2016年7月6日 星期三

遠離捱驢仔的"偽筍工"

暑假將至,一眾DSE應屆生及大專同學們,都會搵暑期工賺外快。小妹的朋友在公共圖書館任職,近期亦收到不少中六生的求職信。
圖書館的暑期職位,表面睇好似好荀,有冷氣歎,又不需太多的體力勞動,但原來今年的暑假工,酬勞只有每小時$32.5(最低工資)。而未做滿四個月的員工,更會被倒扣數百元的bonus。一眾打算賺夠便去旅行/大學O camp的同學仔,要預咗糧單嗰度再少筆錢了...

我的友人和其同事們,都覺得圖書館的外判工及暑期工,待遇愈來愈差。即使在麥當勞做全職,賺到的總數加伙食供應,都比在圖書館做強多了。(當然,圖書館的一些正規全職,報酬也好不到哪裏去,因頂薪只有萬多元一個月而已。)

既然勞工處每年臨近暑假,都會在網頁内附上求職指南,以提醒年青人免墮求職陷阱。那他們不妨將政府旗下的"黑店"部門,也加在指南裏吧。

做暑期工時被搵笨,尚且情有可原,因青少年可從此汲取人生經驗。但畢業後,仍甘願長期待在"捱驢仔"的崗位,那又是出於什麼心理呢?

我對很多行業都不熟悉,只覺得一些看似有前景的工作,實際上只是虛度當事人的光陰。而中、小學的"教學助理",便在此列。



從FB group "老師心聲"(其實叫"老師呻聲"更貼切)得知,很多學校開設合約制的"教學助理"一職,表面上給予當事人可轉為正式老師的機會,但實際上,只是想用到佢盡,要其負責大量的課堂教學。工作職責上,他們與正規的老師無甚差異,但卻被勞役得更多、支薪得更少。

早前看到一名現職教學助理的博客作者分享,她及她的丈夫早前結婚時,婚姻註冊書上標名二人的職業為"教學助理"。他們都是畢業了兩、三年的年輕人,年紀上可做我弟妹了。要一對大好新人,揹上這種職務名函去結婚,又令人於心可忍?

小妹並非高薪一族,但亦大概能分辨那些要狂捱驢仔的"偽筍工"。它們多以"美好前景"為誘餌,但實際上的待遇及前途,都頗受僧多粥少的環境影響。這些"偽筍工"的特徵,略述如下:

(一)、業内的老前輩、同輩們,不論是出自個人利益,還是真心為下一代好,都不想年輕人再入此行。

(二)、在公開的分享平台上,同業們對自己工作的評價,都是負面遠多於正面。

(三)、業内的晉升途徑和薪金計算方式,透明度較低。同工不同酬、不平等待遇等衝突,時常可見。

(四)、每逢網絡上有"正能量"的分享,如由合約制轉為終身制、成功入管理層等,都會招來一大堆同行的妒忌。

我也同意,所謂"財務自由",自由的意義是大於財務本身的。如果做了多年無意義、捱驢仔的工作,甚至需接觸不少nasty的職務,那麼這種"事業"帶來的錢財,恐怕也難以予人心靈上的滿足,甚至令人在退休後仍耿耿於懷。

大家眼中的"偽筍工"又是如何的?歡迎在此分享一下呢=) 謹此亦祝福大家找到美滿的工作、成就理想事業!

43 則留言:

  1. 暑假真的好多搵工陷阱,見過一些中學的師弟妹都中過招,為了"看似"很好的收入而中招,其實都是貪心累了事。

    回覆刪除
    回覆
    1. 謝謝80後兄的分享!暑期工中的"偽筍工",應較容易辨認;但畢業後要遠離的"偽筍工",則要花些心力去思考了。真係要打醒十二分精神呢~

      刪除
    2. 是的,畢業後要遠離的"偽筍工",但有時都可能會中招,真係要打醒十二分精神。

      刪除
    3. 對呢,有時某些工種,真係做了幾年才發覺"中伏"...如果有家庭負擔的話,想轉行重新發展,便不是容易的事了。

      刪除
  2. 還以為會說不論學歷,彈性工作時間,即時出糧的“工作”……

    =p

    回覆刪除
    回覆
    1. 呵呵太子兄專出呢種posts請後生仔的~我唔好意思篤爆你呢=)

      刪除
  3. 還以為會說不論學歷,彈性工作時間,即時出糧的“工作”……

    =p

    回覆刪除
  4. Good jobs are hard to come by in the QE era~ high salary is offset by high costs of living too.

    回覆刪除
    回覆
    1. 謝謝Keith的留言!在發達城市裏生活,真的非常不容易呢!做好財務安排,盡早脱離捱驢仔行列便perfect了。

      刪除
  5. 天下 偽筍工之首,
    睇怕都係會計啦。。

    回覆刪除
    回覆
    1. 呵呵,我都估到Scott兄又會唱衰accounting=)

      你最近好像寫得冇咁密,是否工作太忙呢?祝加油好運!

      刪除
    2. Accounting 呢個名真係呃左唔少人,
      已經不是講好工與否,而是長期捱下去,
      值唔值得?
      工作有點忙,加上題材要再尋找一下 XD

      刪除
    3. 所以我以前唔少舊同學一捱夠三年,做到chartered accountant, 就即刻離開big four,費時搵命博捱到殘!

      呵呵咁祝你業務蒸蒸日上先,得閑先寫blog吧=)

      刪除
  6. 我幾年前做過圖書館外判工 都係呢個價...

    回覆刪除
    回覆
    1. 謝謝進步兄的留言!
      咁睇黎圖書館的刻薄作風,真係咁多年都冇變過...

      刪除
  7. 之前塘人回港又正好暑假,手上的微信有很多進取的女仔主動問塘人要不要找Model影相,還能Cosplay,搞到愛好動漫的塘人心癢癢。

    回覆刪除
    回覆
    1. 嘩塘人兄今次有料爆~少女們要賺錢真的十分客易,兼且可以受埋兵,一石二鳥呢!

      可惜塘人兄的太太應唔俾你搵model影相的了~你都係上網揾蘿莉先啦=)

      刪除
  8. 偽筍工,又點少得「實習記者」。

    回覆刪除
    回覆
    1. 我睇新聞,港姐麥明詩以前都做過"實習記者"喎~

      當然,佢係玩玩下的 ~ 跟一班無家底但卻有志從事新聞業的年輕人,不能相提並論。

      刪除
  9. 感覺上, 呢類工係不同行業都唔少, 不能盡錄.

    打呢類工, 長線也是可行的, 在以下其中一個條件下:
    (1) 死捱幾年後, 晉升機會多. 公司晉升架構透明, 沒有政治任命, 單用員工能力計晉升
    (2) 自己另找搵錢機會如投資等. 過幾年, 有一筆自己錢後, 即quit 唔做.

    回覆刪除
    回覆
    1. 謝謝Joseph兄的詳細分享!我覺得(1)較似是一些要考牌、純技術型的工種。

      而(2)應該係blog界内大部分朋友的目標吧=D

      刪除
  10. 我曾經是局內人,深知教師這口飯不易吃。
    校長太多人揀,唔會珍惜你的付出。加上佢哋轉哂長約,都懶理你嘅處境水深火熱。

    回覆刪除
    回覆
    1. Grace妳對此行業的認識,應比我深入好多。但合約老師始終比教學助理幸福哋,抱着"教育理想"的助理們,仲要年年續約等轉perm ~ 試問幾多人敢買樓生B?

      刪除
  11. 作者已經移除這則留言。

    回覆刪除
  12. 我同意Joseph兄第二點投資。好有多人勞役一生也未必找到自己enjoy的工作,唯有達到財務自由後可把人生贖回,從此做自己喜歡的事

    回覆刪除
    回覆
    1. 是的,投資為我們帶來一個機會,有機會自己選擇。

      刪除
    2. 謝謝Michael兄的留言!在香港地,要找一份個人真心enjoy的工作,好像不是易事呢...

      所以blog界中才不少朋友想早日財務自由,我們大家都繼續努力加油吧=)

      刪除
    3. 80後兄,從小開始有紀律地投資,人長大後便更多選擇,小朋友真係應該從小便學習"複息效應"!

      刪除
  13. 偽筍工我做過,本地細證券行的分析員。

    回覆刪除
    回覆
    1. 咁散户兄你應該從工作上套到唔少料,對個人的投資應有幫助=)

      刪除
  14. 打工仔覺得自己薪酬唔合理,隔離飯香,是世界通行的真理吧

    回覆刪除
    回覆
    1. 醉心兄所言甚是,職場環境,永遠都是有比較的,所以個人亦要調整好心態。

      做好自己的人生安排及理財,自然唔會咁易受他人影響呢~

      刪除
  15. 其實你自己份工都唔係好筍啫~使唔使咁串人呀?/_\

    回覆刪除
    回覆
    1. 唉阿Sue,我邊有話過自己份工筍呀/_\ 只係自由度較高而已。

      但妳想像下,如做緊合約制、待遇又差既工,而當事人仲有家庭重擔既話,生活會有幾痛苦?

      幸運不用捱驢仔的,便應感恩,而非覺得自己比人家優越!

      刪除
    2. 係喎~我印象中,你之前係咪話過想試下入海外的博客group?

      刪除
    3. 妳真係好記性!但老實講,我之前曾在文章(傾向負面)評論過某些海外bloggers,為免夜長夢多,都係唔搞咁多野先,免得被翻舊帳。

      刪除
  16. 「如果做了多年無意義、捱驢仔的工作,甚至需接觸不少nasty的職務,那麼這種"事業"帶來的錢財,恐怕也難以予人心靈上的滿足,甚至令人在退休後仍耿耿於懷。」

    說得很好,我最怕的就是到退休時後悔沒有提早退休。

    回覆刪除
    回覆
    1. 謝謝R兄的支持!你財務安排做得咁有規劃,相信提早退休的日子已不遠了=)

      我所指既"nasty的職務",尤其是那些office politics和陰質的商業行為。人在江湖,始終難做100%的好人,但能盡早脱離刻薄的環境,便算是獎賞自己吧!

      刪除
  17. 呢個世界冇筍工,筍只係旁觀者覺得,當時人永遠唔覺,世上最筍只有唔駛做齋玩。

    回覆刪除
    回覆
    1. 謝謝森而兄的留言!我也覺沒有100%的筍工,樂多於苦已算不錯。

      但日日"唔駛做齋玩",又好似會厭悶,還是搵少少世藝搞下啦=)

      刪除
    2. 只要跟自己興趣去玩,而且玩得夠講究,例如去全世界既雪山滑雪,去不同既水域潛水,到世界各地景點攝影等等,玩唔一定係hea玩,可以玩到好認真同好忙,點會厭悶。

      刪除
    3. 呵呵森而兄所言有理,你講呢種已是近乎專業水準既"玩",冇番咁上下財力及生活自由度,係好難做到的~

      可能我哋宅女興趣太passive,所以好難體會到日日認真"玩"的樂趣=)

      刪除
  18. 作者已經移除這則留言。

    回覆刪除