2016年6月7日 星期二

迷信"星座"的搲銀新招

小妹近日的工作已到了peak season。雪上加霜的是,連我的親人亦因工作關係,要通宵砌模型作promo之用:



雖然我也幫了少少手,但親人要連踩三日,最後整埋飛線駁燈,模型才大功告成。搞呢哋小飾品,分分鐘可以冇咗半條人命呢!




由於近日較忙的關係,小妹今次都係寫番哋輕鬆小品吧。身為一名頹教徒,我向來都不迷信塔羅牌、星座等東西,只會當係笑話咁睇。但美國哥倫比亞大學的研究卻發現: 在1985至2013年期間,於New York-Presbyterian Hospital/CUMC就醫的一百七十多萬名病人,其中罹患的1688單病例,都可按其出生月份來作出歸類。即不同月份出世的人,會傾向患上不同種類的疾病:

(Photo source: www.marieclaire.com)



小妹第一時間查下12月(即我的誕生月份),卻覺得不準確。圖文說我會容易有bruising, 但我瘀傷的頻率,遠比身體的其他敏感徵狀少。而表面上最健康的5月及7月寶寶,他們究竟是天生就冇乜病痛,還是病症較雜所以不能歸類? 這就不得而知了!

反之,如果我用小心心眼的角度看,這個研究,有可能是鼓吹某些月份出生的人,多去看醫生,和多使用保健產品。外國的媒體研究過,最多富人的星座為水瓶座,而最少創業者的星座則為巨蟹座。驟眼看,一些較易盛産"有錢佬"的月份,其綜合病症亦會更多。他們除了克服"先天的病痛"外,還能同時努力賺錢,真的"精神可嘉"! 一眾私營醫療機構,當然要更落力為他們"服務"了=)

相信大家對照這幅圖後,第一個反應都是一笑置之。然而,即使我們不會主動付錢去算命占卜,迷信的概念,仍是會對我們產生潛移默化的影響。單以星座為例,要搲錢的途徑已經有好多:

1. 將明星與星座匹對
無論一個幾唔信星座的人,只要人哋同佢講其星座的正面特質,他心底都會立刻對號入座的。雜誌的專欄,亦愛將不同的名人臉孔配上其星座,令該星座的讀者看到内容時,不自覺將該明星的迷人之處,也套到自己身上。久而久之,讀者便有更大的動機,去留意該明星的新聞、電影或唱片。

2. 將商品與星座配搭
某些首飾、服裝公司等,會將其產品market為適合不同的星座人士。而特定的物料或配撘,亦可成為當事人的"吉祥物",令他的工作/財運/愛情/健康,發展更如意。

3. 激起人們的好奇心,促進消費行為
我們日常接觸到的星座資訊,多是大包圍的分析。求知慾強的人、或不認同其"太陽星座"特質的人,都可以用多些錢及時間,對這範疇無止境地深究下去。月亮星座,上昇星座,星軌移動...總之乜都撈埋一份,講到你滿意為止!

畢竟,星座學說已有過千年的歷史,而其衍生的產業,亦為不少人帶來職位及收入。大家對各類風水、相學有甚麼看法? 迷信心理,是否影響了人們的消費行徑? 歡迎在此分享一下=)

P.S. 在池兄上篇blog文内提及的board game聚會,暫時已有狸貓太子兄、Peter Pan兄及醉心兄報名。如大家有興趣的話,請發電郵向我報名: cherry.neverland@gmail.com
多謝哂^^



50 則留言:

  1. Bruising唔使睇醫生喎,你應慳番唔少醫藥費:)

    回覆刪除
    回覆
    1. 阿Sue,我個出生月份多窮人嘛(其實主要是被我一人拉底個mean,呵呵),所以藥廠都費時market我=)

      刪除
  2. 我見到有高達!!!! 另, 我猜友人也是一名老師.
    星座我不信, 但用黎溝女是十分有用!
    理得佢真定假, 有用就得, 你咩星座呢?

    回覆刪除
    回覆
    1. 呵呵70後兄見到Gundam真眼利!但我家人並非教育界的。如果做老師要砌呢哋模型既話,佢一定快過林x思爆粗囉=)

      我自小已覺女仔學星座是為了八卦、男仔學星座是為了追女,所以我便更不信了。為免被定型,我都係唔喺度講自己幾月幾號生日啦=)

      刪除
  3. 9月的我, 原來是多病一族, 真係唔講唔知, 哈哈

    回覆刪除
    回覆
    1. 迷信呢d野, 在人類既歷史, 以前有, 現在有, 將來都應該會一直有

      刪除
    2. 呵呵Joseph兄不會信這些偽科學吧!BTW, 9月-10月最多人出世(因計番十月懷胎,BB多是在12月這個festive season被conceive的),所以藥廠一定會sell爆你哋=)

      刪除
    3. 迷信呢個行業真係養肥咗唔少人。
      我以前有個小學同學,她有十幾個兄弟姊妹(同一母親生),她的父親就是做風水佬的~

      刪除
  4. 搞得掂星座,何止搲銀,過去呢樣係「國師」級的專業。

    回覆刪除
    回覆
    1. 池兄所言甚是!其實依家搞得掂星座既"專家",都可以靠上電視、出書、辦講座等賺大錢了。天下的"大師"們,皆是如此搲銀=)

      刪除
  5. Agree迷信的東西養活了很多人。

    大抵是因為人不接受生命及事物的隨機性, 一遇到不幸的事就賴環境、賴命水等, 才衍生了如此多不客觀不科學的「知識」。

    回覆刪除
    回覆
    1. 非常認同R兄的一番話!除了不接受生命及事物的隨機性外, 有些人根本成世都不想付出。不論是財富/事業/健康/愛情,有哪一樣是不作任何努力,就能垂手可得的?

      以為靠迷信偏方就能成功的人,未免太天真了嗎?

      刪除
  6. 香港學生鍾意睇星座, 因為我女以前讀書時都有買星座書, 但我就好少睇, 只睇中國十二生肖運程書, 因為是由古時傳落, 而聽得媽媽由小時講生肖性格和運氣多, 但只用來參考, 唔會100%信 !

    回覆刪除
    回覆
    1. 呵呵謝謝Lisa的分享!我都估到妳較喜歡看中國的風水命理=)

      比起星座,我覺得風水反而仲多哋参考價值。山、水的不同格局,真係會激起一個人的心理反射。

      以深井為例,點解佢對山面海,哋單位都賣得唔貴?皆因佢多山但不茂密、有海但方位不好看。睇到的人,都唔會覺得太旺。

      刪除
    2. 除此以外, 環境科學能影響健康和精神, 進一步影響日常表現, 形成所謂的「運」也是有可能的。

      刪除
    3. R兄所言甚是,具奇特之處的居住地,其環境科學是有可能影響一個人的行為及思緒的。

      日常工作中,我去過大量的住宅。最講究風水的,便是一些上了岸的生意人。就如我入過半山愛x大廈内的兩個單位,一入門就見到過百條大錦鯉在魚缸游來游去,相信是主人想作辟邪之用。

      刪除
    4. 噢當然,太迷信仍是不好的。風水係幫到某些人心安理得,但人生的成就,主力還是靠自己吧=)

      刪除
    5. 其實妳份工係咪煙幕?
      成日上人地屋企昅野,cherry姐實際上係AA睇樓/風水婆嗎?{(-_-)}

      刪除
    6. 嘩乜Sue咁睇得起我呀?
      AA/風水婆比我現時做的人工高好多喎~但我都係鐘意自己本行多哋=)

      刪除
  7. 就如風水書, 也有一樣的參考價值 !

    回覆刪除
    回覆
    1. Lisa説得對呢,但參考之餘,絕不要迷信。未來還是要靠自己的呢=)

      刪除
  8. 玄學是有其用處,
    但用家迷信,每事問,阻止不了,

    有運,但不努力,乜都係假

    回覆刪除
    回覆
    1. 謝謝Scott兄的留言!個人覺得,玄學佛家都蘊含導人向善、叫人唔好太執著的哲理。當信徒硬要鑽牛角尖問到底,便早已違反此教的精神,亦難以得到真正的答案。

      一世流流長,點都會有行大運的時機。如何把握,便看個人造化了。

      刪除
  9. 嘿嘿...

    紫微斗數, 風水飛星, 掌面相等我都學過下架!

    http://magician__yang.mysinablog.com/index.php?op=ArticleListing&postCategoryId=144098

    回覆刪除
    回覆
    1. 嘩魔術師兄實在太堅!你幾時開班為我們一眾blog友睇相呀XDD

      等我好好刨下你link内的文章先=)

      刪除
    2. 千祈唔好留言, 我已經dump哂成個blog搬緊了!

      刪除
    3. //魔術師兄實在太堅

      過獎,我的能力圈比偶像博客、價值大師等人可能大少少咁啫!

      刪除
    4. 放心呢,我就心領神會、不留言吧=)

      認真一問,魔術師兄可推薦屋宅的風水書俾我看嗎?初楷亦可,我只是參考一下。因為我實在上得太多單位,有時睇多哋都好!thank you~

      刪除
    5. 你也太謙了吧!叻咁多,仲話"少少"=)

      其實大多人都不會特別留意風水,通常生活過得正正常常的懶豬,有空會寧願睡覺也不看這些呢。

      刪除
    6. "其實魔術師係故意唔揀有露台同工作平台的屋,多隻香爐多隻鬼,實用性唔大(起碼魔術師一個人住,唔會晾衣服在外,更唔會懶中剷咁走出露台嘆紅酒伸懶腰遠晀無敵海景有lifestyle),做清潔先係最煩。"

      呢句串到我應一應啊!每星期齋洗一次露台,都已經攰到扒地了~

      刪除

    7. //屋宅的風水書俾我看嗎
      蔣匡文系列喇, 一啲都唔academic.

      //每星期齋洗一次露台,都已經攰到扒地了~
      有親戚叫我請鐘點,但我又唔慣自己做大少咁坐係梳化望住人做嘢.

      刪除
    8. 謝謝魔術師兄推薦!買本刨下先=)

      其實請鐘點都可以既,唔好當人地係工人咁點就OK! 我見過有人養唔起賓賓,請個家務助理,都要人地稱呼自己為Madam~

      刪除
  10. 用迷信來解釋現象唔使花太多口水, 反而講道理就難以服人了

    回覆刪除
    回覆
    1. 謝謝塘人兄留言!用迷信途徑的話,人家還會當係大師拜呢=)

      刪除
  11. 作者已經移除這則留言。

    回覆刪除
  12. 星座作爲參考有時都有點樂趣,但不會太認真。好野 ! Peak Season 加油 :)

    回覆刪除
    回覆
    1. 謝謝Michael兄的留言及支持!有時面對新認識的朋友,用星座作破冰題目也不錯呢=)

      你佈置、裝修新居時也加油呢!也可在blog上post相update大家=)

      刪除
    2. 要明年先入伙,有排等 :D

      刪除
    3. Michael兄是買了樓花?咁真係唔駛咁快諗裝修住,抖下先都得啦=)

      刪除
  13. 哇! 蛋糕店看起來有溫馨感,會想走進去~。

    對於風水,我覺得是古人將累積的經驗包裝成各種模型,猜測或許這樣會使聽的人比較容易了解、甚至是方便使用與查詢。比方說像是居住的房子,裡頭的格局、擺設、環境(光線、空氣、水、聲音等)都會影響到人的感受,可是如果要逐一說明為什麼,會太麻煩了,所以就整理出一套可以讓人可以聽懂的方式來~~

    以上,純屬個人猜測。

    回覆刪除
    回覆
    1. 謝謝Yanwei兄的鼓勵!這個蛋糕店作品,算是比我以前的美勞作品好一些了=)

      刪除
    2. 你的解釋很詳盡呢!環境的和諧一致性,對生活的滿足感有很大幫助。

      我信基督教的,並以此為内心成長的模範。但面對外界,我亦樂於用理性思維,多了解不同的學說。我覺得包容及理解心,比起排他性的宗教行為,令社會更樂融融呢。

      刪除
  14. 回覆
    1. Michael兄咁勁~快哋寫番個養生blog吧=)

      刪除
  15. 回覆
    1. 作者已經移除這則留言。

      刪除
    2. Hey 狗股兄~我FB好似冇收過你的msg喎...而且我唔覺有add過你?

      穩陣起見,你可在70後兄的新blog post内留言。佢先至係搞手嘛!或者你send email問我都得: cherry.neverland@gmail.com

      刪除
    3. 作者已經移除這則留言。

      刪除