2016年9月11日 星期日

Hit rate真係咁重要?

小妹的一名舊學生,自從升大學後,便做了個不折不扣的高登仔。他除了和該處的網友hang out,還會分享高登網的題材。他間中也找我討論,話想聽下女士既意見喎(仲乜唔揾女同學?)。

最近頗觸動他神經的,便是一個名為"係咪所有女人都係無儲錢for買樓?"的帖子。他非常認同其中一句話: 「哋女人花咁多錢化妝扮靚,就係想揾老襯埋單。」

我給舊學生的回覆是: 「咁你識化妝,其他人都一樣識化妝啫,世上邊有咁多老襯可以呃? 扮下天仙就想一世無憂,未免太天真了吧!」



無獨有偶,針對近期blog界某些疑似呃hit rate的舉動,小妹上述的回答,改少少就能套用過來: 「咁你識搬龍門呃hit rate,其他人都一樣識咁做啫,世上邊有咁多讀者可以呃? 扮下大師就想收徒無憂,未免太天真了吧!」

以小妹愚見,呃hit rate的行為,可謂易過借火,隨時舉幾個例子都得:

1. 加插熱門時事/新聞的搜尋語
每次本港一有大新聞,不論政治、體育、天災、人禍...即使没有寫開此類題材的blogger,都會凌晨加工砌好篇文。新聞頭條的關鍵字眼,套用得愈多便愈好。惟本來只想看新聞報導的網友,即使被"呃"咗入blog,又能保證他們下次的回頭率嗎?

2. 不斷出文後再删除,其後重登
此乃WhatsApp group内blog友的大發現: 寫好文章刊登,隔了一、兩天後,便再重置其為稿件,順便登多一次。這種途徑,在RSS FEED内是能看得一清二楚的。要其他blog友的"網誌連結"經常幫你賣廣告,是否要講句thank you呢?

3. 無限翻炒公開活動的花絮
小妹也頗懷疑,為何一、兩次零星的研討會,可以持續搜集到参加者的問題? 數目成百上千計,由此可見粉絲的熱情度。惟有時當事人不想回答所有的題目,就拋個波叫讀者自己諗掂佢,好似求其咗哋喎?

講下講下,搞到我都蠢蠢欲動,想親自試下咁做,看看成效XD 但小妹的博客主要作交流用途,對hit rate是不太關心的。能認識多一個朋友、分享多一句話語,比多一點hit rate更有意思呢。

大家覺得有哪些常見的呃hit rate(呃like)行為? 對你來說,hit rate又重要嗎? 歡迎在此分享一下呢=)

40 則留言:

  1. 唔怪得池某個blog hit rate咁低啦,原來一招都唔識。:)

    回覆刪除
    回覆
    1. 池兄你個blog都叫低?
      讀者問題幾乎天天有喎!

      刪除
    2. 嘩池兄你太謙了吧,你hit rate咁都叫低?咁我呢哋可以摺埋了XD

      刪除
    3. 哈哈Michael, 那批伸手黨嘛~
      "問題天天都多,bili bala bibi bala..."

      刪除
  2. 呵呵, 美少女cherry想增加hit rate, 很容易吧. 只需要間唔中寫多一些平時生活花絮, 再貼一些靚生活照便可以了. 我保証hit rate增加3倍以上.

    回覆刪除
    回覆
    1. 呢個TERM我識,放兵糧!

      刪除
    2. Blogspot可唔可以set 權限?!
      可以的話仲可以分等級!

      刪除
    3. 嘩Joseph兄講野真係"浪過油",多謝你的建議先~可惜我唔係beauty blogger,自戀型既行為真係做唔出=P

      刪除
    4. 70兄你識咁多呢哋terms嘅, 唔通你做過兵XD

      刪除
    5. Michael兄,我冇興趣的會直程filter走,權限都費時set俾佢呢~

      刪除
  3. 我自己比較希望有人睇完留言,hit rate可以係睇完一段就放棄,但留言得既我都會假設係睇哂。同埋如果讀者睇完有野想講想問,即使係負面都好,起碼証明自己篇野係有內容,而不是一篇睇完咩感覺都無既“無害文章”。

    回覆刪除
    回覆
    1. Mike兄的態度非常正確,值得一讚!只要是理性的討論,不論是正面還是反面的評價,我都非常歡迎呢。

      "無害文章"...是那些為了hit rate而免於得罪任何人的blogger, 才會寫的=)

      刪除
  4. 哈,有人重視交流,有人重視紀錄,自然有人重視HIT RATE。
    至少可以量化自己成績。
    當然,用旁門左道厄HIT RATE 就唔係太好了。。。

    回覆刪除
    回覆
    1. 哈哈70兄,你的hit rate已邁向1mil, 到時要派Gundam呀=P

      其實定期quantify一下自己的成果,也有學習的地方,唔係存心呃hit rate便OK了~

      刪除
  5. 以前就見過一個出了電子書嘅blogger ,書既要收錢,又說要大家幫手click廣告增加blog收入,話統統都用來做善事,不過就係無Proof;

    極似而家某位億富翁話要幫人創業,打造一班愛國愛港嘅草根創業大軍卻不讓人看留言,又無Proof一樣。

    回覆刪除
    回覆
    1. 呵呵塘人兄真係突出盲點!呢哋假猩猩的人,除了呃hit rate, 仲要呃埋金錢同名利,但表面上仍敢以"幫人"自居,果然厚臉皮...

      Time can tell everything, 我們儘管放長雙眼睇吧=)

      刪除
  6. 算唔算得上呃HIT RATE 在於立場,
    有人要做宣傳, 要令個人BLOG 成為賺錢的來源之一,
    此等舉動, 在現今世代, 早已見怪不怪了...
    尤其是香港的網上活動很集中於某幾個平台...
    FB, YOUTUBE, BLOG..

    回覆刪除
    回覆
    1. 謝謝Scott兄的留言分享。有心想賺外快的,social networks真的提供了不少途徑。

      開班收生,我本來對此做法的看法是neutral的,但近期有不少大師都以"幫人"為籍口,就令人看不過眼啦!

      刪除
  7. Is the no. of comments directly proportional to hit rate?

    回覆刪除
    回覆
    1. 留言多,hit rate就多;留言少,唔等於hit rate少(因為有CD-ROM)。
      而且留言多也不等於高質素,「加油」、「同意」...等等無營養的留言,俾1000句你又有何用?

      刪除
    2. Keith兄,我覺得兩者並不一定呈positive correlation吧...

      刪除
    3. 謝謝魔兄的詳細解釋,回答了Keith的疑問=)

      我個人都很討厭robotic comments,得嗰一、兩隻字,根本就懶得與blogger交流。而伸手黨就更為討厭,delete佢哋既留言,是應該的。

      刪除
  8. 我打blog純粹自娛,有無hit rate都無所謂

    回覆刪除
    回覆
    1. 賢兄的blog有定期記錄自己的開支,已是一個很好的reference, 比哋為hit rate而亂爆料的blogger好多了~

      刪除
  9. 我網誌的客戶來之以前newsgroup 的朋友, 還有在Linux Talk 電腦教學識落的朋友, 還有買實金實銀的朋友, 而有好多人唔得閒睇新聞, 所以我轉貼最新消息有市場 XDDD !

    回覆刪除
    回覆
    1. 有人以為我亂咁貼二手新聞來攻摯我, 其實佢地見識太窄了, 唔多明新聞的內容 !

      刪除
    2. 現在新的很多也很容易得到,但有point的觀點才更值錢!

      刪除
    3. 要從新聞中得到有用的投資轉向不是易事, 所以mon住個internet 是好重要 ! 好多人以為只要用心研究股市就可以發達, 佢地觀點就只有股市 !
      我觀點是不賣錢的 XD !

      刪除
    4. 其實好多人在出賣的是自己私隱, 所以在我網誌唔會貼親人的相, 也唔會貼自己個balance sheet 出來, 因為絕對對自己無利益 !

      刪除
    5. 謝謝Lisa妳的詳細分享!妳在金界地位崇高,轉載的實用新聞,自然好多人睇XD

      刪除
    6. "所以在我網誌唔會貼親人的相"

      我覺得每個人的preference不一樣吧~正如FB上有人喜歡貼Selfie, 有人則只喜歡post文字,各有所好呢。

      刪除
    7. 狗股兄講得啱, 觀點不重要的話,就唔會有人走去買Time同The Economist。

      刪除
  10. 如果只求hit rate去寫吸引眼球的文章,就失去了本來分享自己心中所想的原意。愚見

    回覆刪除
    回覆
    1. Michael兄說得好啱,絕不是愚見。寫文章最怕失真,為寫而寫的呃hit rate文,倒不如close咗嗰網誌去吧!

      刪除
  11. 如果寫blog係為搵食,呃hit rate都正常,呢個係遊戲規則,係佢地眼中可能笑緊我地連基本遊戲規則都識就學人寫blog,遲早接埋!

    回覆刪除
    回覆
    1. 呵呵森而兄的分享也很有道理呢。如果是為名利的話,hit rate就一定要日日計住。像我此等頹廢blogger, 又點會體驗到呢種境界呢=P

      刪除
  12. 如果是為了收信徒/收兵,咁hit rate真的非常重要~

    回覆刪除
    回覆
    1. Yes呢阿Sue,我都想像到有幾重要~雖然我冇呢方面的經驗=)

      刪除