2021年7月10日 星期六

對自媒體的隨想

早前《自肥企》熱播的時候,有些KOLs日日轉發Error成員的消息,講到自己係鐵粉咁。但現在轉為《大叔的愛》掀起熱潮,便可以一天出N個帖只講Mirror成員。至於Error近日有甚麼工作丶拍甚麼廣告,彷彿不再是他們關心的事。



我不是追星青年, 但也知道對演藝界或自媒體的從業員來說,reach及exposure有多麼重要。愈多粉絲,便代表愈多廣告及工作機會。然而,在這一個做久了,基本上也分得出哪些人是真心支持自己,而哪些人卻只是想叨光。


我近月主要在網媒寫文,而博客則少了個人分享,所以我當自己是「半個自媒體」吧。寫作不是我的正職,所以受不受歡迎,對我的實際生活並無影響。


但對一些全職搞自媒體的人士來說,每一次出新文或新片,也可能是戰戰兢兢的經歷。怕找錯時間上載,怕今次突然少了點擊數,怕社交媒體的algorithm排到自己愈來愈後……當然,你可以回應一句:「既然冇廣告搵唔到食,就出去找番份全職吧!」但即使不欣賞他們的付出,是否也可給予應有的尊重呢?


我家人在電視/廣告界工作多年,他的看法是:有潛質及性格好的藝人,年輕時便應該紅咗。但我卻覺得,他們當中有一些人,可能一直都非常努力且資質不差的,或許只欠少少人脈,又或許只缺一個機會。而你的一句讚好或分享,分分鐘是當時人繼續向前的動力。


要公開支持一個本身已經紅的人,很容易;但要支持一個仍在爭取知名度中甚至已過氣的人,卻很困難。希望大家遇到自己欣賞的創作者,也多些CLS支持他們,不要吝嗇個人的讚賞。

12 則留言:

  1. 錦上添花易,雪中送炭難
    像Cherry妳這樣好心地,又thoughtful的人並不多
    在自己可能的範圍,幫到手就好
    別人怎麼做、怎麼想,由他吧
    心情會好些

    回覆刪除
    回覆
    1. 謝謝妳的支持!我純粹是看不過眼,社會上有太多虛偽的行為了。

      但也同意別人的想法難以左右,所以做好自己的本份已足夠🍀大家都加油!

      刪除
  2. 我自己有睇波, 咁歐國盃第三聲道有ERROR黎參與, 有時有啲都幾好笑...

    個人認為有質量的節目, 成員可以配合到演出或表達, 應該多給予支持, 又無特別限那些藝人, 例如MIKE導節目就近幾套有追看之類

    純分享, 香港各行各業都很多人很努力, 當然有很多都很頹廢, 起起跌跌, 堅持到最後實在不易, 費達拿打足廿幾年, C朗仲踢到今日高水平賽事, 一點也不容易, 就係咁啦....

    回覆刪除
    回覆
    1. 謝謝你的分享!團隊的表現都好關鍵呢,除了幕前的努力,幕後的合作也很重要。

      對某些行業來說,運氣也是實力的一種。未必當事人不努力,但只要別人看不到,便形同浪費。當然,如做緊嗰一行競爭極大或逐漸息微中,當時人去到某個位亦應做出取捨。

      刪除
  3. X水都幾假下, 邊個紅就想似邊個😷

    回覆刪除
    回覆
    1. 咁又唔一定嘅~做開KOLs,都是差不多的經營手法👌要靠知名度搵食呢。

      刪除
  4. //有潛質及性格好的藝人,年輕時便應該紅咗。但我卻覺得,他們當中有一些人,可能一直都非常努力且資質不差的,或許只欠少少人脈,又或許只缺一個機會//

    我比較傾向前者

    我總係鍾意以TWINS 為例子
    兩個妹妹仔, 阿嬌明顯更靚, 演技我覺得亦更好
    但係更紅既係阿SA
    系"網民四圍搵朋友"之前已經係
    點解? 阿SA 識訪問, 識搵話題同記者吹水, 見報自然多

    一個藝人要紅要持續曝光, 先有人氣

    "非常努力且資質不差"既, O米有節目/戲劇出街時彈一彈
    播完曝唔到光, 都係無用

    --Dogdogchi

    回覆刪除
    回覆
    1. 同意做這一行,人緣及性格絕對是關鍵。但即使是當紅的藝人,也清楚運氣的重要性。自己上咗位,也可用同理心看待其他冇咁受歡迎的同業,而非講到自己完全靠實力咁。

      古天樂做了演藝協會主席後,亦繼續捐錢及幫助受疫情影響的演員,是發財立品的好榜樣。

      刪除
  5. 自媒體既野, 都係搵食O者
    跟紅頂白搵啖飯食最容易
    賣內容喎? 要花費多幾多倍精力先搵到人睇

    --Dogdogchi

    回覆刪除
    回覆
    1. 你的分享也有道理!跟紅頂白的做法,照copy當紅新聞便可,不用花心思度內容,又可保持FB的reach👌

      刪除
  6. 我都好討厭某啲KOL既偽善,唔止係叨光,有時可能係對其他KOL講既嘢斷章取義撩交嗌,為求搵啲嘢炒作下谷人氣

    回覆刪除
    回覆
    1. 你看得很透徹呢!除咗盲粉會信之外,其他明眼人一看便知咩事。是真心創作,還是專門炒作,都係日久見人心。

      刪除