2016年7月1日 星期五

(intermission)財務大師的"pillow talk"


近期看到不少blog友公佈了近半年的投資回報,小妹非常欣賞大家的毅力。先祝福各位在投資路上百尺竿頭、更進一步!繼續寫多哋好文呀=)

可惜小妹的portfolio極悶,沒甚麼好分享的,惟有搞下gimmick! 横豎來到年中,就好似哋音樂大碟咁,中間位加番首"intermission",俾大家呌下氣都好嘛。

最近看了不少海外的財演博客, 有點靈感。小妹技窮,僅以拙筆寫一篇虛構的微小說,歡迎大家改編改寫:

------------------------------------------------------------------------------------------

財務大師們要討論開班,今次撰了一間隱閉的房間開會。

A(有點不安):  今次仲乜揀哋咁僻既地方呀? 
B:  我哋開既班係商業機密,點可以俾其他人偷聽架?尤其某幾件bloggers,成日想抄我哋條橋賺錢,不得不防!

A:  佢哋真係好卑鄙!連哋數字都要抽水,作埋哋乜"362%"、"90000%"回報率喎...
B:  班人無料到,先要抄我哋啫!好啦不要動氣,我哋言歸正傳,講下今期暑假開咩班好?

B:  最近睇咗<没有起跑線>,原來依家好多人都話要贏在射精前。我有諗過,教小朋友理財呢一飯,都算係藍海市場。
A:  都係喎...其實小朋友都係好既niche。佢哋由細開始向我們學理財,會更容易建立brand loyalty,第日大過咗,又會繼續上我哋既advanced course。

B:  Great idea! 教學方面,攞哋初中既經濟書同佢哋傾下就得啦。反而,我哋自己開班既回報率,就要set高哋。
A:  點set高哋呢?
B:  首先,開班地點方面,我唔想再俾錢book場啦。

A:  即係揀免費既M記或肯記?
B:  Bingo!我計過啦,雖然呢種場地唔可以收太多學生,但勝在水電租場費係$0。
B:  嗯...當我哋每堂教兩個鐘,喺一張枱教約8個學生,每人收$400。咁扣埋我哋既影印費(肯定在$20之内),總回報應有15900%。

A:  正喎!每次15900%,上咗6次已夠95400%。勁過某blogger講既90000%呢!
B:  而且暑假流流長,每個星期上幾堂,累計回報將以數十萬%計。
A:  除咗收學費以外,我哋可以用自己既書為參考教材,要求每個家長和小朋友買齊成套。
B:  Great,咁又可以賺多哋啦!

A(鬆口氣):  既然target audience和ROI都定好咗,咁我哋仲欠個吸引嘅課程名啫。
B:  哼,今次嗰名一定要作得勁哋。不如叫<投資十誡>?噢唔係,應該叫<投機的五十道陰影>!
A: 吓?!小朋友班喎,呢個名好似太過....

一陣強風吹過,房門自動關上。大師們的"pillow talk",已經聽不清楚了。

------------------------------------------------------------------------------------------

點解睇下睇下~有少少似曾相識既?皆因此文的題目"pillow talk",係抄自外國脱歐(係脱group)歌手Zayn Malik的同名歌曲"Pillow Talk"。既然家人又笑我抽水,咁我今次喺度post番video link做source啦=P 祝大家周末愉快!



59 則留言:

  1. 好似你很少提持倉,不過我覺得你寫的似心靈雞湯,很少會很錢腥。
    學投資最好靠自己,好多又平又好。

    回覆刪除
    回覆
    1. 謝謝價值兄的留言!我的確較少提持倉,因有些投資是和家人合資,夾硬計番又好像有些市儈~所以都係講番"偽心靈雞湯"好了=)

      其實像你般自己學投資、學英語,再灌輸給下一代,也是美事!

      刪除
  2. 哈哈,學魔術師師兄的劇場體,加埋字母先生們的神情動作描寫會更好睇。
    話時話,池某最多只能晒到回報260000%的「飛」,比起「暑假流流長,每個星期上幾堂,累計回報將以數十萬%計」真係要投降了。

    回覆刪除
    回覆
    1. 呵呵池兄,你和魔術師兄的功力咁勁,我相差太遠啦XDD 另請問"字母先生"是指甚麼?

      由於個人時間乃unquantifiable value,以此為比較基礎的話,所有勞動力帶來的金錢回報%,都可以係無限大的=)

      刪除
    2. 我會揀C同P,呵呵。

      刪除
    3. 呵呵thanks池兄~
      我仲以為有blog友嗰名叫"字母先生"㖭=)

      刪除
    4. Michael ~ C同P..後面是否連埋姓氏?=)
      (可能我get錯了吧)

      刪除
    5. 不是啦~~
      CP值高(低?)嘛

      刪除
    6. 呵呵,咁我嗰blog既CP值又真係低咗哋,又唔識開course教大家增值喎=)

      刪除
    7. //字母先生,A同B呀。
      唔明,求解釋。

      刪除
    8. "A同B呀" ~ 唔係指ABCD...而係另有含意?

      刪除
    9. 哈Michael兄, 我明你C同P咩意思。

      刪除
    10. "明你C同P咩意思"~又唔係CP值咁簡單?

      散户兄可以share答案俾我知嗎?大家都變到好似"謎語人"咁神秘@_@

      刪除
    11. 少想無壞,多想亦無不可。呵呵。

      刪除
  3. NICHE <-- 你抄我D用字~!
    不過, 如果乜都唔識, 去聽下過日晨都好丫.

    回覆刪除
    回覆
    1. 呵呵sorry呀70後兄~下次喺source到cite番你大名先=)

      "如果乜都唔識, 去聽下過日晨都好丫"
      ~好多人真係誠心去學嘢架!你咁講佢哋會好hurt的=/

      刪除
    2. 作者已經移除這則留言。

      刪除
  4. 回覆
    1. Keith兄,我篇文已夾硬修飾咗好多次架啦,原本嗰version串到出唔到街/_\

      刪除
    2. 呵呵都話明"pillow talk"~原文係有少少18+禁,我都唔方便公開呢,你自己想像下吧^_^

      刪除
    3. //原文係有少少18+禁
      死啦你學埋魔術兄寫甜故。

      刪除
    4. Wanderer弟~我哋甜故,邊有魔術師兄嗰哋咁甜啊? =)

      刪除
    5. 呵呵咁我呢篇"pillow talk"要完敗了~

      你嗰套歌劇Rating係咪III級?另我戴定3D眼鏡睇action啦=)

      刪除
    6. 作者已經移除這則留言。

      刪除
  5. 真係投降:) 幾十萬%回報, , 真係好好搵. :)

    回覆刪除
    回覆
    1. 哈哈Joseph兄過獎啦!好似你咁成日識到異國美女,回報實好過開班嗰"幾十萬%"啦=)

      刪除
  6. 睇見個題目,我就諗起呢首音樂:
    https://www.youtube.com/watch?v=ijO2dA8sv4I

    回覆刪除
    回覆
    1. "intermezzo 中文譯成「間奏曲」. 這名字聽起來好像很有學問, 說穿了, 其實就是歌劇換幕時, 中間不知道要幹什麼, 所以奏首曲子給你聽的意思"

      呵呵,都幾配合我篇文,就係寫blog寫到中途不知道要寫什麼, 所以作篇文仔給大家看的意思~

      刪除
  7. 哈哈。計錯數,如果一次成本係$20影印費,咁無論上幾多次呢個成本都係唔會減少的,所以無論上幾多次回報都係15900%,上多幾堂雖然利潤數額會增加,回報率是不會變的。
    嚇得我丫,要超越我的90000%回報邊有咁易!呵呵!

    回覆刪除
    回覆
    1. 呵呵咁都俾池兄捉到個bug, 小妹佩服=)

      印象中,喺某哋文具店,大量影印既收費可由每張$0.5減至$0.15。以呢個價錢計,只要大師在六堂内派的notes不超過133張(20÷0.15),咁回報率都可keep住有95400%既=)

      刪除
    2. Btw, 如果用屋企printer印既話,咁每張既成本應該仲低過$0.15~~咁個marginal profit又可以推高哋啦XDD

      刪除
  8. 回覆
    1. Hey Sue,唔係講笑~真係有其他作者以呢本書名做parody~
      有一本烹飪書叫"Fifty Shades of Chicken"

      刪除
    2. 作者已經移除這則留言。

      刪除
  9. Cherry的投資應該是很隱陣, 悶聲地發財那種, 加油^^

    回覆刪除
    回覆
    1. 謝謝80後兄的鼓勵!你的投資心理質素比我更良好,要多向你學習呢:)

      刪除
  10. 所以Meetup大把所謂投資者要搵"學生", 其實所謂教既野都係多餘野, 但"學生"們就係咁賤, 要俾左錢先覺得係好野

    回覆刪除
    回覆
    1. 謝塘人兄留言!香港也有Meetup group叫人付錢學野,最搞笑係有哋group話每人收十幾蚊,點知係用美金個rate乘番XDD 咁都仲有人收落既~?

      刪除
    2. 作者已經移除這則留言。

      刪除
  11. 我不太明白這文章的由來...我想我一定是錯過了某處的一場好戲 ><

    回覆刪除
    回覆
    1. 呵呵R兄不用認真呢,呢篇搞笑文純粹我個人創作而已,大家笑下就算啦=)

      刪除
    2. 呵呵抱歉係我文筆唔夠入肉~
      下次再寫會努力練好哋XDD

      刪除
  12. 借地方講句,最近有位“價值投資大師”講衍生工具策略,我給弄湖塗了。

    回覆刪除
    回覆
    1. 呵呵狗股兄,偽“價值投資大師”講既衍生工具策略,其實我一年365日都聽唔明...你剩係今次先"給弄湖塗",好叻仔的了=)

      刪除
    2. 阿大師都有一位書蟲留言者, 下下quote書講乜, 然後再加埋Google Translate...我又真係好懷疑係咪有咁多人滾瓜爛熟睇完咁多「秘笈」然後「神功大成」,只係覺得citation不等於能夠融會貫通, 岳不群與風清揚的分別是也.

      刪除
    3. "阿大師都有一位書蟲留言者"~

      好似唔知一位喎?成日拋書包咁,睇得我勁辛苦~

      Citation咋嘛~我幫大師既金句"買高息股不會怎錯的"譯做英文,方便信徒下次扮ABC講番出來吧:

      "Who cares the stock price as long as there are hot dividends?"

      刪除
    4. 買高息股不會怎錯的,就如收高權金不會怎錯,我地呢d低手,識條鐵

      刪除
    5. 狗股兄...就係因為我地乜都唔識,所以又要儲$$報阿大師既course了~上貴價班不會怎錯的。

      刪除
    6. 狗股,你的留言引起我的好奇心了,是那個開班開到收埋海外學生的大師嗎?

      刪除
    7. 呵呵早月妳估得啱,大師唔只一位,開個視像教學已可接觸到海外唔少華人=)

      刪除
    8. 作者已經移除這則留言。

      刪除
    9. 呵呵,原來是那位。我客觀的說,他有一點實力,所以我信他自己是可以跑贏恒指的,不過他對價值投資的領會不夠深,教人的話還沒夠班。

      想不到這裡都不少人知道那個大師的真實料子,實在令我喜出望外。

      刪除
    10. 呵呵,早月妳的理解都好詳盡。唔夠班但又夾硬開course的,呃到人地一次,都未必呃到第二次...觀眾的眼晴是雪亮的!

      Blog界中有很多卧虎藏龍的真正高手,所以我也要繼續向大家學習=)

      刪除
  13. 作者已經移除這則留言。

    回覆刪除