2019年7月26日 星期五

如何查閱最新發行的特別股資料?

June 2020 update: 因見本港近月的失業率急升(我下次會撰文引用數據說明),我想效皮老闆開一個慈善whatsapp谷。只要大家即月有捐$50-200去本地任何慈善機構,再把捐款收據發去我的電郵:cherry.neverland@gmail.com ~ 我便會加你入谷。

大家入谷有禮送!而我每逢有最新的投資刊物/report/PDF等,都會在谷中優先分享。

此谷平日講股///特別股etc乜都得,唯嚴禁銷售。謹此多謝各位的支持!祝大家福有悠歸:)
-----------------------------------------------------------

有投資開優先股/baby bond的朋友,相信也知道Seeking Alpha有不少相關的資訊。個別作者如Arbitrage Trader,對特別股的公司及殖利率,皆有詳盡的分析。可惜,這一切一切,都不再免費啦:


凡是跟特別股有關的文章,都被加上“鎖匙符號”,即是付費subscribe的會員才可閱讀。唔想俾$的你和我,有咩途徑可得知最新發行的特別股資料呢?

優先股方面,我首先試的是這個網站:https://www.preferredstockchannel.com/preferred-stocks-by-industry/

大家在front page,找到“Recent Preferred Stock Offerings”這一欄,按入去,便可看到最新發行的優先股資料。


但此頁面不太user-friendly,要再按入去“Offering Details”,才可查閱該股的代號及派息率。


咁有冇好哋嘅方法?
-----------------------------------------------------------

我再繼續試,發現這個網站的工具更完善:quantumonline.com/Index.cfm


大家在front page,右邊可看到“IPOs of Preferred and Income Securities”這一欄,按入去,便到了以下這一頁:


產品的全名丶代號丶息率丶call date丶甚至prospectus(如有的話),都一應俱全,清楚列明在表格內。
間唔中click入來,看看有冇荀嘅新產品也好呀!
-----------------------------------------------------------

學皮老闆話寨,做blogger真似做義工...愈來愈多創作者登記patreon,或要求讀者俾錢訂閱文章/頻道,我認為是可理解的事。都市地區(不止香港)生活迫人,多個途徑提高收入,又何樂而不為呢?然而,太執意透過Blogger/Medium/YouTube來增進自己的荷包,個人認為係仲辛苦過做part-time,甚至影響創作的熱情。

大家會付費看財經分析嗎?不妨留言分享一下^_^ (利申:我自己就唔會,因為我睇來睇去三幅被:即某三本美股的技術分析書。財經消息的話,坊間都有大把免費報導。當然,各大blog友的鴻文,也令我得益不少啦!)

27 則留言:

  1. 花姐又造福人群了,大家不用買來買去都係DKT、C PRN果幾隻了。哈哈!

    做財經系Blogger買大的得益應該是透過寫作,提升自身的財商,至於果一兩蚊廣告費,算甚麼!

    至於付費資訊,付費文化在香港似乎並不流行。免費有1000人睇的話,付費恐怕得返幾位讀者。哈哈!

    回覆刪除
    回覆
    1. 哈哈三兄~DKT和C.PRN始終是藍籌銀行的投資產品,地位很難被動搖呢。

      驟眼看新產品如LTSH及SCCB,派息也算不俗丶且不扣稅,可惜call date算近,兼現價不便宜...

      你的廣告費絕對不止一兩蚊吧哈哈~寫得愈多,收穫愈豐呢👍

      刪除
    2. 谷糠廣告費真係笑死人。寫一篇唔知有冇十蚊,折合時薪可能真係一兩蚊。真係同做義工無乜分別。呵呵!

      刪除
    3. 哈哈...去職訓局上堂也有$收,相信不止1-2元時薪😂😂

      刪除
  2. 謝謝花姐分享!
    靠你們幾位大神分享都夠啦。

    回覆刪除
    回覆
    1. 不客氣呢二兄! 大家咁話✌️

      我不是大神呢,只是小小薯🤣

      刪除
  3. quantumonline嘅IPO function好好用。呢家好多優先股/ETD都要$26,要買平貨可以買剛剛上市嘅

    回覆刪除
    回覆
    1. 對呢Patrick兄! 近日不少特別股升了不少。

      至於初出的特別股,散戶又未熟悉佢哋嘅volatility,所以不妨小注試下先。

      刪除
  4. 謝謝花姐分享!義工又如何,真心分享是開心的還結識到一班志同道合

    回覆刪除
    回覆
    1. 謝謝Michael兄的支持! 大家咁話👍

      即是做”義工”,網上也有不少人做得比我好呢...anyway,與其執著廣告收入,我寧願多放幾萬元在買股收息上。

      刪除
  5. 謝謝cherry無私分享=)

    同意在香港做網上作者, 多數冇乜肉食⋯

    回覆刪除
    回覆
    1. 謝謝Sammy的支持!

      上網寫文當pastime還好,當謀生就會非常痛苦。在香港地,能靠枝筆賺到些錢的,自己本身也多數有相當的職業光環/社會地位等。

      刪除
  6. 做理財blogger寫文章,大家臭味相投,可以識到一班志同道合,絕對值得。

    回覆刪除
    回覆
    1. 同意呢Edward兄,交流切磋真係好緊要👍

      我也會多看不同類型的文章,提醒自己不要太主觀。

      刪除
  7. 想請教为何近日多隻特別股都升這麼多呢

    回覆刪除
    回覆
    1. 近日三大指數又破頂~

      通常美股市場造好,收息特別股都會帶升,但幅度比不上堆active stocks啦。

      刪除
    2. 近日的美股指數, 就好似港樓咁乾升丶愈來愈難追....

      刪除
    3. 哈哈...對很多香港人來說:股票不是必需品,但港樓卻是”剛需品”呢 😹

      刪除
    4. 同意~對香港人來說(尤其已成家立室的), 股票只是wants, 但自住樓是needs。

      我也考慮過入層收租樓, 但真係太貴, 所以都係搞掂自住便算了/-\

      刪除
    5. 明白的Sue,(在香港地)有了小朋友後,父母想留層收租樓俾佢,是人之常情的事。

      我也有諗過寫篇”為何我不做收租佬”,但現時社會氣氛太撕裂,呢類比較provocative的題材,還是過一段時間才post吧 ~

      刪除
  8. https://lihkg.com/thread/1386173/page/1

    沽空香港丶入美股🙈

    回覆刪除
  9. 多謝花姐分享,我最近才認真學習投資,要慢慢先由花姐的熱門文章開始學習。


    回覆刪除
    回覆
    1. 謝謝貓奴你的支持!太過奬了。

      你可在我網誌的搜尋功能中,輸入這些 keywords: “美股 / 優先股 / baby bonds” 等,所有舊文章會出哂黎👍

      刪除