2019年2月6日 星期三

撰中伏工對財政的影響

我們在日常生活中,總會無可避免地「中伏」: 入咗一間「伏」餐廳丶去戲院睇咗套「伏」電影丶淘寶買中「伏」產品丶登入咗個「伏」博客(例如呢度)......但唔好彩轉咗份伏工,絕對是「伏中之最」。即使其後能全身而退,身心仍會有一定程度的創傷。

每逢農曆新年,都是跳槽旺季。但外表愈glamorous的工種,「敗絮其中」的機會便愈大。201811月刊的英國版Cosmopolitan雜誌,有篇名為“Fame, Fortune & Failure”的文章(作者為Kathleen Richards),就詳細介紹了一些呃投資者丶呃員工的混吉科網企業。


除了惡名遠播的Theranos外,歐美仍有不少“Tech Unicorns”(即增長迅速的start-ups),獲得的投資金額,遠高於其增長率或公司盈利。平均來說,“Tech Unicorns”的淨值被高估近50%

應徴這類公司的求職者,往往發現employment package是“too good to be true”。的而且確,科網巨企除給予員工優渥的薪水外,還有不少instagrammable的職場福利,例如:Netflix提供無限假期與家庭假日丶Google辦公室內設有醫療服務及診斷中心丶Airbnb提供旅遊津貼丶Facebook提供人壽保險計劃等......即使入唔到呢類big names,矽谷仍有上千過百的增長型公司,值得大家「搏一舖」。

於是,不知不覺,便中伏了。

以下是一些外國「伏」公司的例子:

1)位於倫敦的網上音樂公司“Crowdmix”,在成功發行一件產品前,已燒掉一千四百萬英鎊,並於2016年申請破產。有前員工表示:上班時發現只有數名同事有音樂相關的背景,即使公司長期沒有新産品發佈,大家的士氣仍算高昂,直到被拖糧兩個多月為止。

2)網購平台“Fab.com”,曾集資逾三億美元,高峰期估值為十億美元。正當員工覺得公司發展迅速時,上頭突然分批大量遣散職員,由原有700多人削至餘下三分之一。在2015年,公司以一千五百萬美元易手。

3)HR軟件公司“Zenefits”,估值曾高達四十五億美元。近年它被揭發無牌售賣健康保險,並向投資者宣揚誤導性訊息。遭到美國證監會控告後,公司需裁員45%,且至今仍欠交罰款約三百四十萬美元。

縱使科網企業中有不少壞蘋果,每年仍有大批青年人離開平穩的工作,以爭取擠身於下一個“FANNG”的機會。當然,這類tech firms的另一些陰暗面是較少人察覺的:如公司每逢裁員,率先向女士及少數族裔下手;在年終派對及頒獎典禮時,不會邀請合約或臨時員工......在公司亮眼的股價及前景佈飾下,這一切都被刻意掩蓋了。
-----------------------------------------------------------

雖說香港的科網企業文化,冇外國咁盛行。但只要不幸地返過破產/拖糧/欠債etc.的公司,而轉工面試時又俾HR知道的話,「嚴刑拷問」一番總是難免的。更甚者,有些新公司更會以你的「黑歷史」理由籍口,話你嗰底花咗少少,所以工資要“調整”一下。

當事人與伏工糾纏期間,每日都要問一下自己:今天裸辭好不好?還是請假去見其他工,待有offer後才遞信? 身心的煎熬,再加上前景不明朗下的「節衣縮食」生活,確實令人不是味兒。

大家以前中過咩”伏”? 今年會如何努力避免再中伏? 歡迎留言分享一下:)

最後謹祝大家豬年行大運丶身壯力健丶左右逢源丶日日賺多哋!!

38 則留言:

  1. 沙發!
    會拖糧係最差的中伏公司。

    回覆刪除
    回覆
    1. 謝謝風兄的留言!拖糧公司真係最伏~ 但在香港地打工,不論中資定外資,都有其陰險之處。

      謹祝風兄及囡囡新春大吉丶身壯力健丶財源廣進🧧

      刪除
    2. 也祝春花姊新年進步、家庭幸福、萬事如意!

      刪除
    3. 多謝風兄的祝福!大家豬年都行大運呢🍀✨

      刪除
  2. 買咗衰股票算不算中伏昵?呢哋中伏經驗我有不少呢哈哈^^

    順祝cherry姐新年快樂丶萬事勝意!

    回覆刪除
    回覆
    1. 哈哈祝Sammy新春愉快丶心想事成丶行運一條龍🌟

      買中伏股好常見呢,我呢哋經驗實多過你🤣 btw妳新年有咩活動?

      刪除
    2. 我趁AIA Fair完結前去玩一下, cherry姐又點慶祝呢?又是在家煲動漫?xdd

      刪除
    3. Yes 近兩日病病哋,所以多在家看動漫及畫畫。黃ViuTV好多嘢睇!

      AIA Fair 好似幾好玩👍

      刪除
  3. 娶左個伏老婆•••請問有解決方法嗎??

    回覆刪除
    回覆
    1. 洗腳唔抹腳, 冇小孩但又不肯返工,吾做家務搞到屋企有蟻•••

      刪除
    2. 咁又好似伏咗哋喎~不如試下family counselling? /_\

      刪除
  4. 花姐,新年好!祝事事如意,身體健康!
    剛出來做事兩三年野,遇上個無乜料,從他身上學唔到野的上司,算不算伏呢。或者都可以視作驚剔自己日後要做個有為的上司吧!呵呵!

    回覆刪除
    回覆
    1. 謝謝三兄的新年祝福! 祝你及家人豬年行大運丶龍馬精神丶萬事勝意✨

      伏上司最叻就係令身邊人(尤其是下屬)中伏,但佢地自己就往往能全身而退~靈活程度可放在BBA課程中作廣大學子的教材。

      刪除
  5. 近期淘寶買game都多咗中伏的機會

    回覆刪除
    回覆
    1. Yes要小心哋暗號~

      真係寄了三個菠蘿俾用戶~_~

      刪除
  6. 唯一拖過我糧的, 有上市架!
    已經變左毫子股...

    高位起計, 一成都唔夠!

    不過, 又唔算伏, 成班人HEA 做, 最後都有糧出0既!

    回覆刪除
    回覆
    1. 祝皮老闆新春大吉丶豬年行大運!

      不少上巿公司私底下都好度縮,甚至刻薄員工。以你財力,收購番以前呢間公司都得👍

      刪除
    2. 咪講笑,剛睇一睇,市值幾個億!

      刪除
    3. 咁神奇?!毫子股也有出頭天😂

      刪除
  7. 新年快樂花姐!我認爲入左一間穩定但學唔到野既公司更伏

    回覆刪除
    回覆
    1. 謝謝Michael兄的祝福!祝你豬年更上一層樓丶龍馬精神丶心想事成呢✨

      年輕人的話,去太穩定的環境工作,未必會有衝勁;但有家室的人,可能是另一種想法呢~

      刪除
  8. ‘淘寶買中「伏」產品’

    所以我經營網店都好小心,自己冇信心的新產品,即使成本價有折扣也不會入。

    回覆刪除
    回覆
    1. 阿Sue是好好網店主人👍👍 祝妳豬年繼續大賺丶萬事如意丶身體健康呢!

      刪除
    2. Tks cherry,happy new year to you too =)

      刪除
  9. 第一次拜讀你嘅網誌,獲益良多,我係投資初哥,希望以後可以多多交流

    回覆刪除
    回覆
    1. 謝謝Tommy哥的支持,太客氣了!我呢度冇乜嘢睇,正統投資書應幫到你更多☺️

      撰啱職業,自然有餘錢作投資收息。所以我不建議年輕人純為了金錢,而做一份自己完全不喜歡的工作~

      刪除
    2. Cheery大師係投資達人,跟佢學野就啱啦

      刪除
    3. 狗股兄見笑了!跟你買俄鋁才是王道呢~

      刪除
  10. 哈哈,花姐~ 在下廿年前就在香港做科網了,
    其實也不是那麼伏的,昔日的公司當然已經不復存在,
    但認識到的同事和學到的有可能是一生受用,
    另外親身經歷公司由上市到股價爆升再塵歸塵,土歸土,
    也算是被迫上了寶貴一課。

    回首看來,也是無悔的,有時趁年青時闖一下也不是壞事,
    不過人生的道路本來就是崎嶇不平,只是你要用什麼的心情去面對而已

    花姐這篇文章其實確實可以幫到不少人,尤其是香港這個奴工市場...

    或許我本來就是個另類的反面教材呢~

    回覆刪除
    回覆
    1. 謝謝艾力你的深度分享!我也不知說什麼好了...因你有親身體驗,這種經歷實不足為外人道呢。

      對不少人來說,00年科網爆破仍是”童年陰影”的一部分,但並非所有本地tech firms都是伏的。

      然而,一些在香港科學園/數碼港以”start-up”作招徠的新公司,多以glamorous job titles或所謂的“股權”來吸引年輕人,當中是伏還是機,便要求職者自己分清楚了。

      刪除
  11. 倉位佔淨資產大約加到42%左右,仍然持有8隻股票,中電,煤氣,恆生,恆基,粵海,維他奶,領展,友邦,目前維他奶佔比最大。繼續月供,今年甚少買賣,真好,改善了炒出炒入的惡習。

    回覆刪除
    回覆
    1. 對呢Edward兄,持倉佔淨資產的五成左右,個人認為是最舒服的位置。進可攻退可守,擁過多個股並佔倉位高於七成的話,足以令不少人整天心掛掛。

      減少炒出炒入的頻率是好事,尤其是US active stocks,我自己也不想半夜再起身追看了!

      刪除
  12. Cherry,祝新一年事事順利, 投資賺得多又穩! 我覺得最中伏既公司係遇到心地唔好既同事 or 老細.

    回覆刪除
    回覆
    1. 謝謝你的祝福🙏✨ 也祝你豬年財運亨通丶心想事成呢!

      心地唔好嘅人,幾乎在任何社交場合(不止公司)也有機會遇到,唯有盡快令自己脫離中伏的環境吧~

      刪除
  13. 中伏的老婆不算慘,中伏的情人才算最慘:以為她不再愛自己老公,想改跟自己發展,怎料原來她是那種勾到了,便會隨手拋棄掉的賤人,又或者,一切都是自己一廂情願而已。

    事隔多年,小弟亦已經放下了,找到了個更好的另一半。不過,更伏的是這位賤女人至今仍是在同一間公司工作的同事,甚至已經晉身高層,每天碰見她仍需扮作若無其事地打招呼,心裏是有點難受。

    回覆刪除
    回覆
    1. 你呢個case,三言兩語真係唔知點覆...我應會另行撰文,等四月頭出。總之,你先平復心情丶珍惜眼前人吧!

      There is nothing for your future from the past.

      刪除