2017年2月4日 星期六

MultiCharts的Auto Alert/Trade功能

June 2020 update: 因見本港近月的失業率急升(我下次會撰文引用數據說明),我想效皮老闆開一個慈善whatsapp谷。只要大家即月有捐$50-200去本地任何慈善機構,再把捐款收據發去我的電郵:cherry.neverland@gmail.com ~ 我便會加你入谷。

大家入谷有禮送!而我每逢有最新的投資刊物/report/PDF等,都會在谷中優先分享。

此谷平日講股///特別股etc乜都得,唯嚴禁銷售。謹此多謝各位的支持!祝大家福有悠歸:)
-----------------------------------------------------------

投資者想用auto alert/trade, 市面上也有不同的programs選擇, 包括TradeStation、Ninja和Metatrader 4等。其中Metatrader 4是完全免費的, 但對用户的電腦技術要求較高, 需用其built-in language來撰寫指令程式。如果冇寫開programs的散户, 會有其他較簡易的選擇嗎?

MultiCharts算是user-friendly一點的工具。(免費30天版的下載: https://www.multicharts.com) 當然, 它亦有相關的程式語言要求。相關的教學書籍, 在香港是幾乎找不到的。例如一本名為PowerLanguage程式交易語法的參考書, 就要從台灣訂回來。

小妹仍在摸索中, 僅此先做一些virtual trades, 作為例子:

投資外匯的時候, set定該貨幣的買價(藍格)/賣價(紅價), 等佢自動執行。



如用户不放心俾program自動買賣, 想自己親身望下眼先, 那便可set個有“beep” sound的alert。如下圖中, 在恒指圖中設定指數上落的ranges(加插其他指標, 如5/10/20etc線, 也是可以的), 那市況急升或急跌時, 用户可及時知道。



將兩隻個股合併作比較(如美股XLF及BAC), 又得。但純粹睇圖表的話, 其他網站往往更方便。



又或者, 我想set定保力加線在哪些價位自動買賣(參考圖中的白色細字), 也是ok的。



系統也有back test功能。如我的data range為2007年至2017年, 那系統便會自製這十年内、用上述保力加線買賣的盈虧報告。但這份報告, 應没算進股税或收息資料。



試用版只有三十天的期限。原版program的終生使用權, 則一口價為1497美元。雖說萬多港元一個program, 又真係貴咗哋。但對於有正職的散户嚟講, 朝早可set港市、夜晩就set美市, 確能省回不少時間及精力。調教好市況alerts、自動買賣機制等, 便能減少對工作或睡眠的影響。

稍前在blog友/討論區中看過: 一名三十五歲的男士散户, 因長期炒美股, 搞到個樣似五十五歲......假如身為frequent/active trader, 咁花些錢去整個自動trading program, 總好過花錢在Botox上吧。

大家較喜歡人手睇市、還是也會考慮auto trade?不妨在此分享一下:)

P.S. 並非每間証券行的介面/app, 都容許用MultiCharts。以我暫時所知, Interactive Brokers的港市及美市圖, 都可應用在MultiCharts上。

35 則留言:

  1. But you still have to wake up during night time when there are alerts about the US market ~ sound disturbing!

    回覆刪除
    回覆
    1. Keith兄,其實都係睇你set咗幾多alarms。

      一來你不會晚晩都睇市,二來你不會每樣indicator都加個alarm吧(否則成晚beep不停?)~

      刪除
    2. 又或者,如你是美股的passive investor,也可每晚臨睡前為DOW等市場指標,設定上/下range(如上/落300點)。

      市況普通的話,你便可整晚安睡。但萬一市況逆轉或有黑天鵝事件,你便會被吵醒,可及時檢查市況及考慮買賣動作了。

      刪除
  2. autotrade都敢,看來你是女中豪傑那一類吧 :)

    回覆刪除
    回覆
    1. 早月兄,請你先看清楚原文。

      一來我只係試用版virtual trade,二來我非active trader。呢個program的原意,就係主動提示或按指示落盤都得。上述cap圖只是示範功能,難道有人會冇諗過就照做?

      就如你落限價盤,也是用電腦幫手而已。但呢種program識俾個beep聲,咁用户便不需經常昅住螢幕囉。

      不用auto提示的program,炒美市的上班港人,皆不是要守在電腦前面成晚?我就唔肯咁捱了...

      刪除
  3. 下載過metatrader4黎玩demo account,更正一下,寫code時係用佢嘅built-in language。

    回覆刪除
    回覆
    1. 謝謝Wanderer弟的更正~等我更改番原文先:)

      刪除
  4. Amibroker有冇試用過﹖佢個license平過multichart好多喎

    回覆刪除
    回覆
    1. 謝謝Derek兄的建議。Amibroker賣幾百蚊美金,真係平好多。可惜佢的程式語言要求較高,而且我的interactive brokers户口暫未成功用到佢來cap data...

      我可能要問下其他証券行了。如你有額外建議,不介意可留言賜教呢。謝謝!

      刪除
    2. Coding嘅技術問題的話呢個台灣網幾好:
      http://www.coco-in.net/

      刪除
    3. 謝謝Derek兄的不吝分享!網頁内甚至有埋TradeStation及MultiCharts等討論區,令人受益不淺:)

      刪除
  5. 回覆
    1. 不客氣呢追風兄!我的認知很淺,寫文是想抛磗引玉。

      刪除
  6. 過多幾日, 就會有伸手黨親自email比cherry, 問你如何download program (因為佢地連自己去download都懶),哈哈

    回覆刪除
    回覆
    1. Joseph兄太睇得起我了~我向來都極少收網友的emails。伸手黨出手,都先問其他厲害的blog友(例如你)吧😂😂

      刪除
  7. 個program幾啱散戶用喎⋯特別醒瞓或懶瞓的人除外$_$

    回覆刪除
    回覆
    1. 哈哈阿Sue妳講得啱~我就係懶瞓嗰個囉😂

      但對失眠人士來說...就唔好再搞呢哋program啦,休息+健康要緊!

      刪除
  8. 其實失眠人士都唔使用黎個program啦⋯成晚流流長瞓唔著,咪起身睇市lor/.\

    回覆刪除
  9. 如果唔係做高頻交易似乎Auto Trade不是很必要。池某的交易機制已是極度機械化,交易頻率還是較疏,自動化的實際需求遠不及波馬。

    回覆刪除
    回覆
    1. 謝謝池兄的建議及經驗分享!一般的passive investment/asset reblancing,並不需日日夜夜都𥄫住個市。

      因我只是玩試用版,會否購買仍在考慮中~或者再和其他active trading的用户交流下先。

      刪除
  10. Does the backtest report take into account the transaction fees and taxes?



    T.L

    回覆刪除
    回覆
    1. Hey T.L,yes the backtest report can include transaction fees, slippage, yield rates, initial fund and transaction volume etc.

      But for any advanced function, you may need to modify the embedded language of MultiCharts, which is called “PowerLanguage”.

      刪除
  11. Cherry師姐恭喜發財, 雖然電腦交易可能是大勢所趨, 但暫時個人沒有使用這種程式的誘因(覺得花時間又未必贏到理想回報)。

    回覆刪除
    回覆
    1. 謝謝狗股兄的祝福!我也祝你新春大吉、財運爆燈、升職繼續來:)

      認同auto trade最有用的是幫到high frequency trader,但MultiCharts的功能不算難用,最緊要係幫到哋不想影響工作/休息的散户。

      用唔用呢類工具,並非重點。最重要係冇人應為了睇市/炒股而捱殘個樣,健康是多多錢都買唔來的。

      刪除
  12. Cherry妹,你令我想起97年買的技術分析軟件,那時$300一個月,每天可以下載幾個時段的圖表,那時沒有aastock之類的免費工具,所以已算不錯。只是愚見覺得技術分析只適合牛市三期。

    回覆刪除
    回覆
    1. Manfred兄的技術工具經驗很豐富呢~好奇問下,你97年用的軟件叫咩名?

      牛市期間,就算用咩分析方法(或者什麼都不用),散户賺錢都好容易。現在market sentiments咁勁,散户都喺時候兩手凖備~

      刪除
  13. 當進入熊市那幾年,什麼工具也幇不了忙!

    回覆刪除
    回覆
    1. Manfred兄所言有理。在(漫長的)熊市中,就唔好再玩咁多工具啦...結合基本因素和技術分析,睇下有咩股,係適合趁低和分注吸納吧。

      刪除
  14. 其實散戶唔應該追蹤太多投資項目,買賣策略亦應該比較簡化,實在無需要用到呢類交易程式,只有經常要進行大量交易既專業投資者才有此需要。

    回覆刪除
    回覆
    1. 謝謝森而兄的建議!可能我上文言語不清,令大家有誤會。

      其實Multicharts、Amibroker等軟件,係設計俾散户用的。全球亦有不少用户及交流部落格。

      如購買此program,我會和玩開𧗠生工具的親人共用。它的自動提示機制,對active investors很大幫助;但對我這種持美股的passive investors來說,亦能在市況逆轉時給予即時訊號。

      上文截圖只為顯示功能,而非我用開的投資產品。我覺得關鍵係:投資者是利用工具,輔助個人本身就熟悉的產品;而非投資者有了新的工具,而走去亂買自己不熟的產品。

      這種auto alert/auto trade的程式,原意乃節省散户長期𥄫市的時間,而非鼓吹過度炒賣。

      刪除
    2. 我so far的理解是:

      Active investors可多用auto trade
      Passive investors亦可用auto alert

      家弟係programmar。對有電腦底的人來說,要寫codes作auto trading~只是家常便飯.

      但你講這種program原意,本非為了過度炒賣~就好似天真咗哋。對熱愛active investing的人來說,點會唔用此program作24/7交易?#.#

      刪除
    3. 謝謝Sammy的補充!

      簡單的兩句“Active investors可多用auto trade;Passive investors亦可用auto alert”,已有效總結成篇文😅

      “點會唔用此program作24/7交易?”
      妳的分享有道理。我覺得active investing勁的人,無論用唔用program,都有其獲利方法; 相反,本身active investing技巧差的,就算寫codes幾叻都幫唔到乜。

      P.S.好奇一問,既然妳弟弟IT咁叻,點解妳上次仲要問我IB的東西?我下次有codes唔識,伸手問下妳細佬先😂

      刪除
  15. Cherry妹,我用的叫做PCN,你找找pcn com.hk還在,可是05年應該已沒有更新了,你現在用的軟件應該很勵害。相反我的投資現在差不多半年才更新一次股價,每年6月底和12月底才可做買賣,所以軟件對我沒有大用處。

    回覆刪除
    回覆
    1. 謝謝Manfred兄的分享!PCN自05年後無更新的話...功能應已obselete了吧😮

      Program trading絶對favour哋有電腦底/玩衍生工具的high frequency traders。我都係間中篤下virtual trade就算,實際投資仍會以passive為主。

      以你半年至一年的買賣密度,確實完全不需軟件。基本因素及大圍經濟環境更為重要!

      刪除