2017年7月31日 星期一

Gotham 2: 財務大師之Homecoming



場内漆黑一片, 各交易員的電腦上,浮現了這串字......

「你哋想無事出返去, 就要答啱三條問題。」


(謎語1) SuperMaster最喜歡的是:
a) 投資
b) 賺錢
c) 開班

大家回答後, 場内有三分之一的電腦死機。

(謎語2) 大師有什麼售後服務:
a) 網上互動問冧把服務
b) 10小時私人諮詢服務
c) 二上兩者皆是

場内另外三分之一的電腦, 也死了機。

(謎語3) 大師最憎别人批評他的:
a) 無限補時論
b) 愈跌愈買論
c) 價值回歸論

場内剩底嘅三分之一電腦, 都死埋機。Riddler向Joker偷笑道: 「最尾嗰題, 要同時 press A, B, C㗎。 」

一班罪犯開心到笑不攏嘴, 趁依家交易所大亂時, Penguin市長拎出份“澄清報告”, 想發俾全球各地交易所, 送Gotham一程。

「本市長注意到一班財務罪犯, 於xxxx年x月x日, 關於入侵Gotham交易所財務表現和公司企業管冶的行為。

本市長正就此事徵求法律意見, 並保留對罪犯採取法律行動之罐利。

本市長亦確認, 並不知悉任何必須公佈以避免Gotham證券出現虛假市場情侶的資料。

建議各股來及潛在投資者, 在Gotham交易所買賣時予以警惕。 

在按“send”掣之際, 一隻蝙蝠鏢飛插向Penguin的手掌中間。“Ouch!!!” 他尖叫, “But why?”
-----------------------------------------------------------
(追溯至數天前)

退役後的SuperMaster, 喺學校教緊(好悶嘅)財自課程。有一次上故事堂, 大師在圖書館找了很久, 但架上只有“教條派”的書目。走到最尾一欄, 大師見到《Becoming Buffet》與《Becoming Master》兩本書, 便挑了後者。

「同學仔, 我哋今日欣賞下大師嘅育成。」大師入到班房, 以抑揚頓挫的聲音讀起:

「要做一個成功大師, 便要摒棄任何“工資奴隸”的思想。一般的“工資奴隸”, 每天7am便要起床, 隨便吃個早餐出門口, 7:30趕上地鐵列車, 7:45......相反, 成功的大師, 9am施施然起床, 9:15梳洗完畢, 9:20開始吃all-day breakfast, 9:30等開市......」

大師心想: 本書咁鬼長, 幾時先嗡完? 他在掀下一頁前, 順勢用手指夾多兩頁。

「老師, 你skip咗中間嗰兩版喎!」...「求求其其, 唔怪得嚟咗呢度教。」...「連份頽工都打唔好, 仲衰過哋“工資奴隸”, 向校長port佢先。」...同學們的分議聲此起彼落。
-----------------------------------------------------------

「我以前開班收生, 收到間學校上埋市; 依家屈住教班濕九學生, 真係慘情!」

當天下班後, 大師在天台一邊飲酒, 一邊篤佢部Nokia 3360(其實大師好high tech, 用此手機只為防彈)。他向來有用A.I.技術暗地track佢班舊將, 本來事不關己, 都唔想再理佢哋。但今日被學生凌辱一事, 令他萌生回Gotham的念頭。

得知前下屬要搞“大茶飯”, 大師擔心自己返歸後冇肉食, 就決定借力打力。

於是, 大師揾番Batman嗰號碼, 將他下屬的個人資料、所在地及行動代號, 全部發送出去。在發出匿名SMS前, 大師不忘加多句: “Send from my iphone”
-----------------------------------------------------------
(返回Gotham交易所現場)

當大師見到Batman同舊下屬混戰時, 便偷偷混進會場, hack入交易所的核心系統, 盗取各項企業資訊、及股票期權產品的數據。

Joker認出大師, 不禁大叫: 「SuperMaster, 你快哋救我, 我唔想返去Arkham坐監啊!」

大師聳聳肩, 抛了一句: 「你哋只係我以前的僱傭兵, 身為“工資奴隸”, 有乜資格叫我救你呢?」
-----------------------------------------------------------

SuperMaster走佬時, 在直升機播番一首佢既飲歌:《你開班嗎》
(改編自陳冠希的《你快樂嗎》)

“明天教甚麼 如果你去學 聆聽我貼士也不錯
你也未曾遇過 永遠未停下來的我 要嘅學生不算多

明天上甚麼 怎麼開班不可 其實我收錢最清楚
我太大情大性 誰亦覺得還不錯 大概天天戀上我”



PS: 近期多了一些强調“工資奴隸”的漫畫(如下圖), 但人地正經打份工, 又對社會有貢獻, 即使薪水不算太高, 點都好過quit咗正職的“(無牌)開班人士”吧!




44 則留言:

  1. 逆向思考,「開班奴隸」是職場的成功者還是失敗者?

    回覆刪除
    回覆
    1. 哈哈池兄,“開班奴隸”呢個term實在妙👍佢哋話自己創業開校,當然係“職場的成功者”😅

      刪除
  2. 開班有好多玩法的. 勁既玩法係, 講野不需要任何reference, 不用出真名, 不告訴公眾自己曾創過的公司, 或不告訴公眾自己的長線投資回報(唔係只計最近3-4年, 而係由開始投資計).

    由於沒有reference, 只要網上socially多人refer(如, 其他明星blog友不停link去佢個度), 多左人睇, 出左名, 再用此機會出雜誌(註: 現在某一些雜誌原來不用check任何資料/background/reference, 照做訪問就可以出文), 便可以開班了.

    回覆刪除
    回覆
    1. 再高一個level既係, 頭一次開班把收入全數捐出, (當然, 事後必需在blog上share善舉當天的照片).

      第二次開班, 先自己一條友開, (當然, 呢次開始, 是商業性質, 不是善事). 用facebook試下水溫等方法招員都不錯.

      刪除
    2. 純商業去看, 我個人不評論開班這門生意. 但如果有人
      (1) 教錯野. 教歪理
      或(2) 不停講自己咩咩物, 卻完全沒有reference, 連真名都冇

      我就真係有保留. 呢個係ethical standard既問題, 不能用'明買明賣, 開班者沒有違法'便說得過去.

      刪除
    3. 謝謝Joseph兄的詳細分享!

      “一些雜誌原來不用check任何資料/background/reference”

      如雜誌本身都有vested interests,自然會在reference check時輕輕帶過。任何talk/seminar/consulting之類的活動,在牛市時仿如一隻會生金蛋的雞,坊間肯定多人爭住開。

      刪除
    4. “頭一次開班把收入全數捐出....第二次開班, 先自己一條友開”

      咁做得“全職開班人士”,自然有時間諗marketing橋,同探測大眾反應吧。一般有正職兼未退休的人,真係好難搞咁多花臣。

      刪除
    5. “(1) 教錯野. 教歪理; 或(2) 不停講自己咩咩物”

      所以我贊成有牌人士,先至好開班。正常有integrity的人,也不用靠吹水來維生吧~

      我個人就鍾意用tool books,貴哋/要特登訂,
      都冇所謂,最緊要唔好學壞師。

      刪除
    6. //所以我贊成有牌人士,先至好開班。

      其實要領有證監牌, 除了有關證券考試要合格之外, 仲要有持牌機構(例如銀行,證券行等)幫你掛牌才可以真正「有牌」;所以呢, 要「全職開班」但又唔俾僱主知道,實在是不容易的事.

      刪除
    7. 多謝魔兄的分享,長知識了👍

      其實我對「全職開班人士」,又唔係個個都反感。有些算是正面分享,起碼唔會教壞人。但要靠踩低其他行業、來抬高自己的,就低莊咗哋。

      刪除
  3. 為五斗米折腰的工資奴是馬屎撈的最低層,可憐卻值得同情;以公司賦予的identity來也文也武self-actualise的工資奴,雖然身處馬屎撈最高層,但卻是最可惡。

    回覆刪除
    回覆
    1. “開班奴隸”一出世已達“self actualisation”的level,因他們狂開班,是為了普渡眾生。

      佢哋教學生是出於崇高理想,我們不應成日用“錢“衡量他們啦XD

      刪除
  4. 咁當然要矮化打工仔做工資奴隸先可以激發佢地革命做財自皇帝,唔係點吸佢地去上創業班呢?

    回覆刪除
    回覆
    1. Wanderer弟正解👍但近期咁多人開“創業/財自班”,大師要賺夠錢去真•退休,也不容易呢!

      刪除
  5. 大師連自己首theme song都只係二次創作,矛誠意呢xdd

    回覆刪除
    回覆
    1. 哈Sammy,大師唔識freestyle嘛XD 我幫佢改埋成首歌又點話:

      “你十七歲 玩股晚睡 每日要抽下巴老水
      你未與他出雙入對 這麼說對不對
      談股票 從來都計較代價 但你和懶人會覺得很快樂嗎
      習慣在背後問他 完全為了 深夜有冧把攞回家

      *明天教甚麼 如果你去學 聆聽我貼士也不錯
      你也未曾遇過 永遠未停下來的我 要嘅學生不算多

      明天上甚麼 怎麼開班不可 其實我收錢最清楚
      我太大情大性 誰亦覺得還不錯 大概天天戀上我*

      你若信人 太多顧慮 我亦怕給股市連累
      我共你真天生一對 這講法對不對
      談股票 從來都計較代價 但你和懶人會覺得很快樂嗎
      習慣在背後問他 完全為了 深夜炒期指有火花

      Repeat *

      明日開班收生請找我 有空檔請預我”

      刪除
    2. 首歌詞改得好得。
      放去連登即成為創作女神!

      刪除
    3. 謝謝70兄支持,過奬了✨

      我見大師出道多年,都未有自己嘅主題曲,咪作番首俾佢囉XD

      刪除
    4. 首歌好掂,創作女神實至名歸:)

      刪除
    5. 太過奬了Steven弟,下次你作👍

      刪除
  6. 我又二次創作一下^^

    / 學生認出大師, 不禁大叫: 「Master, 你快哋救我, 我唔想依家喺熊市坐貨啊!」/

    大師聳聳肩, 抛了一句: 「你哋只係我以前的㭍學生, 身為“上course奴隸”, 有乜資格叫我救你呢?」

    回覆刪除
    回覆
    1. 哈哈阿Sue,坊間有哋不負責任的導師,收完錢就走人,有難時鬼會理你~

      有哋大師在回應問題時,會强調“至於點解,就唔喺免費文章講解”,由此可見俾錢上course,係幾咁重要的👍

      刪除
  7. "(謎語3) 大師最憎别人批評他的:
    a) 無限補時論
    b) 愈跌愈買論
    c) 價值回歸論

    場内剩底嘅三分之一電腦, 都死埋機。Riddler向Joker偷笑道: 「最尾嗰題, 要同時 press A, B, C㗎。 」"

    呢樣好多有正牌嘅基金經理都係咁,人性唻架XD,總之就係打都唔肯止蝕然後搬一大堆價值投資理論出唻。

    呢種人輸錢真係天經地義

    回覆刪除
    回覆
    1. 哈哈,Derek兄職場中應遇上不少呢類偽•基金經理😅

      但他們的fund scale基數大,大手放售時會較易壓低市場價格;而且portfolio内又不能持太多現金,所以manage上來,係冇散戶咁大靈活性。

      刪除
    2. Soros咁大都止到蝕,邊關事丫

      刪除
    3. Soros執行力强啫~但對一般基金經理來説,叫客户趁跌價買入溝淡,肯定易過叫客户stop loss。(前者仲分分鐘有commissions收)

      刪除
  8. Cherry姐既虛構故事就快可以出本書, 哈哈

    回覆刪除
    回覆
    1. 哈哈醉心兄,我呢哋爛gag文用作自娛就算吧~

      刪除
  9. 巴菲特應該都無牌,不過佢真係好成功,身家已反映

    回覆刪除
    回覆
    1. 但巴菲特並無開班,而且佢有自己的企業公司; 就連我欣賞的其他investors(eg.William O`Neil,Mark Minervini),他們都有持牌的投資資訊服務,是對經濟有貢獻的,而非冒牌收生。

      其實我好少理人家開班的事,但為了收生而踩低其他行業的辛勞人員,個人覺得很低莊而已。

      刪除
    2. 同意,一般有料之士好少會出來開班教投資,自己顧返自己D投資仲好,除非好叻又好有興趣,最怕無料之士出來靠收生來幫佢地達到財自

      刪除
    3. Michael兄正解👍有些人以“財自”及“脱離工資行業”做招徠,但課程内容卻無嚴規審核過。

      非持牌性質的課程,現時竟也可教授derivatives/leveraging,這對市民不是好事。如真的有興趣,市民不妨選擇一通、耀才的talk吧,既便宜又有監管。

      刪除
  10. 回覆
    1. 賢兄過奬了,祝新屋住得愉快👍

      刪除
  11. 對大師開班與否沒有意見, 不想浪費我時間。

    回覆刪除
    回覆
    1. 如覺此topic浪費時間,你可選擇不留言的~

      刪除
    2. 為了作出回應點都要寫小小。我下次會學懂換一個方式表達,anyway, many thanks to your sharing。

      刪除
    3. 對的狗股兄,有時文字溝通也會帶來誤會。但大家都是以blog會友,偶有摩擦火花亦不出奇,我們繼續互相學習及交流吧👍

      刪除
  12. cherry,rbs prf是否快贖回,妳會點做呢?

    回覆刪除
    回覆
    1. Yes Sammy,根據IB msg最新通知,它會在
      4 Sep 2017以每股25元贖回,末期息0.377778。

      我第一次是上年在輝立買, 其後在IB補貨。暫時我持的rbs.prf及rbs.prh, unrealized P&L仍是正數。

      所以要計下依家放好哋,定係佢9月派多次息放好哋。投資本身就有賺/蝕的可能,優先股又不是無敵,所以只好平常心了。

      刪除
    2. 真怪,我只收到IB訊息提到要招回,但是具體的末期息金額卻沒有。

      刪除
    3. Arvin,IB發的msg,常先後update多於一次。

      如你想參考我收到的最新訊息,可看我新blog文内與網友Sammy Lam 的留言:
      http://cherry1201.blogspot.hk/2017/08/spdr-etf.html?m=1

      刪除
    4. 美女Cherry姐,妳文章我都有拜讀了,IB給我的訊息只能用簡陋到不行,跟妳的豪華回覆差距太大了,我決定要去抗議了。

      刪除
    5. Arvin兄見笑了😅可能我多選non-peak hours打去IB,officer才得閒詳細回复。當然,我Inbox内都有send番thank you msg俾佢。

      此名“豪華回覆者”的IB Officer,在msg中有留佢全名。你想要我可以俾你,等你下次專誠揾佢XD


      刪除