2018年7月21日 星期六

(跌市仲去旅行)hea遊巴塞隆拿

七月初時,我們曾去巴塞隆拿旅遊五天。零深度的行程,帶來零深度的分享。城市的歷史及文化,我就不詳述了(畢竟wiki都有講)。此篇主要形容一些趣事,作為少許紀念。

-----------------------------------------------------------



正值暑假,巴塞隆拿的日照時間極長:從早上直至晚上9。而且城市的氣候宜人丶熱而不悶。我們逗留的數天期間,從未下過一滴雨!這對旅客來說,確是一大福音。入夜前,可有充裕時光隨處閒逛。





呢間牛牛店”Ale-Hop”,同另一間叫”Flying Tiger”嘅舖,堪稱「西班牙版Miniso」。它們專買兒童玩具丶家具用品及文具。有不少藝術拼貼簿及家庭版board games,都十分有創意,是香港找不到的。其實,”Made in China”的產品中,精品都外流到西方(廉價)售賣, 反而次品才留喺國內出售,實在可悲!





Gaudi(高迪)堪稱西班牙的建築鬼才,作品可見錯縱複雜的線條互相交織丶平面設計及多維空間融合無阻,構成視覺上的強烈衝擊。拜訪米拉之家丶巴特羅之家(家人仲嘴賤話似孤兒院名)後,我們便親臨聖家堂,沿著極窄的螺旋樓梯向下走一趟!





博物館方面,我們遊覧了”Museu Picasso”及”Gaudí House Museum”。前者集中介紹畢加索的食品油畫及其生平飲食喜好(已skip哂哋兒童不宜作品);後者則提供不少高迪的建築模型與歷史介紹,令群眾對其天人合一的創作概念,有更深的體會。





對哋想hea同嘆冷氣的旅客來說,水族館可謂是完美選擇!館內設有一個頹電影館,方便走得累的旅客呼呼大睡。最搞笑的是,我們間中會見到一些被「隔離」的海洋生物:例如一條魔鬼魚獨霸整個箱,黏在玻璃上怒睥途人;又或者,一隻水母在缸中沒有同伴,便不斷繞圈游番同一位置。





哥德區及格拉西亞大道,是熱鬧的旅遊購物區。深受港人喜歡的西班牙牌子”Zara”,其品牌旗下仍有其他衣服店舖,如”Massimo Dutti”,”Oysho”及”Uterqüe”等,全都在這兩個地區搵到!





臨走前的一晩,我們去了「加泰隆尼亞音樂廳」欣賞Flamenco Dance,算是完滿的結束。歌聲與踢躂舞十分優美,惟間中有位印度大媽走上台說唱,手指指作罵人款咁,就令我們摸不著頭腦了。

-----------------------------------------------------------


篇幅有限,我們旅途中見到的精緻美食丶特色小店等,都不能一一盡錄。年紀愈大,便愈覺得搭長途機和執拾行李,是頗麻煩的事。所以每逢一/兩年去1次旅行,已算是我的極限了。


無獨有偶,通常我計劃出遠門後,出發時都會撞正市場動盪或金融風暴。(2009.2→USA; 2016.2→UK; 2018.7→Spain) 所以,為了人類的福祉,我還是多留在亞洲好了!


大家今年又有什麼旅遊計劃/經驗呢?歡迎留言分享你們的喜樂:)



30 則留言:

  1. 西班牙巴塞很多年前去過了. Gaudi真的是舉世奇才. 我跟cherry妹一樣, 除非是公事, 近三數年已什少去旅行, 對旅行開始提不起勁. 長途飛機(超過十個小時)更是咪搞.

    西班牙是型男多,靚女少的國家. 跟烏克蘭相反.

    回覆刪除
    回覆
    1. Joseph兄烏女情意結始終如一。XD

      刪除
    2. Joseph兄職務繁忙,而且工作上也有不少出國機會,所以不用刻意規劃旅遊呢。逾10小時的長途機,會坐到膝蓋疼痛,真係可免則免!

      無獨有偶,我以前一位男補習學生,都話西班牙多型男丶少美女。可能當地人大多黑黑實實丶高大且擁健康膚色,在同一標準下,套落男士就算係”dark and handsome”吧。

      烏克蘭真是男士天堂,值得每年去一次!

      刪除
    3. 池兄,Joseph兄對烏女有親身體驗,所以有更大觸動XD

      刪除
    4. 芬蘭同瑞典D女都好唔錯

      刪除
    5. 哈哈~我估北歐的金髮碧眼美女,數量應多過英/法/德...

      刪除
  2. 睇嚟cherry都幾鐘意間西班牙miniso ~ 所以遊記第一樣介紹既就係佢 XDD

    回覆刪除
    回覆
    1. Haha yes Sammy ~ 如我將來重遊西班牙,也是為了再拜訪呢兩間Miniso XD

      佢哋嘅剪貼簿及小遊戲,很多都精緻有趣。如行李夠位,我真想買多些回港!

      刪除
  3. 現場版的Flamenco Dance應該幾吸引,衣著都好華麗...

    回覆刪除
    回覆
    1. 清風兄..舞者衣服係靚,但我不覺太華麗。

      嗰晩有不少中國遊客入場,最搞笑係有對couple自行調了幾次靚位,次次都被職員捉到😆

      刪除
  4. 我在泰國都超多MINISO,D人多到爆!

    回覆刪除
    回覆
    1. 是正版Miniso(無印良品+Uniqlo混合體)嗎?其實佢哋嘢算平靚正,係衰在抄人抄得太貼啫~

      刪除
  5. 回覆
    1. 噢我們不是足球迷,冇去過此球場呢~

      反而,聖家堂附近有個好頹的「巴塞球會博物館」,我們行兩步便已到souvenir shop XD

      刪除
  6. 下次出門前講聲,大家有個準備開put.

    回覆刪除
    回覆
    1. 哈哈70兄~我通常幾個月前plan定遠途trip,可以買定遠期XD

      刪除
  7. 花姐無懼大跌市,再去豪華團,水頭充足得令人羨慕。玩得開心d! 返來記得炒返起個市啦!

    回覆刪除
    回覆
    1. 三人行兄誤會了!我plan行程時個市仲ok㗎,係真正出門時先嚟料。

      我去開都係平民頹trip,豪華旅程的資料,就等你撰文分享了!

      刪除
  8. cherry果然見識廣,周圍遊歷

    回覆刪除
    回覆
    1. 牛腩河兄見笑了!我讀大學時較多去旅行,現時每1/2年才出門一次,見識淺陋呢。

      刪除
  9. 投資只是手段,生活才是目的。謝 Cherry 分享生活旅遊點滴!

    回覆刪除
    回覆
    1. 福祿兄見笑了!我個人投資屬半桶水,就連生活方面,也不見得特別懂享受🤣

      但我也覺適度的消費,會令人對生命更積極...最怕嗰啲叫人地「慳得一蚊得一蚊、複利幾年後就變咗好多錢」的文章。財務自由的苦行僧,冇人會羨慕。

      刪除
    2. 投資只是手段,生活才是目的。

      刪除
  10. 見到都感受到開心旅遊的氣氛,好彩Cherry姐返來,個市才無繼續沉淪。

    回覆刪除
    回覆
    1. 謝謝風兄關心!幾時都你和你囡囡去旅行啊~? :)

      嗰市係因為風兄回港才突然好轉,恆指繼續靠你啦🤣

      刪除
  11. 下次提早公佈出遠門日子,好讓大家先做好防風準備 XD

    回覆刪除
    回覆
    1. 哈哈好的,大家可提前做定淡倉😂😂

      刪除
  12. 其實除咗09年美國金融風暴之外,妳另外兩次外遊都係市場調整而已,無妳講到咁差吧^^||

    回覆刪除
    回覆
    1. 唉阿Sue...其實我嗰時算連續去咗兩次老美(08年7月交流團兜了幾個美國州份,09年2月則再抵紐約),所以特別陀衰家🤣

      刪除