“股價分析”的角度看, 小妹的blog在每個月均有穩定的上落, 應與出文的頻度有關。所以大家不妨“月供股票”一下, 間中click入呢度, 説不定會有新發現呢。


開blog一年多、文章寫近100篇, 但hit rate始終炒不上去, 也是事出有因。我的網誌名有“自由工作者”及“財務自由”兩個詞, 但就與文章的取材冇乜關係。(有時連文章的題目, 也與内文冇特別關聯的) 

文筆太雜, 也令此blog的hit rate越來越偏遠。大家不難發現, 我感興趣的投資範疇較為小眾, 未必符合港人的口味。但我寧願少些hit rate, 但寫作中有真正的收穫。“神奇的複息效應”、“如何在消費與儲蓄之間選擇”、“精選高息股”等......都是我以後不會再寫的大路題目。

近期閲讀吳瑞麟先生的《美股隊長手冊》,有不少的啟發及得著。我stockcharts.com的各項指標(eg. SCTR line, Relative Rotation Graph等), 更是趣味盎然。這個網站有10天的免費試用期, 待工作的peak season過去後, 我會親自開户體驗。有用的資訊及圖表, 稍後也會在此分享。

只不過, 每次放折線圖都冇好結果。在可預期的將來, 此blog的“股價”很可能會跌破10天線、50天線及200天線, 被市場的指標(即blog友們)大幅拋離呢。

我對hit rate没特別期望, 反正已有批高質的留言及讀者, 我又夫復何求呢? 其實, 只要唔好“跌破發行價”(即初開blog時的瀏覽量), 我就收貨㗎啦XD 

Blog友們的hit rate圖有何趣怪的地方?不妨在此留言分享:) 當然, 對“hit rate股價圖”感興趣的網友, 不妨親自開個博客摸索一下吧!

36 則留言:

  1. 回覆
    1. 不厲害呢~池兄咁多波馬fans,我估你的blog早已有過百萬瀏覽量XD

      其實,hit rate並不算是特別的指標。市面上也有專谷hit rate的IT program。但當然,我相信本地冇財務blogger,係用緊呢類程式的。

      刪除
  2. 我出文比你固定少少, 無左個圓底.
    估計出文越密, 條線越少波幅.

    回覆刪除
    回覆
    1. 70兄分析有理~好似你咁勤力寫文的,hit rate也會高哋和穩定哋。

      今次呢個post純粹搞笑。在寫下篇文前,我會移除番個hit rate數據。

      刪除
  3. 我幫襯你blog好耐了⋯幾時派息?~_~

    回覆刪除
    回覆
    1. Sorry阿Sue~雖則我呢度唔係“高增長股”,但都冇乜息派...妳幫襯咗隻老千股啦/_\

      刪除
  4. 回覆
    1. 哈哈呢度嘅高質素留言(包括你的)~就當係派息吧,希望Steven兄收貨😂

      刪除
  5. Is this post a tribute to me? I am much flattered=)

    回覆刪除
    回覆
    1. Haha welcome Keith兄~多謝你一直以來的支持,訓練了我的英文和EQ呀😅

      刪除
  6. 而家我都懶hit rate ,總之有夠錢俾我捐出來就算

    回覆刪除
    回覆
    1. 塘人兄剛升職、公務繁忙,捐款的事就隨心吧,最緊要休息多哋!

      刪除
  7. 回覆
    1. 醉心兄~可惜我冇料做莊家,唯有等下博賣殼吧😂

      刪除
    2. 哈,Blog界都有莊家之分,有趣

      刪除
    3. 哈哈Michael兄,身為一名蟀仔,我唔駛比大户食已偷笑了😇

      刪除
  8. 呢個blog想變倍升股? 話咁易, 只要cherry貼多d生活靚相便可以

    回覆刪除
    回覆
    1. 哈哈Joseph兄,你成日叫大家upload多哋靚相,但你自己就冇以身作則(post身邊美女相),好似爭咗D説服力呢😅

      刪除
    2. 好等賢兄及其他blog友試下露老鼠仔/6 packs,睇下hit rate升幾多先😂😂

      刪除
  9. 如果純粹為hit rate而寫,就不如索性寫股市預測,甚至轉寫其他更熱門的題材

    寫Blog都是為興趣吧

    BTW,我的hit rate真的完全及唔上Cherry姐

    回覆刪除
    回覆
    1. Mike兄所言甚是!如想多些hit rate,最簡
      單是加插新聞熱門字眼、或為網友做冧把的基本及技術分析。但我估大部分的blog友,都不會對此做法感興趣。

      Hit rate只是眾多指標中的一小項,最緊要還是文章能助己助人。你最近post的保險資訊,都幫咗唔少家庭呢~

      刪除
    2. 那些熱門字眼和股票短線走勢分析都只有很短的時間性,好快便不值一看

      刪除
    3. 我那些只是個人經驗分享,早月兄那些才是堅料

      刪除
    4. “好快便不值一看”

      Exactly!就算用呢哋資訊為誘餌,頂多也只能吸引一班比較“現實”的支持者。金融風暴降臨、或blog主的portfolio貶值時,大部分的“支持者”就會消失得無影無蹤。

      刪除
    5. “我那些只是個人經驗分享,早月兄那些才是堅料”

      我覺得各有各style吧~有人喜歡看鉅細靡遺的資訊; 亦有人只需筆者提供outlines,之後便靠自己發掘多哋。各有所好呢:)

      刪除
  10. Cherry 勁! 愈多人寫blog, 愈多人認識理財, 愈多人得益 是好事呀^^

    回覆刪除
    回覆
    1. 80後兄太過奬了~我的blog只提供到娛樂。要學理財的網友,應該去你哋嘅blog度偷師!

      刪除
  11. Stockcharts.com是只含美股的技術分析?

    回覆刪除
    回覆
    1. 我對這個網頁不是太熟悉,但它應以圖表分析為主。如你想找個股的基本因素,去番morningstar.com會更合適。

      即使係技術派,stockcharts.com的指標工具亦略嫌奄尖, advanced版每月更收費約200港元。其實較常用嘅工具(eg.RSI,移動平均線)等,aastocks.com中亦已包含各種美國指數、普通股及優先股的技術分析。所以,我們不一定要用海外網站的。

      刪除
  12. 回覆
    1. 賢兄~呢哋又唔係真既股價,最緊要自己現實中的portfolio有錢賺便ok了:)

      刪除
  13. 回覆
    1. 謝謝自由夢兄,祝你的2017更豐盛:)

      刪除
  14. 寫blog係寫自己想寫,大路嘢留返比專家或財演,祝新年快樂!

    回覆刪除
    回覆
    1. 謝謝森而兄的鼓勵!這一年寫blog,向大家學咗好多好嘢。同意喺blog度係自己想寫乜就寫乜,畢竟没有偶像包袱嘛XD

      我也祝你更上一層樓、家庭健康快樂!

      刪除