2018年5月7日 星期一

邊隻Commodity ETF唔搵笨?

講開資産配置,商品也是其中一環。但市場上咁多隻相關產品(Google聲稱有134隻”Top Commodity ETFs”),大部分都係長期蝕價蝕息。

隨意點擊Google的頭幾個ETFs,其向下坡的走勢,也足以令人打退堂鼓:

  
(PDBC)

(DJP)

(GSG)

比起金屬丶油及食品,個人認為水質處理丶木材供應等的ETFs,表現較為穩定。股價不但多年來穩步上揚,而且ETFs囊括了不同的企業,所以不怕個別的資源公司執笠。

我的watch list及持股中,有以下幾隻水/木ETFs:

CUT: “PowerShares MSCI Global Timber ETF”,主要追蹤林木管理及木類産品開發的企業。持股板塊側重於materials。其三大持份公司為:Weyerhaeuser Company,UPM-Kymmene Oyj 及 Amcor Limited。

WOOD: “iShares Global Timber & Forestry ETF”,追蹤全球二十五大林木業公司的表現,價格亦緊貼S&P Global Timber & Forestry Index。其三大持份公司為:Rayonier Inc,Svenska Cellulosa AB  和Weyerhaeuser Company。

FIW: “First Trust Water ETF”,主要追蹤可飲用水丶污水處理等企業的盈利。持股板塊側重於industrials。其三大持份公司為: Ecolab Inc,IDEX Corporation 和 American Water Works Company。

TBLU: “Tortoise Water Fund”,上年才面世的ETF。主要追蹤水質處理丶基建及管理公司的盈利。其三大持份公司為:American Water Works Company,Aqua America Inc 與 AO Smith Corporation。


Expense Ratio (Net)
Dividend Yield
CUT
0.57%
1.51%
WOOD
0.48%
1.06%
FIW
0.56%
0.68%
TBLU
0.4%
0.9%
(*註:因各網站的數據有差異,謹以yahoo.com為準)

單睇派息,真係好唔吸引,仲未計扣埋30% withholding tax。但水及木資源,是任何一個經濟體的基本元素。不論牛熊市中,政府的基建及人民的生活,也需依賴這些天然資源。

即使不算完全recession-proof,在逆市時吸納水或木材的相關ETFs,也可寄望它們在經濟復甦時受惠,並緊隨通脹走勢。而在近月的動盪市中,上述四股(除了Tblu)也能企穩10天SMA與50天SMA之間,算是beta值較細丶較不受大市影響的”defensive stocks”。

既然哈佛丶耶魯的endowment funds,也包含timber等天然資源。那麼我們的portfolio內,何不加上水丶木概念的資源股?大家又有甚麼看法呢?不妨留言分享一下:)

41 則留言:

  1. FIW入左,不過都係小小地, 想個組合多元D

    CUT WOOD TBLU都冇

    回覆刪除
    回覆
    1. 謝謝你的分享!我就暫時未入過WOOD。

      令組合更多元化,絕對是這類資源股的好處。

      刪除
  2. 回覆
    1. 不客氣呢Mike兄,有資訊大家多交流:)

      刪除
  3. 回覆
    1. Yes 70兄,正如你short call Netflix一樣😆

      刪除
  4. Commodity 個人觀感係工業用家大戶都未必知原料價格走勢,行外人比較難捉摸,尤其金屬同油,似賭場多過投資地。最近話內地蒜價暴跌,"蒜你狠"被清算了,一笑。
    水質處理公司似公用股多於commodity,同木材供應似傳統commodity,但真要浸落去研究才知特性。小小地無妨,大大注就真係要做足功課。

    回覆刪除
    回覆
    1. 謝謝三人行兄的詳細補充!我用英文搜尋”commodities, water, wood”等字眼,是有結果。但我認同你的觀點:水質管理是較接近utilities/industrials。

      小注無妨,重注就要認真了解下行業前景先!

      刪除
    2. 小弟不學無術,不似師姐有詳盡分析研究。亂噏一通,請多多包涵。

      刪除
    3. 我才是不學無術丶求其寫文呢🤡

      你的blog文好詳盡,我應向你多學習👍👍

      刪除
    4. 師姐文章寫得仔細,對不同投資物的特性有充份了解及研究。相反,小弟只是對貨幣及磚頭兩項比較有興趣,但也是半筒水,唔識扮識的寫了幾篇文。
      但對貨幣濫發了解越深,反而越發謙卑。小弟感概我們大部份在這一浪財務上有所長進的,很可能僅僅是在貨幣濫發潮中站對了邊。用了甚麼投資物反倒是其次。相反,站錯邊的代價比任何年代都要大。謙卑、認錯、及時轉軚是我在這浪中最大的得著。
      2018年我開始在學習磚頭以外能提供穩定現金流的投資物,發現這裡有很多不同派別的高手。正在以極謙卑的態度努力學習及抄功課中。請多多指教。

      刪除
    5. 同意出生的年代丶年輕時的財務決定等,可以對一個香港青年有深遠的影響。資產階級間的斷層愈來愈深。而向上流動所用的腦力,絕對比勞力更重要。

      “小弟只是對貨幣及磚頭兩項比較有興趣”
      咁就啱,我呢兩方面完全是門外漢,應請教你專業知識。因一些客觀原因,我正考慮換樓。但現時住宅在低位入貨丶卻太多非實用面積,如換樓的話,分分鐘供款多了,卻「大屋」變「細屋」,真令人掙扎:(

      刪除
    6. 師姐問得,小弟一定傾力答。但說實,小弟可能只係港樓買多你一兩次,賣樓同換樓都係未試過的。客氣話不多說,獻醜就是了^^
      換樓在現在辣招同高首期時代係有點複雜。因為賣樓比較容易,除非係好偏僻,一放個市價盤好易走貨。買就可能連條匙盤都難搵。最怕係賣左入唔切,之後樓價繼續衝,要追返上車可以要俾多好多錢。
      所以建議師姐先要攪清辣招稅,按揭條例,同做好資金預算,再去睇定目標屋苑同戶型。如果可以,當然係同步放盤搵盤,先買後即賣。如果首期就係自住樓裡,睇下可唔可以唔賣,而透過加按㩒舊錢出來都夠數買。但真係先買後賣都好,如果唔係想增持,就最好買完快快手就走貨了。萬一無心增持,但“一開二”後,即見到隻黑天鵝,咁就有點危了。同時要留意,目前按揭條例,有按揭晌身要再申請按揭,首期要加一成。
      上述係好粗疏的分析,如果要深入傾,晌敝blog底底某個位應該可以收電郵。小弟真係連blog的運作都未操熟。。。

      刪除
    7. 仲有上述係假設你有直系親屬幫手先可以免辣稅。比如自住樓係自己單名,老公或長老去買完,然後自己先放走自住樓。如果單拖打仗,就焗住先賣後買,否則要先墊15%辣招,資金要求會好高。

      刪除
    8. 非常感激三人行兄的詳盡分析!能同時買賣當然最好。但如有需要先賣後買,我們也可暫住親人在黃埔的家,能付出少許等候成本的。

      惟我家人對單位大細要求較高。如夾硬搵和現時flat size相若的單位,便可能要搬去較偏遠的住宅區,佢又未必願意...所以說,我們分分鐘連睇樓呢關都未必過到😓😓

      我和家人商量多些和睇多啲樓先。如有疑問,希望你不介意我再電郵詢問你。再次感謝你的幫忙!

      P.S.: 另想知道你對啟德有何看法?有些人憧憬幾年後接駁港鐵,那麼現時價格便算「低水」。你對此區的發展,又是否看好呢?

      刪除
    9. 師姐,歡迎隨時發電郵給我吧。

      自住樓就各花入各眼,老婆大人話有時係樓擇人,不是人擇樓,尤其係匙盤得三幾條的今天。你都係預定幾個心水屋苑,並要預備好多好多腳骨力才能找到筍野。今時今日二手大單位呎價係低過細單位好多,因為lump sum 大,首期要求高,如果師姐夠首期,可以去二手尋下寶。一手就真係唔好去了。

      啟德,我只識1號2號,中原網站見大單位都23000蚊呎。小弟絕對買唔起。咁既呎價,黃埔平均都係16000,奧運站20000附近似乎好多選擇,在九龍站柯士甸,睇成交也似乎有人用23000撈到。啟德係咪真係好過奧運,直逼九龍站。暫時似乎只係呎價上見到,配套嘛。。。或者,師姐睇完話我知。

      啟德1, 2咁既價位小弟絕對絕對係買唔起。小弟當年撈貨也只係去土瓜灣同沙田。所以觀點未必適用。

      刪除
    10. 謝謝三人行兄的寶石良言!含金量高,我都要慢慢消化下先👍👍

      一手樓溢價較高,所以我真係唔敢諗。同意相對低水的二手單位,要預咗行耐哋先搵到。而我們現時住宅的按揭為H+0.7%,相信第二次置業應較難做到...

      我幾年前去啟德參加過飲宴,印象中交通丶民生配套都較弱,哋街靜到一個點...希望現時有改善啦!

      我今個暑假應較多時間睇樓,到時配套/價格上有疑問,很可能要發電郵再麻煩你了。真係無言感激🙏

      刪除
    11. 師姐有財商,有財力,若果加埋腳骨力,就實掂喇。預祝換樓成功!

      刪除
    12. 我冇實力的...你實在太過獎了!再次感謝三人行兄的建議及祝福。也祝你繼續投資成功👍

      刪除
    13. 依家H息都1.2-1.3%, 加埋0.7% 和依家CAP位2.15%差唔多

      幾年前有同事又係有依個絕世好PLAN 唸換唔換樓, 佢最後唔受依個束縛細換大, 過左幾年好似發左又想換

      刪除
    14. 樓上師兄都不無道理。除了利息走勢令神plan優勢漸減,齋比較神plan不加按,同普通plan加按賺回贈也難講神plan好著數。
      而且師姐你份投資回報數倍於銀行按揭利率,所以也未必太需要執著要跟神plan過世。

      刪除
    15. 感謝Ed兄及三人行兄的建議!如為了慳少許利息,而錯過換樓的良機,個人實在認為很不值。

      如遇上心儀新單位丶又有人對自己住宅offer好價的話,換樓對家庭財富流絕對有好的幫助👍

      刪除
  5. 回覆
    1. 不客氣阿Sue~每月調配portfolio時,如唔知揀乜好,我會優先考慮呢幾隻。

      刪除
  6. 「但水及木資源,是任何一個經濟體的基本元素。不論牛熊市中,政府的基建及人民的生活,也需依賴這些天然資源。」理論上農林水產資源跟股票的 Beta 應該是零,未知 Cherry 有否做過類似分析去證實?

    回覆刪除
    回覆
    1. 福祿兄你好!因上述某些水/木ETFs, 已逾十年歴史,在經歷08年金融危機時,也是跌到一仆一碌。所以話它們的beta值是零,又好像太誇張,始終股價會受牛熊市的影響。但當然,比起個別金融股,呢類資源ETFs的resilience是較有保證的~

      刪除
  7. 我buy呢個post, 水資源真係好值得投資. 應該是說跟水有關的生意值得留意, 如水利工程, 過濾海水工廠生意等等. 相信無論科技如何進步, 水的重要性都不可能減低. 找個股當然有難度, 最穩的方法是買etf. 由於是小倉位投資, 不用太心急, 等待大市下一個大調整才買貨了.

    回覆刪除
    回覆
    1. 謝謝Joseph兄的詳細補充!淨水的重要性,對任何時代丶任何經濟體來說,都是不可或缺的👍

      呢類ETFs的性質簡單易明,如身邊有初投資的人想買美股,我絕對會推薦呢類。

      刪除
  8. http://www.hsbc.com/-/media/hsbc-com/investorrelationsassets/stockexchangeannouncements/2018/may/sea-180504-e-rns-redemption-notice-8-00-percent-capital-securities-hk-final.pdf

    redeem

    回覆刪除
    回覆
    1. Yes I know that, thx for your info 👌

      刪除
    2. Other preferred likely to get redeemed too?

      刪除
    3. Yes probably. The foreign banks’ capital reserves are generally higher than several years ago, so they should have less incentive to issue high-dividend preferred shares for raising funds.

      刪除
  9. 美市做好,Cherry妳講呢幾隻水木etf,都升貴咗好難入了^^||

    回覆刪除
    回覆
    1. 哈哈Sammy,侵侵就黎外訪見金仔,到時大市動盪,就有好位入股啦😂

      刪除
  10. 多謝分享,值得留意!
    似乎水/木ETF接近公用股多啲,但息率太少,如果加上SP/SC在波幅範圍內玩,應該可大大增加回報。

    回覆刪除
    回覆
    1. 謝謝風兄的留言!同意它們的公用成份較重。呢類ETFs長遠實升又追到通脹,用哋槓桿肯定能放大利益👍

      刪除
  11. 第一次見有此類ETF, 感謝分享

    回覆刪除
    回覆
    1. 不客氣Ed兄,大家多分享資訊👍

      刪除