2018年9月20日 星期四

在IB內自製現金產品收息

唔知大家的證券戶口內,會否有不少閒置資金?即使是待熊基金,我們也未必(敢)用哂佢。如果想搵個地方停泊資金,兼好似定期咁收下錢,有乜好選擇呢?


最近找到一隻名為MINT(全名: PIMCO Enhanced Short Maturity Active ETF)的産品。按IB資料顯示,其current yield約2%,expense ratio為0.35%。扣除一年30%的withholding tax,仍有一厘多的年息收益。


跟據stockcharts.com的圖表,MINT的價格在多月內緩緩上升。Upward channel好靚,間中也有大成交量。以near cash assets來說,這樣的”財息兼收”,已算是不俗呢!




對於玩開衍生工具丶或主動投資了得的朋友來講,呢類cash equivalents派發的小恩小惠,自然不值一提。但如果是只持正股的散戶,他們在調整市/熊市時,可能想入番哋產品去”穩定軍心”。而且,MINT的交易量以mil為單位,絕非交投疏落的産品。其price spread亦很小,應最適合保守人士或退休長者。


除了MINT外,市面也有其他定息或浮息的cash equivalents(如BSV丶FLRN丶SHY等)。但以價格浮動性、standard deviation及派息率來說,MINT應是較穩陣的選擇。當然,大家可google其同類,貨比三家。


橫竪IB(或其他戶口)內有筆閒錢,自己未來幾年也用唔哂,倒不如入些cash equivalents。自製定期戶口,一有需要便賣走,以套回差不多等值的現金,這也是面對調整市或熊市時的策略呢!

-----------------------------------------------------------


上週颱風肆虐,我去露台外門檢查時,眼鏡不幸被強風吹跌至地,即場爛咗。神奇家人用枝M記飲管同膠紙,修改成咁:




如是者,我便花了約二千元配了副新眼鏡。對一個挨緊調整市的老散嚟講,兩千蚊已可做到很多野了(淚!)。哈哈...嚟緊可以寫番篇<只持兩電一煤的收息老人>,好好串下自己了XDD。

-----------------------------------------------------------


大家會set幾多百分比的身家為閒置資金?你們又會選擇定期或cash equivalents嗎?歡迎留言分享意見:)

25 則留言:

  1. 平時好少黎blogger, 難得係第一個留言呢!

    原來cherry妹都要帶眼鏡, 你其實不用配新眼鏡, 呢幅特制眼鏡都幾有型呢.

    回覆刪除
    回覆
    1. 哈哈Joseph兄~我個blog唔熱鬧的,好易做到第一個留言🤣

      “呢幅特制眼鏡都幾有型呢”
      又好似係喎!某些賴係futuristic嘅名牌眼鏡框,可能都係差唔多樣XD

      刪除
  2. 花姐,打風最重要人安全!眼鏡只是身外物。

    副飲管眼鏡其實十分配合去飲管的環保概念,可以宣掦棄置飲管的出路,甚至去飲管行動後,現存的飲管庫存,可以交由花姐做時尚眼鏡。綠X和平或眼鏡33可以找花姐代言。純粹講笑。。。

    回覆刪除
    回覆
    1. 對啊三人行兄,安全最緊要,錢財身外物呢。

      “綠X和平或眼鏡33可以找花姐代言。純粹講笑”
      哈哈笑死我了!其實KFC也可以搵我的,佢話要減哂所有塑膠,但外賣就仲附送膠匙,應該送埋俾我做新款眼鏡嘛🤣

      刪除
  3. 熱切期待花姐的長篇小說作品。現代人長命120歳呢...

    回覆刪除
    回覆
    1. 哈哈三人兄~中電公司成立都未夠百二年。收息老人要同兩電一媒鬥長命,絕對勝券在握呢XD

      刪除
  4. 現金存放在IB戶頭,現金10000以上的金額,才開始計息(1.42%),但是現金要超過40000,才有1%的利息。

    回覆刪除
    回覆
    1. 謝謝Arvin兄的不吝分享,又再長知識了👍

      “但是現金要超過40000,才有1%的利息。”
      Sounds interesting,我也打算致電IB再諮詢👍

      刪除
  5. Cherry姐,IB給予一萬美元以上的美元閒置資金1.42的利息回報。如果餘額大,不必投資MINT,除非想賺價差。

    回覆刪除
    回覆
    1. 作者已經移除這則留言。

      刪除
    2. 無錯,在IB持有美金似乎更好。

      刪除
    3. 謝謝追風兄的好介紹!真是開眼界呢👍

      1.42%的息率已很不俗,而且又冇産品買賣手續費,絕對適合一眾IB用戶。

      刪除
    4. “IB持有美金似乎更好”

      Yes散戶兄,美元的穩定性,始終優於其他不少貨幣/工具。

      刪除
    5. 多謝風兄, 我都係而家先知原來多過一萬美元有息!
      散戶太習慣俾銀行0息0成本食價了...><

      刪除
    6. 對呢...commercial bank唔扣散戶任何手續/存倉費,已算是功德無量了🤣

      刪除
  6. 最近上落市好難玩,相信好多人也累積了不少聞置或待熊基金,但又唔敢入太多貨,怕愈跌愈有呢=/

    回覆刪除
    回覆
    1. Haha yes Sue~近幾日的恆指走勢,不少人覺得是假升。如分段入貨的話,千萬不要溝得太密,否則資金會很快耗盡。

      刪除
  7. 打風冇事已經好好,平安最重要!

    回覆刪除
    回覆
    1. 你說得很對呢!我教會有些獨居老人,在應付颱風時不慎跌倒或被玻璃弄傷。

      所以安全真的最重要~千祈唔好勉強和風搏鬥。

      刪除
  8. Cherry妹子原來係眼鏡娘黎

    回覆刪除
    回覆
    1. Yes我係資深眼睛娘,做咗廿年啦👩‍🏫

      刪除
  9. 今年持大量兩電一煤的人, 真是笑到瞓唔著呢, 唔睇恒指仲以為日日係牛三:-P

    回覆刪除
    回覆
    1. 其實公用股近幾日已回調咗...但今年不少個股的跌幅,已勁過恒指的下調幅度,所以造就了很多散戶寧願持”兩電一煤”的局面。

      刪除
    2. 不厭其煩地說, 既然有很多idle cash, 又後生, 點解唔大膽多小小呢? 抑或其實cherry師姐有其他好野, 冇用我地share😏

      刪除
    3. 哈哈狗股兄~我連derivatives都冇玩過,就睇得出我幾咁保守啦。

      如恒指下插至二萬五樓下,我便會大幅度哋動用idle cash,等人踩人時入下殘股。

      刪除