2016年8月1日 星期一

平行時空下的來港退休生活

不少香港人在計劃退休大計時,都會考慮到海外定居。但大家又有冇諗過,有外國人士在達到財務自由後,竟選擇來香港過早休生活?

小妹有睇開海外bloggers的分享,其中一位名為"FI Fighter"的美國亞裔人士,本來在Bay Area做工程師。今年,他於31歲之齡提早退休,並來港定居在親人家。

在他的分享中(www.fifighter.com/post-fi/2016/07/my-simple-beautiful-life/),香港的衣食住行方便,非常適合退休人士。簡單地在家吃一餐、出街搭程車,都只是各花$0.5美金而已(真係咁平?)。咁樣,佢其他的空閑時間,又用來做咩呢?





他為了操練自己的廣東話,日日都會煲TVB的劇集,還看得津津有味! 雖然他也承認這種生活有點單調(mundane),但跟以前忙碌的三藩市打工生涯比起來,現在的日子,才是他真正嚮往的。

時間多得過份,他可以每日去做幾粒鐘gym,目標是消除脂肪及減低長遠的健康開支。夜晚他回家休息,便直接躺在房間地上的床鋪。




驟眼看,此位"FI Fighter"的生活物質和享受,簡直與一般港人眼中的"廢青"冇乜分別。消費少、電視多,惟一是做運動較為積極,亦有頻密更新blog文。比起那些死砌數字要向財自踏進一大步的港人來説,他的生活成本咁低,豈不是跟拿綜援差不多?

然而,這就是人家喜歡的人生。身為旁觀者,又有咩資格定義這是"廢"還是"不廢"呢? 很多幻想移民海外的港人,到了外國,也只會搞小圈子、不肯虛心學習當地的文化。這種井底之蛙般的港豬移民,在外國人眼中,其實也是另一種"廢青"、"廢中"而已...

話時話,當我將此"FI Fighter"的link跟其他本地blog友分享時,70兄即評價他的樣貌似南亞人,未必受香港女士歡迎。但計我話,如他以唔鹹唔淡的廣東話做賣點,又向"陳冠希"方向發展的話,話唔定生活會變得異常"充實"呢!

大家理想中的退休生活,是想每天做什麼呢? 歡迎在此分享一下=)

42 則留言:

  1. 回覆
    1. Steven兄很有孝心呢!其實從另一個角度看,有很多事情,都是財自前也可輕易做到的。

      人生中真正的奢侈品,往往是金錢買不到的呢。

      刪除
    2. 財務自由依D概念似足我舊公司講既"夢想",大概係一種共同願景,有D貌似成功到達左既人想幫其他人到達,我第一次聽覺得有點怪,竟然有個話自己發左達既人周圍教人發達既方法(當然要收錢)。如果你有條發達formula,你會唔會周圍同人分享兼收錢?

      刪除
    3. Steven兄突出了盲點!用分享及免費的方式和別人交流投資經驗,十分正常。但一班聲稱已"上岸"的大師,仍要像水蛭般汲取小市民的血汗錢。最後誰能更快財自,不言而喻了吧!

      有一位自稱成功的80後年輕人,就是quit了萬多元的正職,走去做全職投資者及開投資班。佢極睇淡樓市,講到一買樓就連續幾廿年都冇得創業咁。

      刪除
  2. 真正自由以後,我也想做多哋動物義工呢~

    回覆刪除
    回覆
    1. 我也知妳喜歡小動物,但長期在外餵哺流浪貓狗、捉牠們看醫生,身心消耗是很大的,所以我也非常敬佩一眾義工們。

      刪除
  3. //定居在親人家
    寄人籬下式財務自由?

    回覆刪除
    回覆
    1. 呵呵池兄突出了盲點,呢位blog主真係冇乜講過喎~我看佢的profile資料,只係得他以前的"美國威水史"...

      刪除
  4. 白人咩婸先喻香呀!
    帶個南亞咁樣,比阿媽見到,真係嬲死。

    回覆刪除
    回覆
    1. 70兄既留言係特登打錯字的? =P
      個阿媽見到,可能會叫他漂白皮膚、gel個撒亞人頭~點都要扮下typical既ABC樣,方便show off!

      刪除
    2. 我堅係打錯字發現唔到。白人洋腸先吃香。

      刪除
    3. 嘩70兄你唔attentive to details的程度,簡直係~
      如果你是打工人士,真係要日日带定枝Vaseline番office(不解釋)

      刪除
  5. 各人選擇不同,
    用其他國家的生活方式去對比,
    基本上,打工時代只有營營役役,
    享受不了生活的樂趣。
    自然對那地方沒有好感,

    回覆刪除
    回覆
    1. 謝謝Scott兄的留言!相信好多人都係做嗰行,厭嗰行; 住嗰度,厭嗰度。

      所以當財務上較自由時,想轉去其他地方重獲新生,也是能理解的~

      刪除
  6. does this guy pay rent to his relatives while staying at their place?

    回覆刪除
    回覆
    1. Keith兄,這一點我真係唔清楚了~
      需要人肉搜索一下他的網誌嗎?

      刪除
  7. 財務自由如果是被動收入大過生活支出,把生活支出降低可能是加快達到的另一方法。
    只是我們各人的習慣和條件不同,你可以粗茶淡飯,但另一半和父母子女呢?
    我沒話了,現先準備落三號就回公司了...

    回覆刪除
    回覆
    1. 謝謝Nelson兄的詳細分享!同意要達至財自,多是從增加收入或減少支出等方面入手。但太過苦行僧的退休生活,相信冇人想過吧?

      此FI Fighter在blog内説自己是single, 那沒有妻子/兒女,消費自然較少了。

      祝你今天下午順利回到公司,希望不塞車吧!

      刪除
  8. 退左休, 一係勁廢, 一係勁積極, 都是個人選擇而已。

    我會選擇一時勁廢, 一時積極D, 平衡返個生活(幻想中)。

    回覆刪除
    回覆
    1. 呵呵R兄的分享很有趣,其實我也喜歡一時頹廢、一時積極的生活,有時(在自己調控下)大起大落一點的生活,才更能令人體驗到人生=)

      刪除
  9. 我個人對財自既定義唔係呢款. 要自住物業, 平時生活低調, 但不失熱情, 維持自己既興趣等, 仲要保持對社會既貢獻.

    回覆刪除
    回覆
    1. Joseph兄是比較aspirational既人,對財自的身心要求,當然不會低。尤其像你這種早休後仍要深入認識各國美女的男士,財自後的"玩樂基金"是不可或缺的=)

      刪除
  10. www.fifighter.com/finance/stock-investing-thoughts/2016/07/saying-what-needs-to-be-said/

    回覆刪除
    回覆
    1. 2012 Bay Area Real Estate(300% of leveraged returns)

      2015 Gold and Silver Mining Stocks(400-500% returns)

      咁睇黎佢都有自己的發跡史(真假我唔深究了)~而且他不追求細水長流的compounded growth,而是exponential式的"quantum leaps"~

      惟他的NAV約700000 USD, 如選擇在香港買層中细價樓,就分分鐘冇乜$剩。

      刪除
  11. 心態決定境界,好似佢咁簡單既生活,只要解決到住既問題的確唔難達成目標,不過我會嫌dry左d。

    回覆刪除
    回覆
    1. 言兄講得好啱~在香港的"衣食住行",解决咗自住之後,其他野都可豐儉由人呢。

      佢呢哋dry生活,可能只係頹一排,之後就會揾哋野搞(開班?)~

      刪除
  12. 積極一面講,30歲就有0.7mil美金,都算係識得慳家儲錢投資之道。但加州居住環景比香港好,要「避走香港」,好大機會係貪住人屋企够平,同埋响美國媾唔到女啦!一見個樣就知想行cheap版陳冠蕉條雜食路線啦……

    回覆刪除
    回覆
    1. 香港比烏克蘭居住環境好,如避走烏克蘭,亦同此理。

      刪除
    2. 呵呵,Leo兄的解釋都幾惹趣=) 如此blogger在bay area的物業繼續出租,而自己則在港長居親人處,真係賺"差價"都賺到笑!

      刪除
    3. "一見個樣就知想行cheap版陳冠蕉條雜食路線啦……"

      呢方面就不知道了。但見他在blog内爆粗鬧那些質疑他的讀者(www.fifighter.com/finance/stock-investing-thoughts/2016/07/saying-what-needs-to-be-said/) 語調拔扈,
      而且言句不通,這種鬧人方法可謂跟EDC同出一轍呢!

      刪除
    4. 呵呵,70兄靚抽! 要刻意避走他處才有異性緣,相信無人敢喺大家面前認。

      刪除
  13. 不覺得有什麼可以學習的地方。

    回覆刪除
    回覆
    1. 呵呵狗股兄,yes真的没特別東西可學~大家笑下就好了=)

      刪除
  14. 我夢想可成爲一個音樂家,但退休後與三五知己玩下音樂,做下運動,陪下太太及家人已經很夠。

    另外 Cherry blog font size 比較細,我每次都要放大黎睇 ^^"

    回覆刪除
    回覆
    1. 呵呵,Michael兄是好好先生,早休生活,也是以陪伴家人伴侶為主呢=)

      抱歉麻煩了你要放大font size來看,我也奇怪為何今次圖上下的文字,調較多次仍有差別!我下次直接用laptop而非手機upload,希望可解決到問題呢!

      刪除
    2. 謝謝R兄的意見,我以後會留意番的!

      刪除
  15. 我有位朋友仔早年炒股達致財務自由,又有自住物業,每天訓到下午3,4點,再到屋企附近行下,食下野便過一天,我問他會否覺得很悶,但他覺得很享受這個生活模式呢

    回覆刪除
    回覆
    1. 謝謝Heiman妳的分享!人各有志,如果你朋友真心喜歡現時的生活模式,那他的財務自由便是有意義的(對他而言)。

      但我相信這裏的blog友一般要求都較高,純粹一層自住樓加粗茶淡飯的洗費,看來不能滿足大家的身心需求呢。

      刪除
  16. 理想的退休生活裡,就是能繼續做退休前的事! ^^

    回覆刪除
    回覆
    1. 謝謝Yanwei兄的分享!開心的生活可以很簡單。跟生命中其他範疇比起來,財自往往只是其次~

      刪除