2018年10月4日 星期四

Freelance Job app的上市

早前想找freelance designer設計圖片,於是我便用了blog友Joseph兄推薦的app - “Upwork”。不論翻譯丶設計丶電腦程式或寫作等,我們也可尋找相關的人材,不受國家或地域限制。只要有信用卡和交收美元的戶囗,客戶及人材都可隨時登陸此app。




一般以言,”發達國家”的從業員,接freelance jobs的收費會較貴,多以幾十美元一個project(甚至更貴)起跳。但來自東南亞丶東歐和非洲的從業員,就收得平好多。設計平面圖的話,通常十多美元便可搞掂。


無獨有偶,Upwork(ticker: UPWK)在10月3日剛上市,擬籌集九千萬資金。以招股價12至14元來說,股價曾一度漲近八/九成,高見23.49元,惟今日已見回軟。




股評人對Upwork的熱情不大(https://seekingalpha.com/article/4209637),畢竟其獲利能力及盈利增長,暫時未有突破。Upwork主要向有job接的freelancer每次抽佃,而甚少向客戶徵收服務費。像這種匯聚數十萬名客戶及人材的工作轉介平台,市面上也有同類型競爭者,所以Upwork的獨立性頗受質疑。


只是,在香港用家的角度看,如想平少少outsource單件工種俾人做、而自己又唔係要即日收貨的話,Upwork便是其中一個好選擇。現在,我也分享一下自身經歷:

-----------------------------------------------------------


幾個月前,我在Upwork post了一個廣告:「設計卡通平面圖,酬勞25美元。」半天內,便收到數名freelancers的申請:




若沒有合適的人選,你也能自行搜索talents。只要在app內的捜索鍵,輸入工作範疇(如:graphic design),便會彈出大量的人材資料。如有心儀人選,你可主動msg對方。




待檢視freelancers的”Work History & Feedback”後,我就”shortlist”了一名菲律賓的設計員。對首次用Upwork的人來說,其payment transaction是有點混淆的,所以當時我尋求了Joseph兄與Upwork客服的幫助。匯款成功後,freelancer也在一周deadline內完成我的作品。




雖說在Upwork找幫手,價格可以很便宜。但客戶需親自監督整個過程:post job ad.丶看申請人的proposals及portfolios丶篩選合作夥伴丶先付款丶催促初稿丶改N次稿(如有需要)丶finalise作品等。溝通的過程很耗時間,再加上time zone及語言的分別,客戶是要投入一定的心力。


咁辛苦,為咗乜呢?除了慳錢外,咪係可能識到外國朋友囉(我就唔駛啦!)。如你是一個要經常outsource freelance jobs的男士,不妨多留意俄羅斯或烏克蘭的年輕女talents,咁就唔需要俾錢去”火火火”嘅俄妹dating agency了!(大笑)


大家曾試過在網上尋找/接受freelance jobs嗎?你們對這種合作形式又是否信任?不妨留言分享一下:)

23 則留言:

  1. 哈哈,多謝介紹交友app ^_^

    回覆刪除
    回覆
    1. Sammy你太認真啦🤣 交友應用第二哋app,呢個太”慢”了!

      刪除
  2. 呢個apps終於上市了, 其實呢個業務的增長性有限, 我只能用薄利多銷形容, 呢個apps最有用既工種係一些piece rate (以件計人工)既工作, 本錢細既工, 而且不限國籍, 人人可做既工, 如graphic design, logo design, video design或一些翻譯文章工作, 或social media marketing等等,

    事實証明也是如此, 呢個apps上做以上工種既人多到數唔晒, screening後再communication, 也是挺花時間, 不過, 相信cherry都有一個ok的經驗的. 呢類工作在這apps上找人真的很方便.

    如果價碼大既工作, 我相信不會有很多人會用呢個apps的, 因為人似終是傾向人與人直接對話才可增加信任度 (正如online shopping, 相信網上買勞力士的人比網上買casio的人少很多吧.) 而且地域, 語言也有某程度上的限制呢.

    回覆刪除
    回覆
    1. 感謝Joseph兄的詳細分享👍👍 你撰文介紹Upwork的話,肯定比我呢篇簡介好好多。

      其實Upwork也像平安好醫生丶美圖秀秀般,開業時未必有錢賺,但投資者會搏呢類網上平台業務,只要其中一個演變成為QQ或Alibaba,所獲得的利益便可以倍數計。

      同意按件收費丶性質相對簡單的工作,用Upwork搵海外人士做,性價比相當高。但地域丶文化性質較sensitive的業務(eg. 在電視賣廣告),就好難為咗貪平而outsource俾外國人做呢!

      刪除
  3. 我自己做一些小網上Project時經常用它的, 有一段時間更要不停英文轉俄文, 俄文轉英文, (我要的是正經文章, google translate不夠準確). 所以經常找一個烏克蘭妹幫手, 佢交貨準, reviews都好多, 2016年去烏克蘭玩時, 都有同佢見面, 一起玩左幾日, (唔好諗左呢一度, 同佢純粹友誼關係)

    呢個apps對佢呢d比較有學識, 但身在窮國家冇機會找好工的人而言, 真係一個game-changer. 我到現在都不時同佢傾計, 佢話佢現在係呢個apps已儲了很多客, 工作多到做唔晒, 人工比起本地烏克蘭打工仔高幾倍.

    所以呢個apps搵錢之餘, 真係幫到窮國家如烏克蘭, 菲律賓, 印巴既人, 算係取之有道呢. (跟一些起湯房分租再不時加租, 提高資產回報後自認投資高手, 再開班授徒既 '不違法' 人士既搵錢方法比較, upwork真係良心企業)

    回覆刪除
    回覆
    1. 哈哈明白的Joseph兄,友誼呢方面你唔駛解釋得咁詳細了,在心中👌

      看來Upwork等環球工作介紹app的出現,確實令不少發展中國家的人材受惠。除了本業外,如靠接多些海外freelance jobs,絕能令自己過上更優渥的生活。

      但即使在app中用較平的價錢請外國人,我覺得客戶也不應太刻薄。在Upwork app內,我見過有人出5元酬勞請人,這未免太刻薄了吧!

      刪除
    2. “湯房分租再不時加租, 提高資產回報後自認投資高手”

      呢哋人喺香港周街都有...佢地會話湯房的出現是市場需要= =

      刪除
  4. 嘩好有用!!!!!!!! 多謝CHERRY姐介紹!!!!!!!!

    回覆刪除
    回覆
    1. 哈不客氣Ryan兄!你可多上去搵translation jobs呢👍

      刪除
  5. 花姐好介紹!雖然暫時想不起有甚麼會用得上這個APP,但下載定傍身都好!

    回覆刪除
    回覆
    1. 哈三人兄應多謝Joseph兄至真!香港人好少會留意到呢類app。

      同意下載定傍身都好,反正nothing to lose 👍

      刪除
  6. 呢類app應幾好用, 講真几十萬登記用戶又不算太多。但萬一全球盛行起來的話, 可能會影響發達國家的創意 / 技術人員的收入, 因有些工種已外判予酬勞較低的人。

    回覆刪除
    回覆
    1. 或者咁講:globalization已影響各行各業的人。係某些industries,就算你唔想同外人競爭,人家也可能會主動under-cut來接生意。

      當然,地區丶文化丶語言溝通等因素,仍限制了不少工種的outsourcing。在Upwork app內,很多英美澳德的freelancers,即使酬勞較貴,仍不乏捧場客,那是因為不少客戶prefer搵番哋”同聲同氣”的talents~

      刪除
  7. 個APP好似不錯,下載試下先,感謝分享!

    回覆刪除
    回覆
    1. 哈哈不客氣呢,將來可能有機會用👍

      刪除
  8. 有趣有趣,唔知有無啲古靈精怪Job呢?例如幫人打機、做論文...強國好似好興呢啲,哈哈。

    回覆刪除
    回覆
    1. 哈哈風兄,代寫論文肯定有!

      你也可上Upwork登記做”financial consultant”呢:如俄妺烏妺搵你的話,你咪俾個折扣人地囉;如阿「劏包」搵你的話,你就..嘿嘿😬

      刪除
    2. 我做financial consultant邊有人信㗎,cherry姐上過電台財經節目又唔同,哈哈。
      我無乜機會去俄烏,睇到食唔到仲辛苦,都係算罷啦😅😅😅

      刪除
    3. 我呢哋混吉的~怎能跟風大大你相提並論呢?🤣 你做financial consultant,一定好多華人幫襯!

      風兄已退休又大把米,買張機票便可隨時去俄烏探險了...只要事先安頓好囡囡便可👌

      刪除
  9. 呢個app好似好易識外國人咁⋯會否演變成網上騙財案:/

    回覆刪除
    回覆
    1. 哈哈阿Sue~妳估其他國家嘅人,都好似香港人咁上網俾人呃1.8億咩?😅

      刪除