2016年9月18日 星期日

財務大師之英雄内戰

自從六月尾的"pillow talk"後,大師A及大師B首辦的幼兒理財班,賺到盤滿缽滿。兩位大師食髓知味,現在大師B又想再加開advanced班。大師A為表友好,便親自撰文宣傳。

在文中,大師A討論報advanced班的讀者,走的是一條寂寞的投資之路。畢竟,當每個人都為了慳錢,只肯花數十至過百元買本膚淺工具書的時候,你竟然耗資四位數字在滿佈精髓的PowerPoint上? 大家都會笑你是傻子的。

大師A的一番好意,竟惹來大堆好事之徒留言批評。大師A應接不暇之餘,表面上仍盡力維持風度。惟大師B早已氣得火冒三丈,又不滿大師A打小人不力,給予敵人更多的空間去攻擊自己。

財務大師們今次又要開會,但火藥味濃厚。Blog界的正義聯盟,本應上下一心對付班evil bloggers的,但現在卻面臨分裂的危機。


B(煩燥):  我開advanced班的計劃,多得你唔少啦!
A(錯愕):  你話我篇文?我花咗好多心機寫㗎!嗰日我一放工,就沖翻屋企開電腦。我寧願擱置自己的讀者來信,都要幫你度好份宣傳稿。
B:  你年資比我少、blog齡又比我淺,邊有咁多讀者好覆?
A(面露不悦):  你也太小覷我了吧? 自從搞過一次公開研討會,我班粉絲的電郵就如雪花般飛過來。單係回應他們的問答,已夠我寫到過千萬hit rate啦!

A(繼續發炮):  為咗谷你呢個班,我仲突登讓個幾好既讀者case,幫你做開場白。但你連句thank you都冇?
B:  你呢哋咪好心做壞事囉! 寫信俾你既讀者,一般都係比較初階的投資者。但我今次開advanced班,係"advanced"啊! 你拋哋beginner case出黎,會令人誤會我前言不對後語的!
A(面色一沉):  你咁講係咩意思? 即係指你班讀者,比我嗰哋更高質素? 你唔好忘記,如非我blog以高hit rate為你導航,you are nobody!
B:  Hey, 你又唔係native speaker,竟然用英文串我? 你雞腸咁好,又唔見你用英文窒番班串我既bloggers?

A:  我同各大傳媒、報章一直合作開,所以我嗰blog要維持良好的形象,點可以為咗你一個而破戒鬧人㗎?
B(怒髮衝冠):  傳媒報章?! 乜成名對你黎講,真係咁重要咩? 我夠有專業資格咯,都未好似你咁串! 好呀,既然你覺得名利比我呢個friend更重要,咁我哋割蓆吧!
A(被辣㷫):  你真係横蠻無理! 其實我都忍咗你好耐了,成日以大佬身份自居。割蓆嘛,割咪割囉! 怕你呀~
B:  哼,一朝得志! 同你鬥,我從未驚過。我大把allies,除咗一班同行外,仲有多屆既學生做我後盾呢。

A(刷新自己的blog page):  講allies,我又點會少過你? 香港同海外都有呀!l
B:  你睇清楚哋啦,呢班所謂blog友,有幾多係同你真正熟的?上次死都唔肯向我道歉嗰位,佢寧願走去溝女都唔幫你啦。
A: 我同佢哋熟唔熟,你又知幾多? 我成日請大家食飯、維持友好關係㗎~

二人繼續七嘴八舌地吵架,英雄内戰正式啟幕。
--------------------------------------------------------------------------------

以上故事純屬虛構,只為博大家一笑=) 如有任何感想,歡迎在此留言呢。

32 則留言:

  1. 呵呵, 篇文有小弟既影子在文中. 今次竟然令大師燥晒, 道歉都搞唔掂, 唔追女有咩做?

    回覆刪除
    回覆
    1. 哈哈Joseph兄豔福菲淺,確實是blog界之光,又點止做影子呢,直情要篇篇blog文都搵你做主角=)

      刪除
  2. 哈哈哈。。。
    大師B如果捐下錢做下善事,我估無咁多事端。
    大師A至少有番咁上下風度,睇呢D實際野無咁重。

    最重要,我要先留名睇我隻狗出唔出黎咬人~塘人兄已出打狗棒。

    回覆刪除
    回覆
    1. 好似有句: 狗口長不出象牙 !

      刪除
    2. 哈哈70兄,大師B要告老還鄉+置業,NAV過10mil都分分鐘唔夠呢,相信没多餘金錢作捐款了...

      刪除
    3. Lisa,blogspot也只是網上世界,不用太認真呢=)

      刪除
  3. 這篇虛假故事似真似假,令人覺得很有趣XD

    回覆刪除
    回覆
    1. 哈哈塘人兄,呢篇真係純屬虛構,認真就輸了XDD

      刪除
  4. 多得Cherry既故事,我先知我miss左咁精彩既討論,因我通常唔睇大師們既blog。

    回覆刪除
    回覆
    1. 謝Steven兄支持!我也只是作下故仔而已。

      大師們的blogs道理深奧,我通常都睇唔明的,慧根有限呢=)

      刪除
  5. Cherry快啲寫多篇「傻粉篇」啦。
    成件事反應最恐怖的就係班傻粉,將主觀感覺代替是非判斷的思維真係冇得頂。

    回覆刪除
    回覆
    1. 哈哈池兄,等我度下先,看看可否出篇"傻粉伸手黨的生活日常"XD

      其實有哋匿名既粉絲,語氣同出一轍咁,係同一個人分身都唔出奇...

      刪除
    2. 呵呵,我邊夠Lisa妳精明呀XD

      刪除
  6. CHERRY,你真的很有作家風範,你出書記住話我知XD 書名會不會是"投資BLOG界風雲"?XD

    回覆刪除
    回覆
    1. 謝謝Heiman妳的支持,但妳份稱讚我真係受唔起呢XD

      我對出版冇乜興趣,自己墨水又唔多~而且我喜歡讀多過寫,平時廢嗡娛人自娛,已很happy了。

      刪除
  7. 在此先替一眾傻粉為春花獻上最「窩心的祝福」!

    回覆刪除
    回覆
    1. 哈哈魔兄過奬了~我又唔係大師,只是一名寂寂無名的小blogger。咁都收到祝福的話,會招人妒忌的XD

      刪除
  8. Who is ironman & who is captain America :)

    回覆刪除
    回覆
    1. 哈哈阿Sue,正義哋嗰個係Captain America, 邪惡哋嗰位咪係Ironman囉;)

      刪除
  9. B覺得A世界仔冇料到,A覺得B自大又小氣,一早有心病,決裂係遲早既事,A自知冇料早已拉攏其他有識之士,B都好耐有冇提過A,直情當佢透明。

    回覆刪除
    回覆
    1. 嘩森而兄真係好野!短短一段就總結哂兩位大師的心病,真係旁觀者清。

      世上没有永恒的朋友/敵人,當自己冇哂利用價值後,有些人是可以立即和你割蓆的...

      刪除
  10. D對白幾有趣,不過如果有少少門字既助語詞重正

    回覆刪除
    回覆
    1. 哈哈謝賢兄支持,我都係亂作而已XD

      請問"門字既助語詞"是指某幾個粗口?@@

      刪除
  11. 大師A其實很安份守己的。他很清楚自己的知識在哪,所以近乎你所說,他開的是幼兒理財班,這應該是他夠資格的地方,有幼兒就要有導師,而我們對幼兒班導師的要求也不用太高。大師A還有一個好處是比較包容,不然他把歷史擦掉,我們少了真相可以看。

    有點搞笑的是其實如你所說,大師A有幾次想幫大師B兜,打圓場,但大師B沒領會到。信徙J其實一開始應該也是想打圓場,不知為甚麼給大師B吼,可能大師B當局者迷,還是我看錯了?

    回覆刪除
  12. 哈哈早月兄的recount, 真的講得非常到肉,大師A確實是較有風度,大師B在多次打圓場的機會下,仍不好好運用,可謂自討苦吃!

    另我們WhatsApp group的討論中,亦提及你、魔術師兄及Joseph兄的投資分析寫得最詳細,祝你繼續更上一層樓呢=)

    回覆刪除