2016年9月5日 星期一

我有機會die rich嗎?

上周閱過魔術師兄的"濕平"成果後,自認慳妹的我都忍唔住蠢蠢欲動。本來我每次去Chanel,多是買某枝洗面液,但經靚女saleslady話我一句"好young"後,我就買多咗枝唇膏及粉餅,埋單盛惠過千。以我一貫的消費作風,今次算是敗了少少家。

在上篇文章的留言,我曾提及在衣、食、住、行中,只要居住環境舒服,其餘三項的享受,我是可以睇得好淡的。但人一世物一世,如果每一天都過着青菜鹹魚既生活,相信很多人都接受唔到。在適當的時候犒賞自己,也是人生向上的動力。正如我每次花兩粒鐘清洗露台後,都會食得豐盛哋來補充體力。

節儉、投資,無疑對年青人十分重要。但太過死慳死抵,日子真的會很難過。難道要等到白髮蒼蒼,才敢花錢消費去補償自己嗎?


正當有人關注自己退休後,是否有足夠資産的時候; 另一邊廂,有些人卻踏上了die rich的道路。究竟是甚麽類型的人,才没有運用錢財去豐富自己的人生?

1. 用過份保守的投資策略
可能大家都聽過"safe withdrawal rate"(安全提領比例),即當事人在退休後,每年只能從portfolio中抽取4%的金額,作生活開支之用。惟現時的投資環境日新月異,每個人的理財策略又不一樣,所以真的不用太執着這個SWR的4%。NAV較高、或投資回報積極的退休者,將有更多彈性處理自己的資產提存率。

2. 忽略了老年期的"本金利用"
當然,沒有人能準確預測自己的大限之日。但在開支方面,也不需過份保守。在退休初期時,消費當然應控制得嚴一點; 但當年歲遞增至七十多、八十以上時,不妨考慮一下,怎樣開始消耗總資產内的principal(本金)吧。

3. 擁有"貧窮的心態"
這種"poverty mentality",深深地打擊了不少出身較卑微的人。他們覺得自己配不上更好的、覺得自己生活可以屈就的、覺得自己條件比不上他人的...這種心理的障礙,致使他們不敢給自己更好的享受。一輩子都如此度縮,自然花不了多少錢。

4. 過份溺愛後代
這尤其適用於一眾華人父母,自己平時慳吝過度,但對子女卻極度慷慨。將所有金錢、房地產、股票等留給後代,真的能確保他們的孝心嗎? 任何僅用錢維繫的關係,都是脆弱得不堪一擊的。

上述只是我的陜隘之見。對那些有崇高追求的偉人來說,die richer or poorer,又有何所謂呢? 只是身為凡人,如果一輩子都沒好好利用過財富,來充實自己的生活,便有點可惜了。

大家對die rich有何看法呢? 你覺得自己有可能走上這一條道路嗎? 歡迎在此分享一下呢。

44 則留言:

  1. 真正的富人應該不想Die Rich, 事關死後不多久政府就伸隻手過黎了

    回覆刪除
    回覆
    1. 塘人兄真心水清呢!
      富人死後剩太多錢,真係會引來政府及成班哎吔親戚做伸手黨的。

      刪除
  2. 千幾蚊不算貴啦~
    佢一支Chance香水已過二千了⋯

    回覆刪除
    回覆
    1. 阿Sue妳有研究呢~
      今次sales姐姐給我一枝CHANEL N°5 L'Eau試用裝,聲稱係classic的改良版~
      但我又聞唔出有甚麼分别呢...

      刪除
    2. Chanel no. 5~
      我諗起阿Brad Pitt XD

      刪除
    3. 阿Sue,其實佢既味道真係可以用pungent黎形容...
      Brad Pitt當年嗰廣告,俾高登仔改到癲XD

      刪除
  3. 最大穫都係溺愛下一代者.

    做人點可以經常死慳就住, 我一向主張即時行樂. (澄清: 小弟是正人一個, 不是喜歡集郵collection的人, 強調自然發展.)

    回覆刪除
    回覆
    1. Joseph兄所言甚是!溺愛兒女,在香港愈加常見,將來的禍害肯定很大。

      嗯講到集郵collection~你認第二,相信冇人敢認第一了,嘿嘿=)

      刪除
    2. 仲要專門集烏克蘭郵戳。

      刪除
    3. 咁我相信Joseph兄年年都有新郵戳,羡慕死人=P

      刪除
  4. //難道要等到白髮蒼蒼,才敢花錢消費去補償自己嗎?
    老巴果句:扯唔起時先入花叢,點補償?

    回覆刪除
    回覆
    1. 哈哈池兄,呢個問題,自然有班醫學整容及sperm bank團隊著手解决呢XD

      刪除
  5. 謝謝分享, 每月我都會將人工百份之十 轉入玩樂基金,不做儲錢機器。

    回覆刪除
    回覆
    1. 謝自由夢兄的留言!適度的玩樂,也是有益身心的。做儲錢機器既人生,真的很没意義呢~

      刪除
  6. 很好的分享,節儉和消費中間要取得一個好平衡,各走極端都會出事!

    回覆刪除
    回覆
    1. 謝謝80後兄的支持!通常在節儉或消費上走向極端的人,心理及價值觀都出現了問題,需及時正視。

      我的習慣是甚少帶credit card出街,消費之餘又不至於會洗濕個頭=)

      刪除
  7. 化粧品,梗係同男朋友行街個陣買,佢比錢!(至少我係咁)

    另外,我阿媽都係咁,我成日提佢,唔好慳, 比得你就用哂佢. 唔好留比我~~~

    再另外, 本金再利用可免就免, 留比小朋友追夢, 或者敗家敗左佢都好.

    至少,我唔想子女為慳錢供樓, 去買超市過期食物.

    回覆刪除
    回覆
    1. "化粧品,梗係同男朋友行街個陣買,佢比錢"
      吓,我喜歡一個人逛、一個人買,是否太毒XD

      "本金再利用可免就免, 留比小朋友追夢"
      70兄你有兒女,咁plan的確較稳陣。

      "想子女為慳錢供樓, 去買超市過期食物"
      哈哈,我知你串緊邊個=)

      刪除
  8. 我父母是第4類人, 大多數身家已分俾D仔, 女就出少少錢在生意上幫妳, 之後要靠自己 !
    我就睇手上有幾多錢, 多就多用, 少就少用; 老公有時唔捨得用錢, 我同佢講, 你依家唔用, 將來就仔女會用 ! 所以唔會亂花錢, 不過應洗就會洗 !
    將來留俾仔女的, 夠佢地財務自由 !

    回覆刪除
    回覆
    1. 謝謝Lisa的分享!能有足够的金錢令所有子女財務自由,妳和妳先生真的很厲害呢=)

      如何好好地運用金錢,可以是一輩子的功課。不同的人生階段,會有不同的體會。大家共勉之吧!

      刪除
    2. 跟隨時代, 選最好的投資, 還要分散投資, 步步小心分析將來變化 !
      唔好學人大玩賭局, 一行錯一步, 全軍覆沒 !

      刪除
    3. Lisa妳說得對呢,大賭未必變李嘉誠的,所以投資一定要謹慎,唔好踩錯腳去投機。

      刪除
  9. 適當的享樂是必需的,
    投資策略亦因人而異,
    保守的後果, 亦是自己承擔返
    最重要的是, 及時行樂

    回覆刪除
    回覆
    1. Scott兄所言有理,經濟狀況没問題的,實不應做些對自己太mean的行為,如每天翻吃隔夜飯、只穿二手衣服等,這樣對身心都非常不健康呢。

      刪除
  10. 其實有機會die rich都好過poor成世既,不過我就唔會lor,有錢梗係要享受下啦!如果唔係有錢黎做咩!

    回覆刪除
    回覆
    1. 呵呵對呢賢兄,有錢梗係要好好利用。有愛心者如Mother Teresa, 有一次她收到名車後,便發行抽獎卷予大眾,有一個赢名車的機會。而抽獎卷籌集到的錢,比車的原價更高呢!

      知道錢的重要性,才更懂得造福自己及人群。

      刪除
  11. 其實有機會die rich都好過poor成世既,不過我就唔會lor,有錢梗係要享受下啦!如果唔係有錢黎做咩!

    回覆刪除
  12. Die rich 可以當philanthropy

    Live rich 亦無 Live comfortably 咁重要

    最重要是人生積極後知足常樂吧。

    回覆刪除
    回覆
    1. Yes,快樂並非來自慾望的滿足,而是來自內心的自足。

      刪除
    2. R兄說得也有道理,每人也有自己的路,最緊要是知足常樂和心安理得。人生選擇怎樣過,我也會尊重别人的呢=)

      刪除
    3. Yes Michael兄, 有時物質追求太多,精神和心靈反而會被腐蝕呢。

      刪除
  13. Spending wisely is a virtue,
    But I wouldn't recommend buying brand name products.

    回覆刪除
    回覆
    1. Keith兄,間唔中買下,當犒賞下自己或培養些品味,也可接受吧~唔好沈迷便可呢!

      刪除
  14. 也看过好多年轻创业存了很大一笔退休金的长辈,因为缺乏理财观念,退休后子女都不在身边,经常无所事事就经常和朋友出入赌场沉迷赌博,最后把整幅身家输得7788的例子。

    回覆刪除
    回覆
    1. 謝謝Je你的分享!好多人在理財上,抗壓力及抗誘力都較差。即使年輕時賺到錢,年老時還是一鋪敗走哂。真令人婉息!

      刪除
  15. HAHA CHERRY, 我都會有時比SALES讚下/佢份人NICE, 又想買多D, 果刻會同自已講:冷靜少少,屋企果D仲未用完XD。有時,我仲會讚返佢地轉頭,佢地好開心,送多幾個SAMPLE比我XD(當然我唔係係咪都讚一餐,真係好先讚)

    回覆刪除
    回覆
    1. 呵呵Heiman妳真聰明,將心比己,你對salespeople客氣,他們做得更開心,自然對你更殷勤。

      我自己收的sample,則多是個人不太合用的產品,所以我會儲埋轉贈給朋友,以免浪費=)

      刪除
  16. 第3點好多人中,睇小自己價值,唔敢去追求更多,其實有得享受就應該享受,享受完可以再搵過,就算搵唔返都冇乜大不了。

    回覆刪除
    回覆
    1. 森而兄的分享真到肉呢!我覺得做人可以自謙,但絕不可以自卑。同意適時享受非常重要呢。

      我的job nature,有時會令哋唔熟既人,一聽到就想串我。我通常都有籌碼窒番佢哋的,對班有superior complex的人,我真係完全不客氣!

      刪除
  17. 我傾向認為年輕人要多儲錢,就像儲積木一樣,
    要有足夠的數目先可以建個城堡。
    但就不能一味儲又不運用那些積木。
    所以人到壯年的時候就比較需要投資理財。

    個道理就像小孩要讀書,但不能讀到博士也一味讀書,讀到咁上下就要運用知識,而不再是只學習。

    回覆刪除
    回覆
    1. 謝謝洪子你的詳細分享!比喻舉得很貼切呢。

      懂得運用知識的累進功能,才能有exponential growth, 而並非一輩子都只在走baby steps。

      刪除