2018年4月5日 星期四

財blog也要”內容行銷”?

因親人從事廣告業的關係,近期我也接觸這個範疇的書。原來”content marketing”,已是大勢所趨的宣傳方向。


現時不少企業都留意到:傳統的PUSH型廣告,很難集中吸引潛在的顧客;新式的PULL型廣告,則在影片平台丶網絡及部落格等,公開自己的know-how,內容中不特別提及自家的産品。待累積一定程度的粉絲及影響力後,本身有意購物的人, 自然會搜尋行內的表表者。

比方說,我經營一間小餐廳,沒有太多資金去賣廣告。於是,我便在FacebookYoutubeInstagram中,分享一些家中可煮的食譜丶餐單的冷知識丶經營餐廳的笑料等。看似跟營銷無關的內容,反而能聚集大堆對dining感興趣的群眾。只要我在社交媒體中,持續分享有營養的內容,又多和網友交換互動,自然能提高餐廳的人氣。從網絡而來的搜尋及咨詢增加了,對餐廳的收入,長遠肯定有幫助。


即使不做廣告行業,在我們的一生,不論是求學丶求職或求偶,總會有需要推銷自己的時候。與其強行要人地buy自己,我們倒不如想想:別人需要的是什麼?而我所付出的,又能否令大家(包括自己)稱心滿意?

引申至財務blog,遇上過分商業化的網誌(eg. 每篇文末,都叫你打XXXX號碼報財自班),難免令人反感;但遇上太不商業化的網誌(eg. 每篇文章,都是講自己屋企的收入及開支),又會令讀者感到事不關己,而減少追看。這個時候,我們可以用一點「內容行銷」的策略,在個人筆癮與大眾興趣之間,取得些少平衡。

根據廣告界的定義,人類有八大生命原力。大部分的廣告,都會以此作為appeal,去吸引觀眾的目光:


單是這8個觀點,已可讓我們brainstorm一些有內容行銷因素的財blog文章標題:

1)半退休的我:生命有take two嗎?
2)實惠的環球美食之旅
3)年金與收入:我能不為長壽而擔憂嗎?
4)愛情食物鍵,財富金字塔
5)投資移民:環遊世界住villa
6)棄掉單車,踏上財自快車
7)天國日記兒子,我留給你的,遠遠不只是錢呀!
8)散戶頒獎典禮今年你攞乜奬?

個人來說,寫此頹blog純為興趣,並無任何產品作招徠。如為了提高hit rate丶而刻意寫迎合網友的東西,我又覺得沒有意義。但有時,在人家的角度想想,運用內容行銷的構圖去撰文,又不妨是一個新嘗試!

你的生活中,有值得嘗試內容行銷的地方嗎?歡迎留言分享一下:)

28 則留言:

  1. 同你一樣, 只為朋友和自己興趣寫, 要引人睇, 就要把 balance sheet 放上網, 抱好多 hit rate !

    回覆刪除
    回覆
    1. 對呢Lisa,為興趣寫會開心哋。我見外國有些finance blogs, 連濕碎帳單也post上網。讀者一開頭可能仍好奇望下,但冇耐便會失去興趣。

      刪除
  2. //每篇文末,都叫你打XXXX號碼報財自班
    今時今日仲有人上當?

    回覆刪除
    回覆
    1. 池兄,唔少人都上當㗎~很諷刺地,呢類開班blog也用了「內容行銷」,搵不同讀者case做例子,並提供”solutions”, 以增加可信性。

      刪除
  3. CHERRY姐係咪會就上述8個題目逐一撰文?XD

    回覆刪除
    回覆
    1. 哈Ryan兄,我只是隨意作幾個題目做例子,應冇能力作啦😅

      刪除
  4. 集體創作先好玩喎,一人一個topic啦 XD

    回覆刪除
    回覆
    1. 好呀艾力,你想撰邊個topic寫先?🤣

      刪除
  5. 正喎!
    同油麻地戲院片名, 異曲同功.
    之前魔術有:"帶著矛盾去財自"
    我認為有:"帶著遺產比子孫扮幸福!" (其實無人想理佢...)

    另, 利用內容行銷已非新鮮事. 女主人生意成功之處亦如此.

    正正係班入棺材老野唔敢做唔識做, 傳統行業只要一加入新科技/知識元素, 成功就好易. 呢樣野我太太用左十年了.

    回覆刪除
    回覆
    1. 70兄的太太真係好叻女👍 某些傳統生意恃住有熟客,就冇諗過創新;當同行開始引用content marketing時,才發覺自己的客源逐漸流走...

      遺產對後代來說並非最重要,如父母能教導處世哲學及應變能力,已是對兒女最大的祝福!

      刪除
  6. cherry每篇都是長文,很花時間,又不求名利,無興趣很難持續去做

    回覆刪除
    回覆
    1. 謝牛腩河兄的支持!我的文章不算長,而且亦無能力用blog來追求”名利”呢。寫完後自己舒服、又有網友睇,已當係賺咗👍

      刪除
  7. 上面的八個題目,我對5,7,8最有興趣,希望妳會考慮作下文^^

    回覆刪除
    回覆
    1. 哈哈Sammy, 第五題我肯定冇相關的know-how可寫到呢🤡

      刪除
  8. 妳求祈就呢8個觀點起既標題,已經相當之唔錯,可惜妳唔走d 乜sir物sir路線,否則實fight低佢地

    回覆刪除
    回覆
    1. 哈哈賢兄過獎了!作標題容易,構思內文及組織才難呢🤡

      乜Sir有收學費做incentive,自然可千篇一律寫case...但對我這類小blogger而言,走呢條路線感覺較累呢~

      刪除
  9. 散戶頒獎典禮這個很有趣!

    為了生意自然要搞 Content Marketing,但其實 Content Marketing 要寫得自然也不容易,現在很多一看就知是「內容農場」種的農產品⋯⋯ 自己還是喜歡看「自由 Blogger」的分享,何時發文、文章長短、內容鋪排都由心而發,我手寫我心,這些內容看上去都更「自然」「無添加」。

    年金也是我很想寫的題目,但於我而言這題目太敏感,可能要勞煩其他 Blogger 了 :)

    回覆刪除
    回覆
    1. 謝謝福祿兄的支持!如有散戶頒獎典禮,所有衰嘅奬都應由我攞🤣

      內容行銷,要維持長期的高質素及自然風格,是很不容易的。但在顧客心目中,commercial少少是可接受的,最緊要是match到市場的缺口丶為客人帶來生活便利。

      哈哈做個自由blogger是很不錯呢...annuity我也不熟,印象中日本美國較流行這種產品。如和你行業相衝突的話,希望以後有其他blog友有興趣撰文呢👍

      刪除
  10. 其實好多知名「財經專家」也做緊內容行銷,以增加信徒吧~^^~||

    回覆刪除
    回覆
    1. 對呢阿Sue, “財經界KOL”火先生疑似開俄妺配港男的dating agency,都用咗內容行銷㗎~

      刪除
  11. 好多財自導師都響報紙雜誌出文吸客,話自己靠財自日日訓到日上三竿,中午先起身。實情係靠晚上授課收入,晚晚好夜收工,早上百無聊賴咪訓宴d 先起身囉。咁既生活我諗起夜更的士司機,話自己已經財自,日日唔返工(因為係晚晚要捱更)。

    回覆刪除
    回覆
    1. 哈哈這個比喻真的很好...但我覺得的士司機對社會的貢獻,應該比開班奴大呢😅

      就算是開班,長期做也會有職業病(如喉嚨痛)。所以無論做邊行,最好 plan定條後路for”真財自”, 勞力錢是不能賺一世的。



      刪除
  12. 我寫blog只為鍛鍊一下中文, 再加上覺得數十年後回看當年的思想或生活細節, 應該挺有趣呢.

    做人還是自由好, 一做了content marketing, 商業化blog, 應該不會再走回頭路, 寫文也變成不是為了自己.

    回覆刪除
    回覆
    1. 哈哈對呢Joseph兄,如你般幾十年後看回自己blog中的豔史,也是一大樂事👍

      寫商業化Blog, 就好似迫自己打第二份工咁,壓力反而大咗。除非有極強的incentive(如仍有很多樓按丶仔女在外國就讀等), 否則懶人如我真係費時搞(亦冇能力搞)~

      刪除
    2. 美女cherry聽歌幾有taste wor. :)

      刪除
    3. 哈哈冇乜taste呢,我依家都是主要聽pop 😅

      刪除
  13. 謝謝blog主分享。

    以前大學有讀下marketing, 覺得好廢, 但今日睇左blog 主分享,有啲得著。你呢篇文好過大學啲marketing101, 哈哈。

    回覆刪除
    回覆
    1. 謝謝Ocean的支持!我只是照字搬紙呢😅 今時今日,hard-sell應不太work了。

      聰明的廣告,可不留痕跡地推銷產品,顧客受潛移默化,仲要覺得你肯賣嘢俾佢,係佢嘅榮幸。

      刪除