2017年1月9日 星期一

不能財自的“藉口”: 小孩/寵物

我一直有追看海外博客的網誌, 他們對技資理財, 都有個人的見解。但間中, 也會看到一些較離奇的觀點。例如:

“Select an appropriate pet – Things like fish, rodents and birds cost a lot less than cats and dogs.”

更甚者, 我早前見過一名英國blogger這樣説: 盡量不要養小孩/動物, 把省下的錢作複式投資, 你會更快賺取財務自由。

生活的各種選擇, 都與金錢有關係。但你總不會以金錢, 來衡量所有人事的價值吧? 你的父母不生育你, 財務擔子肯定會輕很多。但你希望父母為了“極速財自”, 而令自己冇機會出世嗎?

而且, 不少人混淆了“慳”與“賺”的概念。舉例説, 我决定不買游艇, 頂多只能説是慳了一筆虛擬的錢, 但不能説我“賺”了六至七位的數字; 同理, 對沒有小孩/寵物的人來說, 他們是省了錢, 但卻不是“賺”到複式運作的錢。
-----------------------------------------------------------

近期見各位blog友分享親子生活。雖然我冇兒冇女, 但既然家中有兩隻貓咪, 今次就扮一次“車厘媽媽”(嘔!)講下温情嘢吧。

人地英國佬“遇上街貓Bob”, 而我就“遇上港囡貓”, 所以大家的命運亦迴異。Bob仔的主人出書又拍戲(財自咗?), 而我, 就梗係繼續捱啦......

其實我的大貓非常乖巧懂事, 曳既主要係細貓。今次就介紹下佢幾咁“港女”:

每晚定時定候, 佢都要R罐頭食(主糧就永遠剩底幾粒)。如果你唔俾佢, 佢就棟起嗰pat pat, 一路阻住你睇電視, 直到你屈服為止。


近期天氣凍了, 貓咪都喜歡找暖處休息。大貓(右)剛找到電腦後發熱的位置, 細貓(左)便即刻狗衝埋去。佢夾硬黏住大貓, 難怪被怒睥了!


為了清楚細貓的港女傾向, 我安排咗個終極測試: show珠寶。果然, 她一見到有哋bling bling嘢, 就立即擰轉身、東張西望撰好貨!
 


我一關掉珠寶網頁, 佢就9秒9仆咗去瞓。佢既潛台詞係: 工作賺錢, 是你們大人的事, 本小姐只負責分賊贓(大舊嗰份)。
-----------------------------------------------------------

雖然細貓有點老奉、貪心和港女, 但在我心目中, 她及大貓的地位, 都是獨一無二的。

正如父母們對孩子, 也會視之為無價寶。即使上天説可重新造一個更完美的孩子, 他們亦不會以現時的兒女作交換。

當然, 我相信有些人是討厭動物/小孩的。然而, 假如你是真心喜歡這兩者(或其一), 但卻純粹為了省錢, 而放棄自己所求。那麼, 我就只能為你感到惋惜了。

大家對孩子/寵物有甚麼看法? 如你有特別的經歷及感受, 歡迎在此分享一下呢:)

37 則留言:

  1. 我一出世就有貓倍伴,人生大部份時間都有貓。
    現在兩貓仔,兩人仔。
    貓都算老了,又可以教下小朋友什麼是生老病死。。。
    可能我舊頭腦,竉物都係畜牲,見到唔少港人都當仔咁鍚,覺得好怪。
    我都係比野佢食訓就算,偶爾傾下計抱下咁啦。

    回覆刪除
    回覆
    1. 謝謝70兄的分享!無論對小孩/寵物,都不應溺愛過度,凡事失衡便不好了。

      可能不少都市人生活空虛(包括我),所以有些人當了貓狗做兒女,也不足奇。然而,我又覺得:寵物是主人生活的一部分,但主人卻往往是寵物生命中的一切。所以做個負責備的主人,是必須的。

      刪除
  2. There is a lotion:物似主人形~
    Maybe your cat is 港女 for a good reason:)

    回覆刪除
    回覆
    1. 係呀Keith兄,話哂“物似主人形”,所以我相信你以前養的雀仔英文係好叻的=)

      另“there is a lotion”...你是想説“notion”吧?

      刪除
    2. Oh it's just a minor typo, no worry plz; )

      刪除
  3. 我一直以為係兩隻,原來唔止,哈哈😂

    回覆刪除
    回覆
    1. 呵呵塘人兄,我係得兩隻貓啊~但佢地動作粗魯,所以常被誤會為男仔😂😂

      刪除
  4. 多謝Cherry分享,有寵物爲伴確爲人生帶來很多美好回憶,不是金錢或時間可以買回。

    回覆刪除
    回覆
    1. Thanks Michael兄!同意動物也是主人生活中的重要伙伴。牠們年老後,更需悉心照料呢:)

      刪除
  5. Cute cats!
    多謝妳提點我開户既事宜啊, 我都差D俾驗證碼嗰part fake親~~

    回覆刪除
  6. How big is ur apartment?

    回覆刪除
    回覆
    1. Sorry it's not my interest to reveal this publicly...but I once mentioned it in my previous comments.

      刪除
  7. 坦白講, 我對寵物就感覺普通, 只記得以前養過一隻摺耳貓, 但有一日無端端死左, (好似係心臟病突發...) 自從呢次經驗, 我父母都冇再養, 因為寵物即使不是人, 死了依然是令主人很傷心的.

    回覆刪除
    回覆
    1. 謝謝Joseph兄的親身分享!同意動物即使不是人,生離死別也會令主人很傷心。但我是贊成領養動物的,家中的貓咪也是從義工處領養回來。

      話時話,Joseph兄身邊咁多異國性感野貓~唔使再養真正的小動物啦XD

      刪除
  8. //盡量不要養小孩/動物, 把省下的錢作複式投資, 你會更快賺取財務自由。
    此君適宜辟谷斷食煉仙,把省下的錢作複式投資, 會更快財務自由。

    回覆刪除
    回覆
    1. 哈哈池兄靚抽!呢哋苦行僧,只需預錢在山谷裝wi-fi就得,避開俗世、吸空氣成仙~今日即刻財自咗啦XD

      刪除
  9. 養魚其實亦嗮好多錢的。我以前試過,成缸魚一齊走得好突然,勁傷心。

    P

    回覆刪除
    回覆
    1. 謝謝P你的分享!我見過有人養鋰魚,連續換了幾次缸,每次魚兒都是不夠一個月便相繼病死。

      我個人認為倉鼠、魚及兔仔都較難養,反而貓/狗等大型的寵物,medical history會易些追溯。但無論養什麼寵物,時間和精力都是少不了的。

      刪除
  10. 網誌管理員已經移除這則留言。

    回覆刪除
  11. 妳有為貓囡們絶育嗎...我家的是兩隻貓兒子畢竟不會生baby,而切掉蛋蛋又怕他們疼,所以我也猶豫要否替他們絶育呢(+﹏+)

    回覆刪除
    回覆
    1. 樓上的匿名人,我已按妳要求刪走留言、並去除妳的名字重登了😅😅

      貓狗一般絶育後,會較少機會患上某些疾病。而且不絕育的話,牠們的叫春聲也會煩擾鄰居。妳不妨認真考慮清楚啊!

      刪除
    2. 貓公唔奄會四圍ALL 尿!
      貓女好D, 只會亂叫...

      刪除
    3. 吓?我隻細貓無論絶育前後,都鍾意周圍尿尿同怪叫😂😂

      刪除
    4. 週圍尿可能係唔開心。。。

      刪除
    5. 咁應該係佢唔太喜歡我呢件主人😂😭

      刪除
  12. 小學時養過烏龜,死左勁傷心,之後就咩動物都唔想再養了

    回覆刪除
    回覆
    1. 真是難過的經歷,謝謝Mike兄分享。其實我的貓咪已屆壯年,要更好地預備她們的老年生活了。

      刪除
    2. 我細個時都同呀妹一齊養過龜,死左我地係屋企搞葬禮,個時係新年,跟住比婆婆罵 :P

      刪除
    3. 謝謝你的分享。小朋友想為寵物搞葬禮,也是人之常情啊!

      我以前的鄰居倉鼠死了,她用泥膠整個小棺材俾倉鼠,俾阿媽發現後當然是打pat pat XD

      刪除
  13. 我好耐以前都寫過好幾篇:

    https://magicianyang.blogspot.hk/2007/12/blog-post.html
    https://magicianyang.blogspot.hk/2006/12/blog-post_35.html
    https://magicianyang.blogspot.hk/2006/10/blog-post_28.html

    回覆刪除
    回覆
    1. 謝謝魔術師兄的文章分享!你咁鍾意小動物,希望你快哋撞到隻自來貓囝/囡吧~

      刪除
  14. 森而同動物絕緣,養乜都死,連最易養既金魚,巴西龜都養得死,慢慢對寵物已經冇感覺,養人算了。

    回覆刪除
    回覆
    1. 謝森而兄分享!動物的生死,並非主人可直接决定,盡了力便ok
      了。

      反而養人要花的心力大好多,㚞而爸爸加油啦:)

      刪除
  15. 哈~剛開始我還以為大貓是要看電視,原來是為了吃罐頭,還有那個珠寶測試實在是太搞笑了 :D

    我小時候有養烏龜,記得一次看見他躲到殼裡面,不知道哪裡來的想法,想靠嘴巴呼氣讓他出來,結果...就被咬了一口 =.=

    回覆刪除
    回覆
    1. 謝謝Yanwei兄的分享!我家的貓都很有性格,當正自己係主人咁XD

      原來你小時候養過烏龜,牠們咬人非常痛的~我有學生俾龜仔咬了,之後要即刻看醫生😐

      刪除