2016年9月25日 星期日

傻粉的五十道陰影

池兄上次提及過,小妹可寫篇傻粉的番外傳。為了加強戲劇效果,今次這位傻粉主角,將融合"伸手黨+死忠粉絲+抽水狂"等多項特質。這樣的人間極品,小妹相信在現實中是罕有的。
 
-------------------------------------------------------------------------------------
 
傻粉先生12點起床後,伸個懶腰,便對阿媽說: 「麻煩你幫我弄個all-day breakfast。一碗燕麥多蜜糖,拿鐵少奶泡,滾水蛋,加兩條珍寶芝士腸,thanks!」
 
阿媽道: 「你真麻煩...對了傻粉B,你陣間會去阿爸間茶餐廳幫手嗎?」傻粉先生回道:「看心情吧,我食完想去商場兜個圈先。」
 
 
吃完all-day breakfast後,傻粉先生便走去書局打兩粒鐘書釘。他雖貴為茶餐廳太子爺,但卻奉行"極簡主義"。即使他很崇拜各位財務大師,但一講到出錢,他便提不起勁。他認為在書局裏看畢他們的著作,便已足夠了。
 
回到茶餐廳,傻粉先生隨便找個位子坐下上網。他的父親便問: 「你食飽咗,仲唔幫餐廳手?」傻粉先生回答說:「頭先喺書局自修,企到好攰,俾我抖抖先啦。」
 
一如以往,傻粉先生又click去他最欣賞的"大師A"及"大師B"專頁,爭取做第一名留言者。「這樣應有助大師加深對我的印象吧!」傻粉先生暗喜道。但今次一篇"寂寞之路"的文章,因太多反對派留言,所以傻粉先生錯失了做首次留言者的機會。
 
於是,他便看看現成的留言,睇下有冇位俾自己入。當他見到「那些能力、視野和心胸都欠奉的bloggers,竟然有資整去批評大師?」的留言時,便眼前一亮。傻粉先生也在下面打上自己的回覆: 「對呢,我只信那些上過報紙、電視及雜誌的理財專家,至於那批evil的反對派,我是完全不理的。」
 
傻粉先生繼續瀏覽其他的留言,一見到大師B的親自回覆(註: 留了免費位給義工朋友)後,便興奮得跳起來。
 
「阿爸,你快哋扮炒咗我,整張"放棄月薪證明書"俾我啦!」傻粉先生大聲嚷道,引來一眾伙計的注目。「我終於可以免費上大師既course啦!」
 
在上課的幾節堂中,傻粉先生專心致志地紀錄大師的揀股心得。為表誠意,他幫大師創作了成千上百個"窩心的稱讚",方便下次開新班時貼堂用的。
 
後來,這班大師B為一班同學開了WhatsApp group。但好多時有同學在group內發問,大師B都無答咀。初班的同學咩都唔識,自然多野問吧! 傻粉先生也伸過幾次手問number,但都一無所獲。
 
終於有一次,傻粉先生忍不住發嬲了。他在WhatsApp私下發訊息給大師B: 「大師,我一直都是你最忠誠的鐵粉。但為何你連幾個冧把,都唔肯醒下我? 你貴為finance beggar(typo: 應改為"finance blogger"),固然工務繁忙。我亦知你是"粒粒皆辛苦"的,惟你要多主動幫助學生,才可keep住名聲啊!」
 
結果是,傻粉先生發出這段訊息後,不久便被踢出WhatsApp group。而且,他不能再用"放棄月薪證明書",去免費報讀大師的advanced班了。
 
-------------------------------------------------------------------------------------
 
以上故事純屬虛構,為求大家笑下便好。其實,不論是伸手黨、死忠粉絲,還是抽水狂,沒有靠自己的人,終有一天會承受後果的。

18 則留言:

  1. 春花姐呢招曲射正喎,我正好攤係張床度做第一個留言

    回覆刪除
    回覆
    1. 呵呵咁啱得咁穚呢,塘人兄=)

      你辛苦工作了一周,星期日休息下是應該的~伸手黨便不同了,他們周末仍要出外祈福揾食XD

      刪除
  2. 我都成日去打各大師小師書訂...
    最鐘意睇作者介紹!!
    其實大家都無乜料, 只係亞太區行政部門0既平民一個.

    回覆刪除
    回覆
    1. 哈哈70兄打書釘是為了興趣,但有些人是存心一毫子也不想出呢...

      每位作者都要搵哋gimmick sell下自己既,只要唔好太流、來來去去三幅被,相信會有讀者受落既~

      刪除
  3. 儍粉BB 的留言應該唔記得拍enter,否則無理由見唔到嘅!
    Finance beggar < - 笑咗, 不過個typo 似乎嚴重咗啲(keyboard 位唔啱),可能係儍粉BB用語音輸入法,發音唔正所致。

    回覆刪除
    回覆
    1. 哈哈魔術師兄,呢位儍粉BB又唔識煮食、又唔肯返工,打錯字自然是常見事呢(雖然係離譜咗哋)...

      做finance beggars其實係冇錯的,黄子華都講過"揾食啫,犯法啊?" XD

      刪除
  4. 名帶來利,
    Finance beggar 其實是貼切的形容,
    各所謂 “大師”, 在傳媒上出show,
    目的何在? 你懂的。

    回覆刪除
    回覆
    1. 謝謝Scott的留言! Everyone is begging for something ~ 但有自知之明的人,享受完自己的15-minute fame後,就應該見好就收呢。

      刪除
  5. apart from finance beggars, there are also beauty beggars!

    回覆刪除
    回覆
    1. 謝謝Keith兄的補充!某些beauty bloggers為求出銷產品,是可以不擇手段的...

      刪除
  6. 就咁睇呢位傻粉先生只係懶,並唔傻,咩work咩唔work佢識分,比起不經大腦是非不分一味叫好的真正傻粉精明得多了。

    回覆刪除
    回覆
    1. 哈哈池兄所言甚是,呢位傻粉先生並唔係傻哂,只是各樣缺點乜都有哋咁。這種人的縮影,現實生活中也是不太難找的。

      刪除
  7. 可以慢慢由短篇去長篇,期待可以當小說睇

    回覆刪除
    回覆
    1. 哈哈謝謝賢兄的建議,但我哋微小說來來去去三幅被。有深度的中長篇小說,還是魔兄寫更合適吧!

      刪除
  8. 嘻, 再一次拉三打四, 學大師語氣: 你是否覺得羞恥?

    回覆刪除
    回覆
    1. 哈哈Joseph兄,"拉三打四"之事宜,我從開blog時已做起,所以真係"Sorry, but I'm not sorry" XD

      刪除