2021年1月9日 星期六

2021年:選私人工還是政府工?

大家今年會轉工嗎?而同一種行業/職位,在政府與私企的待遇又是如何?歡迎大家參考以下兩個網站:


各私人公司的職位和薪金:https://hksalary.com/?fbclid=IwAR28Xr22ZQ8MOxfpiyQxM_MWzf_HHeuzrdTBlFmEoVf7uWr-K4PMt380Ekc


(Source: https://lihkg.com/thread/2337135/page/1 *標注)

---------------------------------------------------------


政府職系資料庫的薪酬待遇:


https://csradar.com/grade


經歷上年疫症對各行各業的影響,相信本地不少打工仔,也開始對公務員職位趨之若鶩。除了工作穩定性與每年的薪酬調整外,政府職位亦往往伴隨著其他好處。



比方說,在私人公司任職經理,平日或多或少要花錢在裝身與應酬上,有時又請下屬吃飯之類的。但在公務員部門,社交活動一般較少(除非你是上報紙嗰類局長)。下班後,也多是各自各回家。身為上司,亦無甚壓力要買名錶名車,因一般不需見客。


相信兩日前見過”Neville Ng”單新聞的網友,都深明Big 4的OT culture有幾恐怖,peak season更不是人過的。我有些舊同學,在Big 4工作數年並取得CPA後,便轉職至金管局丶港交所等機構。不是說政府部門的工作不需OT,但性質起碼是一分耕耘 一分收穫。


翻看「政府職系資料庫」的網頁,會計主任(公務員)的月入中位數為$57345。即使是”最低職級”的二級會計主任,頂薪也可達$55995。對有家室的人來說,是不是比在Big 4長期捱夜更好呢?


大家對照完上述兩個網站的數據,會否對自己的行業/職位有新的看法?歡迎留言分享!


*標注:此網站(hksalary.com)entries達九百多個,幾乎全由用戶自行輸入資料。當中不乏一些疑似造假的數據,例如月薪八萬的非管理層admin.職位,請大家細心判斷。


P.S. 我的Facebook Page: “自由投資谷” (https://bit.ly/32ka7pE) ; 我的WhatsApp group 入谷方法: 可將今月$50-200的捐款收據,電郵至cherry.neverland@gmail.com

12 則留言:

  1. 政府工當然好,私人企業點知會唔會炒人降薪,公務員至少穩定,再把錢儲下來投資買股票,一樣可以發達

    回覆刪除
    回覆
    1. 對呢Vision弟~有家庭兒女的話,工作穩定也是一種優勢,尤其今次疫症「洗」走了不少人眼中覺得穩定的行業。收入安穩的話,投資上相對便可進取點!

      刪除
  2. 穩定係穩定,但政府好多中高層位三年一調,如果坐到唔好既位只可以死忍,一走就咩都冇,入面好多老細深知D人走唔到,會用到佢地盡或耆無理欺壓(參考林老師事件),好多人受唔住又唔想放棄份工,惟有扮精神病拎白卡。私人工遇到咁既情況大可以選擇搵過份,但政府工經驗若非專業工種私人市場大多唔承認,辭職機會成本高。

    講到底打咩工都好都係要睇自身條件同運氣,淨睇薪酬太片面。

    回覆刪除
    回覆
    1. 適合私人工還是政府工,當然要配合個人能力與性格。

      但一般來講,私人工未必有得撰做成世(被炒 / 行業息微),但公務員最少俾你呢個選擇權利。

      刪除
  3. 剛在hk salary.com見到有個graduate programmer月薪得$15000, 似老作呢🤔

    回覆刪除
    回覆
    1. 對呢Yoyo! Programmer 即使是graduate position, 也不可能只有萬五月薪吧。即使不是FANNG的七萬起薪,正常情況也接近20K。

      不排除個別公司/招聘者為拉低市價,而在網站內作假數據。所以網站作者也鼓勵大家主動分享個人的薪酬待遇,令市場資訊更透明公開。

      刪除
  4. 其實主要睇個人能力,有無野心, 同埋大圍經濟情況。政府工,係穩定, 但逐級上, 就算點叻都花更多時間要上到上層, 大圍經濟好既時候, 有能者o係私人市埸人工加幅加bonus, 再過下塘一定比政府工加得多好多。政府工隨年資跳point, 經濟唔好時就較穩陣。

    回覆刪除
    回覆
    1. 言兄分析有理👍 畢業後先在私人公司打拼一段時間,然後30多歲成家立室後,再報考政府的officer/managerial grade,是可以理解的選擇。

      刪除
  5. 政府工真正鐵飯碗, 咁多年黎最多都係凍薪, 唔考慮轉工既話我會選政府工。
    最正既每年既 REVIEW 加 PT, 加薪既幅度比起好多私人公司3~5%更為高。再者, 政府工既上限薪金其實唔低, 好多私人公司所謂既 M GRADE 都未必比政府文職既頂薪高。

    回覆刪除
    回覆
    1. 謝謝二兄的分享!有家室嘅人真係會完全明白你的意思👍

      香港的生活成本好高,如有經濟壓力但又想追求”self-actualisation”的話,倒不如正職做公務員、業餘再發展其他興趣或副業。

      刪除
    2. 補充兩個數據:
      1.過往10年公務員平均薪酬調整為3.8-3.9%
      2.每個薪點(point)之間相距約5%
      所以每個未到頂薪的公務員每年的薪酬大約加9%,懂複利的大家想像一下,大概每8年薪酬翻倍

      刪除
    3. 即使唔升point, 每年加幾%人工也很不錯呢!

      但需專業資格的職位,一入去最低都 point 27,工程師就 point 32。如再進修升職,工作穩定性與薪酬已好過外面不少私企。

      刪除