2018年6月24日 星期日

東方華爾街簡單影評(1)

在衛視睇完5集後,我都掙扎緊好唔好寫影評(我只屬BB級),而且又怕爛尾。然而,因此劇在本港的流通性不大,我就在這裏做少許劇透。希望能滿足有興趣的網友,過番少少戲癮!

-----------------------------------------------------------

「前言:故事發生在一個虛構的東南亞城市「高雲城」(以香港為藍本)。經濟學教授葉抱一(吳鎮宇飾演)及其學生韋航(張孝全飾演)在98年金融風暴後,組成「CASH」這個組織,在金融市場上對抗權貴和金融大鱷,但因一宗佳何投資事件令「CASH」分裂。CASH成員卓意寧(譚耀文飾演)和章秀頤(張可頤飾演)被權貴買兇報復,雙雙中槍,前者失去雙腿,後者喪失生命。韋航則被逼潛逃緬甸,唯獨葉抱一攀上權貴。

20年後,已成為發展局副局長的葉抱一與「三大金融巨鱷」東文地產集團主席文啟山(張武孝飾演)、永門建材主席霍堅(張雷演)及宏觀傳訊主席張融(羅家英演)合作操縱金融市場獲利。為了創造更大的收益,葉抱一從緬甸邀請因罪潛逃當地的金融奇才韋航回來,以便為新的金融風雲奠定基礎。」

(上兩段轉載自維基百科:https://zh.m.wikipedia.org/zh-hk/東方華爾街_(電視劇),作少量修改)

-----------------------------------------------------------

第一集開首,用了倒敘手法,講葉抱一因工商勾結而被法庭公審。他承認自己收過幾千萬(賄金),但就強調新加坡的排名已超前高雲城多年,而本地政商則從沒改善過。


而韋航在緬甸流放期間,撈到風山水起,創立了「仰光交易所」。非本地人竟可成立國家級金融機構,真不愧為金融奇材!


某日,來了一班持武裝衝入交易所的農民,韋航串佢地唔識股票。開市後,隻「緬甸第一汽車集團」升到爆廠,農民們開心到dump哂哋槍。呢一刻,韋航就好「型」咁用槍射穿交易所的螢幕,叫村民以後唔好再玩股票。

話哂師徒已分裂,韋航也認定葉抱一是殺害CASH成員的共謀。但是,葉抱一竟叫助手Sunny游說韋航回港,表面與「三大金融巨鱷」合作炒股獲利,實際上是想搜集呢三件大鱷的金融犯罪證據。




第二天早上,韋航抵達文啟山的辦公室。文啟山命令其要將筆黑錢洗白,韋航聲稱半日内可炒起隻半新股「確飲健」(5201),同時早已安排自己CASH的黨羽混入文啟山的公司,將老板的非法炒賣行徑錄底。

到了lunchtime,CASH的黨羽去餐廳食嘢時,爆料話5201係春江鴨。消息一傳十十傳百,即時變hit股。韋航安排好head count,瘋狂一買一賣。價格漲得太高時,他便提醒手下要兼顧班技術派,令股價呈頭肩底型態。

之後,佢地用張「確飲健」老闆同「樂師傅」老闆傾計嘅相,來揑造拼購消息。一日內,「確飲健」的股價由1蚊幾升近三蚊。得到文啟山及霍堅信任的韋航,聲言可半年內在緬甸交易所triple他倆的黑錢,只要用leverage notes及押埋他倆公司的股票,便可搞掂。



翌日,有個叫「Triggerman」的財經醜聞爆料人,踢爆永門建材及東門地産的超支延誤呃撥款證據。消息一出,永門+東門股票的價格狂瀉。文啟山及霍堅想賣掉手頭上的5201救自己,被韋航制止。同時,韋航發短訊令CASH下屬搵幾個演員,扮飲用「確飲健」後中毒。5201股價暴插,文啟山及霍堅想用抵押咗的永門+東門股票,借錢托市。葉抱一收到料,便大幅拋售其囤積的永門+東門股票,令文啟山及霍堅賭輸身家。

其後,葉抱一在立法院內繼續剷除異己,迫走反對派議員。議案受延誤下,數碼金融城的工程被迫停止,導致大批工友冇工開。工友們示威期間,葉抱一即時「做樣」出場撐工友。

警察發放催淚彈時,「Triggerman」(陳家樂飾演)和其他示威者一拼逃走。突然,韋航及眾CASH成員出現,向其遞支票以答謝他的爆料功勞,並想邀請「Triggerman」入會,「Triggerman」滿咀粗口拒絕咗。

劇尾,葉抱一及韋航齊齊吃雲吞麵。韋航聲稱今次回來,是為了幫其埋單。

-----------------------------------------------------------

原劇有很多財技分享及精警語句,但我沒有分享,只縮寫有限度的劇情。為尊重版權,希望大家有興趣的話,可在衛視看畢全劇。另外四集的劇情,我也未知將來會否再寫,分分鐘爛尾呢。

劇情緊湊明快,是值得大讚的因素。認真舖排的故事及對白,亦較不少本地肥皂劇優勝。觀眾好多時要翻看重睇,才能𨤳清箇中複雜的人事及財務關係。能考驗大眾的智慧底線,是此劇的成功之處。

惟一美中不足的,是此劇講到成個城市, 好像只有葉抱一及韋航能做救市英雄。另外,即使是再貪婪的富商,財技亦應有番咁上下,或最少有班屬於自己的智囊團,不會輕易將炒股或黑錢的資料,曝露俾一個剛由緬甸回來的𡃁仔知。

大家對此劇又有何看法?不妨留言分享一下:)

28 則留言:

  1. 謝謝認真介紹,我估妳是想幫哋冇機會或冇時間去看呢套劇的人,去了解下劇情。

    只不過睇完妳篇文,我更加想開TV黎睇��

    回覆刪除
    回覆
    1. 謝謝阿Sue的支持:)

      “冇機會或冇時間去看呢套劇”
      我估係冇機會睇多哋,本港的話,暫時應只有衛視台播放。當見到一些反智宮廷劇每日有得睇,但高質素的劇集,卻因播放渠道狹窄而不能接觸更多觀眾,我就覺得很可惜。希望FOX遲些能考慮在免費channel播放此劇,這對電視台的宣傳及名聲也有幫助。

      刪除
  2. CHERRY姐寫得好好,搞到我都想睇下

    回覆刪除
    回覆
    1. 謝謝Ryan兄的鼓勵!你寫的話,文筆會比我好好多:)

      全劇五集都係四粒幾鐘而已,睇啦XD

      刪除
  3. 謝謝樓主的無私分享!

    回覆刪除
    回覆
    1. 不客氣!我只是撮寫劇情,wiki嗰度也有詳細的人物資料介紹。

      刪除
  4. cherry姐,我都睇晒呢5集呢,節奏明快不拖泥帶水值得一讚呀,但我又唔係好明葉抱一只想砍掉重練的話,根本不需要韋航的回歸呢。

    回覆刪除
    回覆
    1. 你講得很對呢!劇情是乾脆利落,但又有哋矛盾之處。

      葉抱一叫得韋航回歸,就應預咗佢會做二五仔。如果話冒住危機,都想韋航返嚟的話,便是想和他冰釋前嫌,但我又唔見葉教授想make呢個effort 。甚至當年CASH成員被殺丶實際上唔關葉抱一事,葉教授亦懶得向韋航解釋,真係耐人尋味~

      刪除
    2. 仲要張建聲一黎就射死張可頤,威脅人姐,洗唔洗一黎就殺人呢~~~
      智叔鬧葉抱一個幕 (話佢搞唔掂個計劃) 好正^^

      刪除
    3. 我估張可頤向記者爆得最多財團黑幕,所以惹來殺生之禍~

      另廖啟智做的局長,係typical香港老闆款:順景時就對人笑騎騎,一有差池就即刻搵下屬揹鍋。

      刪除
  5. 好吸引,攪到我好想睇添!

    回覆刪除
    回覆
    1. 風兄看吧 ~ 你在台灣嗰邊搞好電視盒子,一個晏晝就睇得哂。到時請你寫個詳細review🤣 XD

      刪除
    2. 呢排我借咗好多書同漫畫,都未有時間睇,又有好多嘢想做,都唔知做得邊樣,結果連寫Blog都停咗。況且Review肯定唔會寫得好過春花姊你,我都係繼續我嘅佛系生活算啦,哈哈。

      刪除
    3. 風兄是真·退休,自然做乜都得,絕不用care別人怎麼想呢!有實力的人,鐘意幾時停止工作/寫blog都得!

      只有仍未退休丶但已幻想一年收N次息財自的人,才會咁介懷blog所帶來的收益XD

      刪除
  6. 好似唔錯咁wow,唔少劇其實都有好多犯搏位,不過在於有無劇力令人唔深究d矛盾位。我依家鍾意睇愛回家,輕輕鬆鬆笑下都唔錯。

    回覆刪除
    回覆
    1. 賢兄講得好啱👍劇情夠張力,自然吸引觀眾繼續追看。

      都市人工作辛苦,下班後想看些輕鬆節目,也是人之常情。我之前也有睇「支離人」,當佢cult片笑下就算🤣

      刪除
  7. 睇完推介,馬上上網睇,睇完第一集果然有趣

    最愛金句: 謠言需要一個故仔,一個故仔需要新聞來證明它是真的

    回覆刪除
    回覆
    1. Vision弟果然快手👍 網上睇真係簡單又方便!

      佢每集都有哋金句,我印象最深的是第五集嘅”When everybody loses, rules could be reset”.

      刪除
  8. cherry會接連寫埋另外幾集的synopsis嗎?

    Btw中華煤氣真係屈機....~_~

    回覆刪除
    回覆
    1. 哈Sammy,我應無時間寫了,而且下周我人會在西班牙。更何況,網友們是想真正睇呢部戲,而非看我劇透呢😂

      0003逆市(連派息嗰日)都升,雖說係有利好消息(www.aastocks.com/tc/stocks/analysis/stock-aafn-content/00003/NOW.876834/all),但我估chok市中,有不少基金經理以媒氣為避風港,所以托高咗股價。

      刪除
  9. 好詳細喎,一o的都唔「簡單」。

    回覆刪除
    回覆
    1. 哈哈池兄~只有劇情較詳細,影評則很簡短呢!

      刪除
  10. 我好耐冇追過任何劇集, 呢套雖然比起大量古網時代劇特別, 但應該不會追看了. 我比較中意睇一套過既電影.

    我係咩電影都睇, 1930-1940年經典荷里活都會睇.

    回覆刪除
    回覆
    1. Joseph兄生活繁忙,應沒空看劇集呢!我雖然愛煲劇/電影,但某哋太濫嘅時空穿越/古裝片集,就真係有時間都唔睇啦~

      Classic Hollywood冇咁多特技花巧嘢,所以演員的韻味及風格更為突出。最特別的是:1920-1960年代的Hollywood stars,好多離婚當食生菜。愈出名的,一生中就結得愈多次婚😂

      刪除
  11. 睇完推介,感覺幾有趣,但準時睇劇有難度,要努力分享呀~

    回覆刪除
    回覆
    1. 謝謝你的支持⭐️ 可惜我的文筆較爛,之後的複雜劇情好難解釋到。親身觀看劇集是最好的,你得閒可睇下👍

      刪除
  12. 我會推薦你看美劇Billions,在資料搜集、深度或劇情都很吸引

    回覆刪除
    回覆
    1. 謝謝你的推薦!我家NOW台已有齊三季。

      其實我一兩年前曾看過第一季頭一集,但當時工作較忙便冇追看下去了...

      刪除