2019年1月3日 星期四

2019年: 選美股還是港股?

2019年首兩個交易日,恆指便出師不利,從25800點跌至最低24900左右。我個人較少做年尾總結的原因,是因爲假期前後常有”假升現象”。12月31日結算的portfolio總值,往往幾天後便打個九折。當然,年度結算絕對有它的意義,只因我是懶人,才拖至一丶二月做而已。

過往的數個月,港股與美股多了背馳現象:道指在舊年10月創出歷史新高時,恆指就跌穿28000這個支持位;美股在11-12月反復急插,恆指卻迎來兩千點的小陽春。但2019的大市走勢,仍處於下降軌道,是不爭的事實。

老美三大指數,依家跌到無眼睇。個股方面,現時有81.53%的S&P公司,低於其200天平均移動線。 另外,只有17.22%的NYSE股份,是高於其200天SMA。美股是一個受market sentiments與momentum主導的市場。當大中小股板塊都反彈乏力的話,互相拖累的連鎖反應只會更大。

恒指現在的市盈率為10.81 (https://www.hsi.com.hk/static/uploads/contents/zh_hk/dl_centre/monthly/pe/hsi.xls) ,距離上次摸底靚位(2015年8月至2016年2月)的個位數,已不遠矣。睇住”跌得冇咁甘”的恒指,我們改為入港股丶棄美股,會否更穩陣?對不少香港散戶來說,低吸恒指藍籌是較有經驗的。反之,美國active stocks跌起上嚟,就真係唔係人咁品。

除了市盈率外,我們可參考另一個簡單指標:RSI。RSI升逾70,便屬超買水平;RSI處於50附近,市場情緒便屬中立;RSI跌穿30,便屬超賣水平。


觀乎近六個月內,每次RSI由高位跌至30(oversold),恆指期後多有數百至千多點的反彈。以短期炒作來說,RSI跌穿30可以是摸底的良機,但之後要快手散貨。2018下半年的大市環境黯淡,所以RSI從未升近70(overbought)的位置。在牛市環境下,我們可提醒自己在這個熱沸點下先行獲利。

老美經濟已踏入late cycle,在first quarter(甚至是整年)不明朗的環境下,我個人傾向採取“自動波”的消極做法:港股繼續以煤氣為主,每年六月除淨後再大手入貨;美股則繼續以優先股為主,即使短期內有機會賺息蝕價,但起碼冇active stocks咁驚嚇。

對逆市中不敢玩衍生工具的我來說,除了分配少量資金嘗試摸底(我心水仍是二萬三樓下),能做的真的不多。在熊市期間,我又睇少咗技術指標,所以多了閒暇做個頹廢青年。看看卡通動畫,又或讀下圖書雜誌,便過了一天。因此,如我稍後成為blog界的失蹤人口之一,請大家不要太見怪XD

2019年,你會選美股,還是港股? (又或其他産品?) 不妨留言分享一下:)

32 則留言:

  1. 搶到沙發了!
    美股無乜研究,但昨天又大跌了。蘋果一日已完成花姐講的九折。似乎花姐開口中。
    全兄話港股熱鬧指數接近死寂級別。似乎底部在不遠處。但是23000是底,還是20000,18000是底,又係考功夫的時間了!

    回覆刪除
    回覆
    1. 哈哈三兄太客氣了!我呢個頹blog大把沙發位呢XD

      近日有報紙專欄話恒指低位見19000-21000,其實今年年頭,點都唔會好景得去邊,但我覺得又不需太悲觀,因經濟未至於去到material recession。我們既不用全倉,也不需一股不淨。

      刪除
  2. 乜都唔駛諗,月供盈富基金(2800.hk)😄

    回覆刪除
    回覆
    1. 對呢Edward兄,月供2800,起碼十年後的自己不會後悔~好過不少其他花巧的投資招數呢!

      刪除
  3. 我都無事可做呢。btw,有冇動漫推薦 XD

    回覆刪除
    回覆
    1. 散戶兄玩衍生工具咁勁,又怎會無事可做呢😂

      “有冇動漫推薦”
      你不像是喜歡動漫的人呢XD 我十二月腳傷休養時,看了一百幾十集的“銀河英雄傳說”(舊版),現在就喺Netflix煲“JOJO 的奇妙冒險”,貪佢夠抵死🤣

      刪除
    2. cherry姐只喜歡睇哋男性動漫? 😂😂

      刪除
    3. 女性或男性動畫都無所謂啊😂 有哋暴力成份便可~

      刪除
  4. 今年, 我也寧願持優先股等特別股, 起碼帳面上跌幅有限, 心理衝擊冇普通股下挫咁大xdd

    回覆刪除
    回覆
    1. Yes Sammy,特別股起碼仍有par value贖回這個buffer~但金融海嘯時,也是和active stocks一齊攬炒。

      但只要特別股持續派息冇suspend,仍可在逆市中為散戶打枝強心針的。

      刪除
  5. 花師姐新年快樂, 二當家的2019年策略無變, 港股為主, 美股為副, 港股24000以下每一萬點落一注, 未買樓既留定個首期。
    之前優先股一個月都跌1X% 完全唔知發生左咩事, 呢個係隔山買牛既問題, 熟悉程度及消息既不對秤好影響信心。

    回覆刪除
    回覆
    1. 謝謝二兄的祝福!祝你及家人也有豐盛的2019年:)

      我現在也是港股為主丶美股為副。優先股稍前受加息步伐影響,所以有點跌過龍。但大市指數維持弱勢的話,特別股始終會受牽連。所以散戶應控制好注碼,不要每次見特別股跌一截就趕住溝貨。

      也祝你早日置業成功!

      刪除
  6. 上年偉哥網志有幾個人留言話轉做全職炒股。。。唔知依家仲有冇蒲頭HAHA

    匿名人上

    回覆刪除
    回覆
    1. 我都有印象,其中有人更按樓拿了七位數字去炒股。

      但動盪市期間,熟悉put/熊證等的全職投資者,斬獲反而更大。最怕係哋唔上唔落的平淡市,才無肉可食。

      刪除
  7. 1月月供7隻,2,3,11,12,270,823,1299
    中資股始終受政策影響,較偏愛港資及外資

    回覆刪除
    回覆
    1. 謝謝Edward兄的分享👍 在動盪市下,月供比短線炒賣更穩陣。

      刪除
    2. 今天下午買了少少維他奶,股票連同美股mpf提升至佔20.5%,不想持太多現金

      刪除
    3. 港股回暖,少注入番哋公用/零售食品股也ok呢👍

      但升太多便不宜高追了。

      刪除
  8. 我等美股再反彈多D先開始做short.
    Long就兩個market都冇乜心水,再等下啦。

    回覆刪除
    回覆
    1. 祝Derek兄出擊成功👍 近日個市都係每插一段先反彈少少,未有重大利好消息做long呢~

      刪除
  9. 春花姐新年快樂!
    港股美股兩者都否選,減股增債增現金,哈哈。

    回覆刪除
    回覆
    1. 祝風兄及囡囡2019年大成功+大快樂😁

      比起股票,風兄增持債券及cash,這才是王道呢,熊市都唔駛怕👍

      刪除
  10. 近日美股跌幅多過恒指,以股值黎講, 低殘的美股如FANNG會否更值得吸納呢?~~

    回覆刪除
    回覆
    1. 阿Sue...我覺得美股不是適合摸底的市場,因低處未算低的情況,早已見怪不怪。

      反而港股摸底的成功例子就多好多,起碼兩電一煤,多數是有買貴冇買錯。反之老美的公用股,過咗熊市後都未必彈得番!

      刪除
  11. 但係我獨愛'俄女'... 我是指生活上.

    投資的話, 當然是分散投資, 合理配置最好.

    回覆刪除
    回覆
    1. Joseph兄向來專一,大家都知haha~

      “分散投資, 合理配置”
      我先生數年前鐘意玩option,現在也像我般入些藍籌,作長遠收息入途。Joseph兄藝高膽大,有眼光重創一隻異動股;但像我這種小股民,便只能入多幾隻分散風險了!

      刪除
  12. 祝Cherry您2019年買到好多平貨

    回覆刪除
    回覆
    1. 很久不見呢Michael兄!祝你2019也大豐收:)

      刪除
    2. 多謝,Cherry洞察力好厲害,我岩岩開返blog,而家叫IG小子啦 XD

      刪除
    3. That’s cool, welcome back Michael 👍✨

      刪除
  13. Cherry 新年快樂! 祝你2019大賺大豐收!

    回覆刪除
    回覆
    1. 謝謝匯風先生的祝福!祝你2019也大賺。

      刪除