2016年11月2日 星期三

財演怪叔叔(下)+番外傳

承上回:
Cherry(咤異):  叔叔, 這...這才是你真正做緊的裝修嗎?
叔叔(大怒):  當然唔係! 細路仔多事幹!!

他粗暴地拿回iPad Air, 睥着呢位𡃁妹, 想着下一步如何是好。
-----------------------------------------------------------

幸好, 怪叔叔行走江湖多年, 來個腦筋急轉彎, 即時諗到點答。

叔叔(賣笑):  小妹妹, 你聽過反面教材未? 呢哋咁差既裝修相, 係由其他blog度copy過黎㗎。冇佢哋既cheap貨, 點映得我勁呀?
Cherry(一面懷疑):  喔...你話係咪係囉。

叔叔(繼續堆笑):  唉! 小妹妹, 睇黎我唔出真功夫, 你都唔信我㗎啦! 不如叔叔免費裝修下你間屋...既睡房...既書枱?
Cherry(興奮):  真㗎? 我一毫子都唔駛俾? 多謝叔叔!!
叔叔:  當然! 你張書枱, 想整邊個Disney princess呀?
Cherry(沉思一會):  嗯...咁我要哂咁多位公主既cross over啦!
叔叔(面露青筋): 哼...唉...好吧......

然後, 叔叔在Cherry手上塞咗份“少女裝修團隊參加表格”,和一枝筆。

叔叔:  妹妹, 你喺表格上簽名。叔叔今晩即刻過黎你屋企度尺寸, 張抬好快整好㗎啦!
Cherry(望咗一眼表格):  吓? 我要學裝修? 但我對呢樣野冇興趣喎。
叔叔:  妹妹, 我個裝修團隊勁多靚姐姐㗎。佢哋賺錢多、前途好, 你自細入咗我既“育成計劃”, 將來都會好似她們咁成功㗎!
Cherry(孤疑): 乜野“育成”呀?

叔叔(背書mode):  妹妹, 你聽過日本既AKB48未呀? 你入咗我團隊後, 就會好似少女明星咁, 日日接受(裝修)訓練。在成名之前, 妳們可以用市價9折租住我的“名星訓練室”, 4個人住一間房。妳們愈博命宣傳、收兵、接jobs...收的佣金便會愈多。
Cherry: 佣金? 好似其他工作都有喎, 冇乜特別啫!

叔叔(亢奮):  都話我個team前途好囉, 梗係唔止佣金咁簡單啦! 我團隊内的top performers, 都可以be my partners。她們做咗我公司既高層, 大家可以一齊申請mortgage、買樓收租, 完全no problem!
Cherry(打呵欠): 呀~你嗡咁多英文, 我都唔明你講乜。但算啦, 我參加吧, 你可以請我食朱古力未?

Cherry拿起表格, 草潦地簽好名, 叔叔終於獎她吃粒貴價朱古力了! 他執起百寶袋, 準備出發去她的家。

Cherry(忍不住問): 叔叔...其實你咁叻, 點解唔靠自己接job、要出佣俾班女仔出去揾客人?
叔叔(黯然神傷):  妹妹, 呢個世界...好多人都係外貌協會嚟㗎。叔叔天生一副怪模樣, 又點會有人欣賞我既内在美呢?

Cherry一邊吃朱古力, 一邊牽着怪叔叔的手, 徐徐走向自己的家。二人漸行漸遠, 隱約傳來怪叔叔的聲音: “妹妹..媽媽..細過..三十?..介紹..叔叔..識?...”
-----------------------------------------------------------

根據偽基百科的介紹(http://uncyclopedia.hk/wiki/怪叔叔), 我改編了些内容, 為大家提供怪叔叔的其他判斷方法。

如有陌生人對你說:
他會教你怎樣低炒(指股票)。
向他許三次發達願望(在他消失前)會實現!
他帶你玩好玩的cash flow遊戲!
他教你將來做金魚(佬)!
他教妳奇怪的理財武功!
他令妳有超印錢能力!
他會帶你做戶外教學,看看落入地盤中的蘿莉/互太長什麼模樣!
他會教導妳做股神的道理!
他會教你如何召喚左右手並怎麼控制它。

那對方就可判斷為怪叔叔。
-----------------------------------------------------------

番外傳:

上次的留言中, 醉心兄曾提及, 為何怪叔叔要買這麼貴的朱古力給小朋友。其實, 他早習慣以金錢及物質去衡量別人, 根本就不會付出真心。

從前,
他喜歡一個人;
現在,
他喜歡一個人。

從前,
他遇到心儀的對象,會問:
"How much do you love me?"
現在,
他遇到心儀的對象,會問:
"How much?"

所以, 請大家不要恨怪叔叔, 他也不是真的這樣壞。他的身上, 可能係有幾個錢, 只是, 他的心卻沒有愛。

26 則留言:

  1. 從前,
    他喜歡一個人;
    現在,
    他喜歡一個人。

    到最後文風突變,變得咁浪漫,怪叔叔的少年時代。XD

    回覆刪除
    回覆
    1. 哈哈Wanderer弟,不浪漫呢~只是補充番哋background,交代怪叔叔的創傷後遺症而已XD

      刪除
    2. 眼前一亮,文字原來可以咁玩。

      刪除
    3. 呵呵池兄見笑了,我呢哋level吹水而已^^

      刪除
    4. 「從前,他喜歡一個人;現在,他喜歡一個人。」~這挺有意思的,充滿各種可能性,哈哈

      刪除
    5. 哈哈Yanwei兄~看來都是些不好的可能性:)

      刪除
  2. 他遇到心儀的對象,會問:
    "How much?"

    個番外傳不合格喎~詳細的「情傷史」呢?:)

    回覆刪除
    回覆
    1. “情傷史”
      哈哈阿Sue~成匹布咁長,which story do you want to hear first?

      見妳同Wanderer弟都咁關心個番外傳,我都update咗個題目,表示重視XD

      刪除
    2. 可以講下佢以前被女騙財騙色的經過嗎?...oh淨係騙財嗰part夠了,另外嗰part應冇可能發生過^_^

      刪除
    3. 阿Sue妳講野實在太串了.... /_\

      刪除
    4. Any insider info. for sharing?

      刪除
    5. 吓?Keith兄請不要認真,這只是虛構故事一則,又有何insider info呢~?

      刪除
  3. 咁似D老鼠會、傳銷,依行潛力真係好大,因為人其實好易受外界影響,怪叔叔做落去應該好快唔洗自己去裝修,坐定定收錢。

    回覆刪除
    回覆
    1. 謝Steven兄的留言!你講得啱,傳銷對愚民的吸引力是很大的。比起披星戴月地返工,誰不想靠口材、點下人,就日日有錢收?

      刪除
  4. 哇...一句說話居然develope咗一個番外傳出來,才女犀利!

    番外傳好正!LIKE

    回覆刪除
    回覆
    1. 醉心兄過奬了!我只是吹水而已...請不要再叫我“才女”了,我不學無術,會笑大人個口呢:)

      我個人都較喜歡個番外傳,意猶未盡~

      刪除
  5. 很有趣的諷刺文!! 期待更多

    回覆刪除
    回覆
    1. 謝Michael兄支持!但諷刺文不能寫太多呢,否則我會很黑人憎的XD

      買樓收租、搞相關業務等...在我眼中並無問題,關鍵是個人的態度及胸襟。

      刪除
  6. 呢篇正, 現在,
    他遇到心儀的對象,會問:
    "How much?"

    其實純從投資的方向看, 不能太責怪只懂收貴租的人, 但正如cherry所說, 是心態的問題.

    回覆刪除
    回覆
    1. 呵呵Joseph兄,不能靠真心及本事獲得別人歡心的,才會想用錢去搭救。呢一招,相信你一輩子都用唔着XD

      心態决定一切,同樣是收租者,為何有些就得人尊敬,有些就惹人討厭?

      刪除
  7. 金錢使人腐化, 尤其係唔多唔少又餓你唔食個D AMOUNT, 例如租金收入。
    結果收租仔個個發錢寒。
    一切美學,人文,羅輯,哲學都變成浪費時間

    回覆刪除
    回覆
    1. 哈哈70兄,這種發錢寒的收租仔,你應接觸過不少。佢哋嗰種“唯利是圖”的視野太過陜窄,既消耗精神,又不見得有咩大發圍。

      就係唔識任何美學、人文、邏輯或哲學,所以佢哋寫文鬧人的語氣都特別俗囉~

      刪除
  8. 咁社會上太多怪叔叔啦, 塘人可以是其一XD

    回覆刪除
    回覆
    1. 塘人兄頂多是二次元界的怪叔叔,你應不會搞真正的小蘿莉吧XD

      刪除
  9. 回覆
    1. 謝謝Mike兄支持,下次有機會我再寫過:)

      刪除